مساء الخير على احلى شباب فى المنتدى
وحشتونى و اللة - يا رب تكونو فى احسن صحة و احسن حال
انا عايز اقول حاجة بالنسبة لزيت العربية و خصوصا زيت فالفولين
انا غيرت الزيت من مركز الدقى اللى فى شارع ميشيل باخوم بالدقى ( اشمعنى)
لانى اتصلت بالتوكيل علشان كنت عايز اتأكد من ثقتة فى الموزعين بتوعة - بصراحة اكدهالى بس قالى المركز دة بالذات تحت اشرافة
طبعا كلنا عارفين او بنسمع عن محلات بيع الزيت و تغييرها فاللى فهمتة من اللى رد عليا فى التوكيل انة محل عادى لتغيير الزيت وواخد توكيل فالفولين
علشان كدة غيرت عندهم - ومن كتر الشك
العامل و هو شغال فى العربية و بيشيل الفلتر القديم كان حاطط الجركن جنبة فقلت افتح الجركن و اشوفة فلقيت غطا ببرشام عادى جدا
فرحت رايح للمدير قلتلة هو بس كدة غطا مش اكتر على الزيت يعنى اقل حاجة يجيى الجركف فى كيس علية بالكامل علية علامة و ختم الشركة او برشام فضى بعد الغطاء البلاستيك زى مياة موبيل
فقالى الناس برة معندهمش الغش اللى موجود عندنا هنا - فعلشان كدة مجرد برشام لاحكام الجركن مش اكتر
فغيرتة بصراحة و انا مش مطمن
انا غيرت الزيت الاتنين اللى قبل شم النسيم و مشيت بية شوية و بعدين سافرت بية بورسعيد يوم الاربع و جيت السبت اللى قبل شم النسيم و كنت بجرى و كنت بوصل الى 170 بسهولة من غير ما احرق على الغير يعنى 3 عل rbm و بعد الغيار اللى بعدة
بس اللى كان مزعلنى ان صوت الماتور كان عالى جدا ( يعنى زى زيت موبيل اللى فى التوكيل ) بس قلت علشان لسة جديد
المهم
انا لسة جاى من العين السخنة يوم الجمعة
ماشاء اللة - اوعى وشك
5 افراد غير الشنط و تكييف
العربية بتوصل الى 170 بتبقى تقيلة شوية مع التكييف
و بالنسبة لصوت الماتور بقى حاجة تانى - انا حسيت انى راكب عربية تانى سواء مع التكييف او من غيرة
الصوت و بدون مبالغة بقى واطى جدا جدا - انا حسيت راكب عربية تانى من كتر هدوء الماتور
المقارنة دى بالنسبة لصوت الماتور العادى بزيت موبيل و زيت فالفولين بعد اول سفرية و المرة دى
انا مش عايز حد يقول عليا منافق بس عايز اقول ان الزيت قلل صوت الماتور بنسبة 60% او اكتر
ملحوظة - الزيت للسيارات اللى مكملتش 100000 كم فقط
بالنسبة للبنزين
سمعت انة بيوفر فى البنزين - و عن تجربة
انا فولت العربية قبل ما امشى لحد الزور علشان المسدس بيقعد يفصل لكن لو فضلت وراة و بيمون بعدها بأكتر من 10 لتر
سفرت و رجعت من بورسعيد و مشوارين هناك - عداد التريب عدى 420 كم تقريبا
مونت من بنزينة وطنية اللى فى جسر السويس ب 55 جنية
يعنى رحت و جيت و مشوارين و التكييف شغال رايح جاى ب 55 جنية و تفويلة لحد الزور تانى مش من اول ما يفصل المسدس
و محدش يقولى طب حسبت اد اية بنزين فى مشوار العين السخنة لآ - لانى ماشى بنفس اخر تفويلة بعد بورسعيد رحت و جيت و العداد واقف على الشرطة اللى تحت خط النص
الخلاصة
الزيت خلى الماتور ناعم بس لازم تمشى بية شوية علشان تحس بالفرق - اعتقد انة بيفر فى البنزين و بردو مستنى نصايحكم فى الموضوع دة هل فعلا دا الطبيعى بتاع العربية ولا فعلا موفر
من غير تكييف العربية عايز تطير مش تجرى و بردو مع التكييف - من الاخر خلى العربية ناعمة جدا
و الاهم بقى لما تيجى تدور العربية الصبح مبقاش فى التخطبيك اللى فى اول كام ثانية كدة لغاية ما الزيت يوصل لاجزاء المحرك - الدوارة الاولى ناعم جدا
انا احب اشكر استاذ حسام علشان هو اللى نصحنى بالزيت دة
و اشكر استاذ باسم اللى عرفنى على كل الاعضاء المحترمين اللى بقابلهم فى المقابلات الخاصة بالسيارة
----------------------------
عايز ابقى استشيركم فى عداد البنزين فى حاجة من ساعة ما جبت العربية بس بعد ما اسمع رأيكم فى الكلام دة
اعذرونى لو فى اى خطى لانى اول مرة فى حياتى اعمل تقرير
شكرا