الموضوع: تجربتى مع زيت فالفولين التخليقى 5w-40

المشاركة الأصلية كتبت بواسطة tarekhassan88

كل يوم بيزيد احترامى لاعضاء القسم هنا لانهم مش بيبخلوا على حد بمعلوماتهم و خبراتهم و تجاربهم

تحياتى لحضرتك و ربنا يباركلك فى العربيه

عايز اقول لحضرتك ان الاعضاء هنا محترمين جدا جدا و مبيبخلوش على حد بأى معلومة
و اللى نصحنى بشدة للزيت دة عضو هنا و قابلتة شخصيا فى كذا مقابلة و هو استاذ حسام
نتمنى نشوفك فى المقابلات اللى بيحددها منسقنا المميز استاذ باسم

المشاركة الأصلية كتبت بواسطة bassem.naguib

شكراً يا بيتر باشا على التقرير اللي بيجيب من الآخر .. بس عاوزين تأكيد لمعلومة أن جركن الزيت بيجي من غير الورقة البرشام اللي بتبقى بعد الغطا .. ومقلتش كمان الزيت بكام .

ويا ريت يكون حساب استهلاك البنزين على أساس الكيلو متر اللي قطعته بالمقارنة بعدد اللترات اللي كملتها بعد التفويلة (مش تقولي مونت بـ 55 جنية هههه) علشان نحسب الاستهلاك أد أيه بالظبط .. وكمان السرعة اللي ماشي بيها بتفرق .. يعني في الطرق السريعة غير في الطرق جوة البلد (أكيد جوة البلد حيزيد) .

وبصفة عامة بسم الله ما شاء الله ولا حول ولا قوة الا بالله .. وربنا يباركلك فيها ويكفيك شرها .. ويا ريت تدينا انطباعات دائمة عن أداء العربية مع الزيت في الموضوع ده .

ازيك يا استاذ باسم - واحشنى و الله
فعلا الجركن مغلق ب الغطاء البلاستيك فقط ( زى زجاجة دواء الشرب كدة - مجرد غطاء الزجاجة مش اكتر )
الزيت 275 جنية + 15 جنية تغيير الزيت عندهم + 5 جنية للعامل علشان طلع فلتر الهواء نفخة بالهواء و ظبط بردو الماتور
بالنسبة للبنزين
انا قبل ما اسافر كنت ممون و عملت مشوار واحد بعد التفويلة فى مصر و بعدها سافرت و فسحتين هناك و رجعت مونت من بنزينة وطنية اللى فى جسر السويس لحد الذور ب 55 جنية علما بأنى مشغل التكييف رايح جاى
صدقنى بنسى ابص خدت كام لتر لكن لو حسبتها 1.85 على 55 جنية يطلع تقريبا 29 لتر و كسر مشيت بيها فى عداد التريب اكتر من 420 كم
السرعة من جسر السويس لحد العاشر لم اتخطى 100 كم لكن بعد العاشر الى بورسعيد 120 الى 170 كم
انا عايز حد يقولى بالنسبة لتقييم البنزين كدة فى استهلاك السفر ( هايل - مقبول ) علشان معرفش

المشاركة الأصلية كتبت بواسطة S O P H O S

ما شاء الله
مشكوررر علي نقل التجربة

نتمنى الكل يستفاد
شكرا للمشاركة

المشاركة الأصلية كتبت بواسطة Ramy Rateb

الله ينور يا باشا .. تجربة ممتازة .. طبعا مستنيين التفاصيل اللي قال عليها ا/ باسم.
انت عرف يا باشا ان صوت الموتور عند سرعة 120 تلاقيه بقي عالي جامد و لما تزود سرعة كمان صوته يبدأ يقل تاني .. هل بعد الزيت الجديد النقطة ديه فرقت معاك او حسيت بتغير في الصوت فيها ?
شكرا علي نقل التجربة

بالنسبة لصوت الماتور - اللى انا شايفة انة هدى عن الاول خالص و خصوصا فى الجرى
يعنى انا بعد 150 كم الماتور مالوش صوت نهائى مع التكييف
بس الكلام دة مع تانى سفرية الكلام دة ظهر لكن اول سفرية مع الزيت كان صوت الماتور عالى جدا جدا
صدقنى هتحس بفرق -- موفق ان شاء الله

المشاركة الأصلية كتبت بواسطة ahmedselaraby

بيتر حبيبى



ألف ألف مبرووووووووووووووووك يا بيتر


و الله أنا فرحتلك و فرحت انك عملت موضوع و نقلت التجربه


سؤالى ليك : هل إستخدمت الانجين فلاش engine flush و لا ايه ؟

انا بسأل السؤال ده عشان غالبا بسمع انه لو حبيت تغير من زيت لزيت بمواصفات تانيه خالص لازم البتاع ده عشان يتحط الزيت الجديد على نظافه

بس فى نفس الوقت البتاع ده خطر جدا جدا جدا و فيه ناس بتقلق منه و انا منهم عشان ممكن يبوظ الموتور اصلا ,, فهل هما عرضوا عليك يستخدموه و انت قلتلهم لاء و لا مجتش سيرته اصلا ؟

و ده صورته




السؤال التانى : هل جبت معاك الفلتر من بره و هما ركبوه و لا هما أصلا عندهم الفلاتر بتاعتهم ؟

و هل الفلاتر بتاعتهم كويسه و سمعتا كويسه و لا ايه ؟

يعنى شوفت الفلتر قبل ما يركبوه ؟ كان مكتوب عليه ايه ؟ و صناعه ايه ؟

سؤال أخير : لو حبيت تزود إضافة ايزى على الموتور ,, هل بتعمل حسابك فى كمية الزيت المحطوطه تبقى أقل بمقدار كمية الايزى ؟ و لا بتحط الزيت عادى بالكميه اللى مكتوبه فل كتالوج و بعدين الاضافه بتتزود عادى ؟

شوفت اهو انا بغششك اهو , القصاااااااااااص ,, قصدى ايزززززززززززززززززززززى

شكرا استاذ احمد
بالنسبة engine flush طبعا مستخدمتوش لانة خطر زى ماقلت
لكن انا لفيت كتير على النت على الموضوع دة و عرفت ان engine flush بيستخدموة لو عربية مشيت كتير قوى بزيت معدنى و حبيت تغير لتخليقى - لكن انا مشيت بالمعدنى 2500 علشان و انا بغير الزيت العربية كانت مشيت 3600 فمكرتش انى احطة
الفلتر انا جبتة من عند شخلول متسوبيشى يبانى الصنع
بص حضرتك فى اخر مقابلة استاذ احمد صاحب العربية الشيرى ربنا يباركلة قعد يدينى نصايح حلوة قوى و استفد منة كتير
و قالى ان الزيت التخليقى مش بيحتاج اضافات لانة احسن من المعدنى فى خواصة
و استاذ حسام قالى انة كلم واحد فى التوكيل على اضافة ايزى و قالة انة وظيفتة انة بيعمل طبقة عازل على جدار الماتور و البساتم -- استاذ حسام يفيدك اكتر لكن مالوش دعوة بصوت الماتور
اتمنى انى اكون وصلتلك المعلومة

المشاركة الأصلية كتبت بواسطة M I D O

مشكور علي التقرير يا غالي

العفو يا باشا
اتمنى من الكل انة يستفاد
و اى حد عندة استفسار يقول و انا تحت امرة