الموضوع: تجربتى مع زيت فالفولين التخليقى 5w-40

المشاركة الأصلية كتبت بواسطة bassem.naguib

أنا برضه شاكك في الشكمان

بصراحة ليك حق يااستاذ باسم واهم قطعة فى الشكمان هى جوان المشترك الامامى الخارج من الموتور بعدما غيرته صارت الامور افضل وايضا زيت الفالفولين كل وصف بيتر له صحيح

المشاركة الأصلية كتبت بواسطة ahmedselaraby

بيتر حبيبى



ألف ألف مبرووووووووووووووووك يا بيتر


و الله أنا فرحتلك و فرحت انك عملت موضوع و نقلت التجربه


سؤالى ليك : هل إستخدمت الانجين فلاش engine flush و لا ايه ؟

انا بسأل السؤال ده عشان غالبا بسمع انه لو حبيت تغير من زيت لزيت بمواصفات تانيه خالص لازم البتاع ده عشان يتحط الزيت الجديد على نظافه

بس فى نفس الوقت البتاع ده خطر جدا جدا جدا و فيه ناس بتقلق منه و انا منهم عشان ممكن يبوظ الموتور اصلا ,, فهل هما عرضوا عليك يستخدموه و انت قلتلهم لاء و لا مجتش سيرته اصلا ؟

و ده صورته




السؤال التانى : هل جبت معاك الفلتر من بره و هما ركبوه و لا هما أصلا عندهم الفلاتر بتاعتهم ؟

و هل الفلاتر بتاعتهم كويسه و سمعتا كويسه و لا ايه ؟

يعنى شوفت الفلتر قبل ما يركبوه ؟ كان مكتوب عليه ايه ؟ و صناعه ايه ؟

سؤال أخير : لو حبيت تزود إضافة ايزى على الموتور ,, هل بتعمل حسابك فى كمية الزيت المحطوطه تبقى أقل بمقدار كمية الايزى ؟ و لا بتحط الزيت عادى بالكميه اللى مكتوبه فل كتالوج و بعدين الاضافه بتتزود عادى ؟

شوفت اهو انا بغششك اهو , القصاااااااااااص ,, قصدى ايزززززززززززززززززززززى

عزيزى الاستاذ احمد مادة ال engine flush او مادة ال motor clean التى هى ضعف القوة للمادة السابقة خطر جدا على الموتور الجديد والقديم الزيت التخليقى به مادة للتنظيف بنسبة تساعد على نظافة المحرك ونصيحتى لمن يستعمل زيت معدنى لفترة طويلة بان يستعمل زيت تخليقى ويجعل تغييره بعد خمسة الاف كيلو والمرة التالية سبعة الاف كيلو ثم تزيد المدة تباعا الى ان نصل الى عشرة وايضا خمسة عشر كيلو متر توجد عبارة ذهبية فى موقع car bible تقول مالم تضع شامبو او ايس كريم بدلا من الزيت فى الموتور لاتستعمل بتاتا مادة ال engine flush ولا حتى فى المواتير القديمة لانها تذيب بعض من ال black sludges التى تملا فراغات نتجت عن الاستعمال الكثير وهنا يقل كبس الموتور وتظهر الدخانة البيضاء
واحب اذكر عن صديق كانت معه سيارة نوبيرا وظل يستعمل زيت معدنى الى 30 الف كيلو ولجا لى ان انصحه بان يستعمل زيت تخليقى وكانت النصيحة غريبة بان يستعمل زيت لسيارات ديزل لمدة ثلاث الاف كيلو ويفرغه لان هذا الزيت به strong detergent ثم وضع الزيت التخليقى بنفس ال sequence التى شرحتها سابقا وكانت النتيجة رائعة واشكرك على التنويه والتذكرة بعدم استعمال مادة ال engine flush وشكرا جزيلا

المشاركة الأصلية كتبت بواسطة ahmedselaraby

شكرا يا دكتور على الإفاده بس ليا سؤال , هو الجوان ده , حضرتك غيرته ليه ؟ يعن مثلا كان فيه صوت عالى على التسارع و لا حصل تغير مفاجىء فى اداء العربيه و لا ايه ؟

و هل الجوان ده له ماركات و أنواع ؟ و اللى حضرتك جبته كان ماركة ايه ؟ و بكام ؟

و هل فك القديم و تركيب الجديد بياخد غلبه و وقت و لا سهل عند أى حد بتاع شكمانات ؟

و مصنعية تغييره كام ؟


بس كده

احمد باشا الصوت كان عالى ولكن الصوت ابتدا يظهر اكثر وعندما ادرت السيارة امام احد الفهماء من الميكانيكية قال فورا جوان المشترك الامامى ارسلت لشرائة من التوكيل مع جوان اول علبة بحوالى 150 جنيه وتم تركيبه بسهولة عند اخصائى شكمانات واخذ خمسون جنيها والصوت هدى جدا والحمد لله

المشاركة الأصلية كتبت بواسطة lonedoctor

الصوت العالى اللى بيظهر بعد 120 مرتبط بعدة عوامل والشكمان قد يكون احداها بلا شك لكن انا ارى بعد خبرة السنين مع السيارة انه السبب الاساسى فى عزل كابينة السيارة عن الاصوات الخارجية بشكل عام وصوت المحرك بشكل خاص
احد الاعضاء المحترمين كان فور سيارته بالكامل لانه غاوى تعديل واكسسوار ففوجئ بانه التابلوه راكب على الصاج مباشرة وهناك بعض الفتحات خلف التابلوه غير مغلقة اساسا بجلب مطاط ولا يوجد لباد عازل اساسا فى حوض المحرك وطبعا كل ده لخفض تكاليف انتاج السيارة
يعنى انا لا اريد ان اعيب فى شركة الامل ولكن الامور دى واضحة والرسالة واصلة للجميع
وانا كان نفسى لو السيارة اغلى حتى ولو 5 الاف جنيه بس فيها كل الكلام ده

تقبل تحياتى

انا مع حضرتك ان يكون العزل فى السيارة على قدة
لكن هذا فى صالح السعر و على ما اعتقد بالنسبة لى انها تعتبر مقبولة فى العزل
شكرا لحضرتك على ملحوظاتك المفيدة

المشاركة الأصلية كتبت بواسطة elmanahry

بصراحة ليك حق يااستاذ باسم واهم قطعة فى الشكمان هى جوان المشترك الامامى الخارج من الموتور بعدما غيرته صارت الامور افضل وايضا زيت الفالفولين كل وصف بيتر له صحيح

متكشر لحضرتك يا دكتور
و دايما بنتعلم من خبرات حضرتك
و دايما فى اتم صحة و حال

ممكن حد بقى يقولى هل كدة البنزين بتاع العربية كدة العادى بتاعة ولا فعلا الزيت الجديد بيوفر فى البنزين

المشاركة الأصلية كتبت بواسطة peter magdy

ممكن حد بقى يقولى هل كدة البنزين بتاع العربية كدة العادى بتاعة ولا فعلا الزيت الجديد بيوفر فى البنزين

بيوفر في البنزين ولكن خبرتى مع ال byd f3 خلى رجلك خفيفة وسواقتك هادية هاتلاحظ الفرق ايام ماكانت رجلى سليمة ودوسات عنيفة كان الاستهلاك واضح