بإذن الله هشترى لاب و محتاج مساعدة فى الاختيار بين كذا موديل

**blazer** · 18-05-2013 10:23 PM

المشاركة الأصلية كتبت بواسطة Ahmed_Adham

انا متحيز لل HP من قديم الازل ومش هقولك تجيبه عشان مش عايز اديك رأي حد متحيز بس لو هتجيب i7 من hp متجيبوش راكب على g6 عشان فئه g6 أخرها ال i5 ولما يبقى عليها i7 بتبقى زي العربيه القديمه اللي متسقطلها موتور بسي سي عالي.

هتجيب i7 من hp يبقى خليك في ال dv6 series (دلوقتي فيه كمان Envy series ) لو فرق السعر يمشي معاك. الجهاز معايا هيكمل سنتين كمان شهر وكنت شاريه بحوالي 7000 جنيه وحالته دلوقتي وكأني شاريه امبارح (باستثناء نقره في اطار الجهاز لما بنتي وقعته من على الترابيزه) بس الكواليتي في الخامات والتقفيل تستاهل السعر.

انا الى اعرفه ان الفرق بين ال g6 - m6- dv6
هو فرق فى خامات الجهاز و بعض الاوبشنز زى زراير الكىبورد الى بتنور و السماعات الافضل فى الجوده
انما معتقدش انه بيفرق فى الهاردوير الداخلى من حيث جوده المكونات
يعنى هل ال chipest مختلفه ؟

**Dr_Mido** · 19-05-2013 02:09 AM

المشاركة الأصلية كتبت بواسطة blazer

انا رنج ال 5000 يزيد شويه او يقل شوية

دور علي فئه Xps في،الديل هتعجبك قوي

Sent from my Xperia Arc S using Forum Runner

**AlGazar2** · 19-05-2013 02:54 AM

بص يا باشا

الديل الجديد عن تجربة اكتر من صاحب ليا جهاز مينفعش يصدر تحت اسم ديل خامات رديئة - سخونية جامده جدا

الاتش بى على الرغم من تحيزى ليه جدا جدا بس ما تجيبش ال g6 نفس حوار الديل بس خامات احسن بكتير
للعلم معايا جهاز dv6 i7 1st gen من شهر 2 2010 يعنى حاليا بقاله 3 سنين و 3 شهور تقريبا شغل معمارى رندر و شوب و كاد و Gis و مازال صامد الحمد لله خامات محترمه جدا

اللينوفو حاليا ممتاز فى الاسعار المتوسطة خامات كويسه امكانيات عاليه اسعار مناسبة من الاخر صفقة رابحة جدا

من الاخر بقى عايز ديل يبقى xps غير كده انسى - اتش بى يبقى dv6 او envy غير كده لا

لو تقدر تزود و تجيب ال dv6 او الانفى فى الاتش بى يبقى كده حلو اوى غير كده اتوكل على الله و هات لينوفو جهاز محترم جدا و مجربه رندر ريفيت و Gis مفيش سخونية نهائى و خاماته حلوه جدا جدا علما بانه i5

**Ahmed_Adham** · 19-05-2013 04:11 AM

المشاركة الأصلية كتبت بواسطة blazer

انا الى اعرفه ان الفرق بين ال g6 - m6- dv6
هو فرق فى خامات الجهاز و بعض الاوبشنز زى زراير الكىبورد الى بتنور و السماعات الافضل فى الجوده
انما معتقدش انه بيفرق فى الهاردوير الداخلى من حيث جوده المكونات
يعنى هل ال chipest مختلفه ؟

هوه فعلا الفرق بيكون جوده خامات البودي والسماعات البيتس (اللي علو ونقاء صوتها ممتاز) بس الفكره ان g6 بحس انه تعبان شويه مينفعش يبقى من جوه الجهاز في هاردوير عالي ومن بره شكله اقتصادي أو فقير يقلل قبولك للجهاز فيبقى زي ما تكون جايب ماتور عالي مسقطه في عربيه قديمه.

مش عارف ان كان الخاصيه دي في g6 ولا لاء بس انا عندي كارتين شاشه واحد انتل وواحد amd وبتبدل منهم من جوه الويندوز والجهاز شغال عشان لو عايز تشغل حاجه جرافيك عالي تشغل ال amd ولو عايز تقتصد في البطاريه تحول على ال intel لأنه بيستهلك باور أقل بكتير بس معنديش فكره ان كانت ال chipset بتاع البورده مختلفه ولا لاء لأني مبحثتش في الموضوع ده بدقه لأني كنت واخد القرار مسبقا.

