الموضوع: لاصحاب جولف 2 و 3 حد ماتوره abf ايه مشاكله معاكم

مبدأيا انت لازم تجيب نص على بعضه عشان المكنة دى لو جبتها من على الارض هتقرفك وهتلاقيها ناقصة
الحاجة التانية: استهلاكها فى البنزين عالى قوى
الحاجة التالتة: واحد صاحبى كان مسقطها فى جولف 2 وكان بيقولى ان دايما كوعة المياه بتقطع لما يجى يشد بسبب ان الموتور من كتر عزمه بيتحرك جامد فى الحوض وقالى ان كذا واحد من صحابه عندهم نفس الموضوع
الحاجة الرابعة: صيانتها وظبطتها مقرفة

رأيى: خليك فى الـ2e عشان توافر قطع الغيار وسهولة الصيانة وقلة المشاكل اثناء التشغيل والبنزين وعموما الـ2e غشيمة وعفية

المشاركة الأصلية كتبت بواسطة kmk4

كريم عندك حق لازم نص مش ناقص منه مسمار
استهلاك البنزين عالي بس مش للدرجة مع واحد صحبي ال10 لتر بيعملوا 100 كيلو هي بتستهلك لو بتحرق بيها

هو فيه حد يسقط المكنة دى وميحرقش!!!!! ده أنا بالـ aft فى عربيتى مش عارف أمشى أقل من 4 ار بى ام على كل نقلة وعشان كده بتعمل معايا 160 كيلو فى الصفيحة يعنى العشرة لتر بيمشونى 80 كيلو

بالنسبة لحركة المكنة جو الحوض ده صحيح من عافيتها وليها حل فيه قواعد معينه غاليه حبتين بس بتحل القصه دي
صيانتها مقرفه عشان ماحدش بيفهم فيها بس ان شاءالله تتساوي القصة اني لما ركبت المكنة دي حسيت بكلمة ( العشق الممنوع) حتجن وازلها عندي

السؤال الان ايه قطع الغيار اللي مش موجودة واللي دوختكم لاني تقريبا وصلت اجيب حاجتها كلها قالولي الكمبيوتر مش موجود اتخبط في 3 وبتراب الفلوس فشكيت انها واخده سمعه من ناس مش ركيبه جولف عشان كده اللي يحدد اني الم لسته بقطع الغيار اللي مغلبة الناس وانزل ادور عليها بنفسي و نحط النتيجة هنا او في جروب الجولف على الفيسبوك

مش هعرف أفتيلك فى موضوع قطع الغيار بالظبط لأنى مركبتهاش بس عموما اى حاجة ممكن تتجاب حتى لو هتضطر تجيبها من بره بس طبعا مقابل كده العربية هتفضل واقفة لحد ما القطعة توصل بس غيه حاجات ممكن متوقفش العربية
يعنى انا مثلا حبيت اجيب فلتر هواء لموتورى ملقيتوش لا عند هريسة ولا عند مترو وكمان سألت فى التوكيل ملقيتوش بس لقيته فى التوكيل بتاع القاهرة

الوحيد اللى هيفيدك فى المكنة دى فى قطع غيارها وصيانتها وتسقيطها هو اسلام الميكانيكى بتاع كوبرى الناموس
روح اتكلم معاه الأول وشوف هيقولك ايه