**RIDER 2050** · 19-05-2013 06:00 AM

المشاركة الأصلية كتبت بواسطة SAMEH_FOUAD

شوف ياباشا انا الحمد لله لسة مشترى انهاردة الصبح لاب lenovo g580 مابيسخنش تماما , لان التبريد بتاعة فريون

وشارية من مول السخاوى فى مصر الجديدة ب 3900 جنية مواصفاتة كالتالى

البروسيسر : 2.5

الكاش : 3 ميجا

الرامات : 4 جيجا

الهارد : 500 جيجا سرعة دوران 5400

كارت شاشة gforce 1g

شاشة led 15.6

دورة تبريد فريون

كاميرا 2 ميجا

(بلوتوث - امكانية تركيب كارت ميمورى - واى فاى )

خاصية التيربو بوست بيوصل ل 3.1

هو الصراحة لحد دلوقتى الجهاز ممتاز وسريع جدااااااااااااااا ومافيش سخونية تماما

اللينوفو جامد جدا وسامسونج كمان

هو ده core i5 ولا ايه اصل سعره عالى شويه
انا جايب المواصفات دى من شهرين core i3 ب 3100 ومن مول السخاوى

**RIDER 2050** · 19-05-2013 06:03 AM

انصحك باللينوفو فعلا جهاز محترم وسعره مناسب لامكانياته

**SAMEH_FOUAD** · 19-05-2013 10:23 AM

المشاركة الأصلية كتبت بواسطة RIDER 2050

هو ده core i5 ولا ايه اصل سعره عالى شويه
انا جايب المواصفات دى من شهرين core i3 ب 3100 ومن مول السخاوى

اة ياباشا i5

وفية بنفس المواصفات دية بالظبط بس يفرق كارت الشاشة ب3450 جنية , للى عايز يشترى حاجة كويسة هو بس الفرق انة دة بكارت شاشة intel

واللى ب 3900 جنية كارت الشاشة بتاعة nvidia - gforce

لكن الاتنين 1 جيجا

**shadygalal669** · 19-05-2013 04:20 PM

انا مقرتش الردود كلها لكن هنصحك نصيحه هتفتكرني بيها

ابعد عن الـ Dell دلوقتي

عندي تلاته صاحبي جابوه من 6 شهور من محلات مختلفه كمان و كلهم ال3 اللابات بتاعتهم باظت اللي جاب بايوس و اللي جاب رامات و اللي حصل مشكله في الشاشه

**SAMEH_FOUAD** · 19-05-2013 11:10 PM

المشاركة الأصلية كتبت بواسطة tza

i5 جيل ثانى ولا ثالث يا ريت مواصفاته بالضبط ..

جيل ثالث ياباشا ومواصفاتة كلها اهية :

البروسيسر : 2.5 core i5 3rd generation

خاصية التيربو بوست بيوصل ل 3.1

الكاش : 3 ميجا

الرامات : 4 جيجا اماكانية التزويد لحد 8 جيجا

الهارد : 500 جيجا سرعة دوران 5400

كارت شاشة gforce nividia 1gb

شاشة led 15.6

دورة تبريد فريون

كاميرا 2 ميجا

(بلوتوث - امكانية تركيب كارت ميمورى - واى فاى )

سماعات dolpy ممتازة وصوتها عالى ونقى جداااااا

فية usb v2 , v3.0 موجود فى الاتنين

بطارية ممتازة جدااا , انا اشتريتة امبارح الصبح وكان فية حوالى 60%

قعدت بية امبارح لحد انهاردة الصبح بس شغل خفيف شوية نت ونقلت برامج والحاجة ادانى battery low انهاردة الساعة 12 الظهر , يعنى تقريبا قعد يوم كامل ببطارية 60% فقط

شاشتة رائعة , جميلة جداااااااا ماشاء الله

خاماتة نظيفة جدااا وشكلة شيك

بجد جهاز ممتاز جدااااااااااا

هو الصراحة لحد دلوقتى الجهاز ممتاز وسريع جدااااااااااااااا ومافيش سخونية تماما

الجهاز جاى معاة اسطوانة التعريفات بتاعتة طبعا مافيش جهاز بيجى معاة الاسطوانة الا قليل جداااااااا

الجهاز وزنة خفيف

العيب الوحيد اللى شايفة لحد دلوقتى ان الماوس بتاعة تقيل شوية مش زى اللينوفو القديم اللى معايا

اللينوفو جامد جدا

الموضوع: بإذن الله هشترى لاب و محتاج مساعدة فى الاختيار بين كذا موديل

LinkBack

أدوات الموضوع

عرض

-

-

-

-

-

المواضيع المتشابهه

هشترى ابيزا و محتاج مساعدة

محتاج المشوره لان هشترى شقه باذن الله

bmw 316 موديل 2006 ام bmw 520 موديل 2002 رجاء ساعدوني في الاختيار بارك الله فيكم

للخبراء: خلاص هشترى ايبيزا 93 ان شاء الله محتاج مساعده

الكلمات الدلالية لهذا الموضوع

المفضلات

المفضلات

ضوابط المشاركة