الموضوع: سواق الفيرنا احسن سواق ( موضوع للنقاش ) الجاد

المشاركة الأصلية كتبت بواسطة Ultramisho

قرأت الموضوع كاملا والحوار المرح والشيق
بس لا يفوتني تعليقات بسيطة واستفسارات من الفيرناوية

الف الف شكر يا دوك .. انك شرفتنا واستحملت حوارنا .. وكمان من لطفك ..وصفته بالشيق ..


التعليقات:
النقطة الاولى: لفت نظري تعليق عن ان غبور نزل الامجراند بدلها وانه (ما معناه) واهم انها تنتشر زي الفيرنا ........ الصيني ومعلش هاقول رأيي رغم انه بيزعلهم بجانب عيوب تقفيلها الهايفة وكلنا سامعين عن الامجراند واحد بيقول المرايا اتفكت من الازاز (يظهر ملزوقة بتفافة) والتاني يقولك فبرة التانك اتكسرت (هي فبر!) والثالث يقولك خجتها من التوكيل ليقت الفانوس الي ورا مابينورش والرابع يقولك لمبة التشك منورة على طول الى آخره
اي نعم الكلام ده انا با اشوفه واسمعه ..

بجانب ده اعتمادية الصيني وعمرها في الضياع واحد معرفة اشترى ايه 113 من 5 سنين قابلته من اسبوع معاه لانسر مستعمله قلتله مبروك بعت ال113 ولا خليتها قالي بعت ايه دي اتبهدلت خالص الصيني عمره كده قصير فطبعا غبور هيخسر من سمعته معها في رأيي بس هو مضطر لوقف الفيرنا على فكرة مش بمزاجه دي اوامر هويونداى والا كان خلاها 10 سنين كمان خسارة اوي استبدال الفيرنا بالجيلي في رأيي

كلام صح ... ومنطقي للغايه ..
ال Accent LC وقفت من هيونداي سنه 2005 وهوا عشان يستمر في بيعها .. غير اسمها وسماها فيرنا ودلعها ( فيفي ) .. وكمان مصنع في الهند الشقيق بلاد الافيال كمان هوا عمل الفيرنا فيفا

واعتقد ان دي فعلا اوامر (( هيونداي )) كوريا

النقطة الثانية: الزميل لانوس 2004 على فكرة من اصدقاء الهيونداى وبيحضر لقاءات كتير لهم زي ما تابعت وبيحب ملاكها هو بس بيحب يناكفهم شوية وطبعا عربيته معدلة وقصة تانية غير اللانوس اما اللانوس فاذا كنتم بتتكلموا عن فرامل الفيرنا فحدث ولا حرج على اسوء فرامل عربية وهي اللانوس بلا جدال.
الله اكبر ... ظهر الحق ... هوا ده الشغل وبشهاده الشاهديييين

النقطة الثالثة: حكاية 80 كيلو دي لا دي اوفر بصراحة فعلا ولا التوكتوك وانا ركبت الفيرنا وكنت متطمن لغاية 110 كيلو وجنوتها 13 كمان وحكاية الفرامل الضعيفة دي يعني متأفوره متهيألي ليه هتبقى اسوء من ال 128

مش تقوللي

النقطة الرابعة كلكم عارفينها موتور الفيرنا هو موتور الماتركس والالنترا 2006 على وزن اقل وده بيخلي الموتور جبار والتكييف مابيأثرش عليه تقريبا شوف اللانوس بيكتف ام الموتور تكتيفة سودا اما التكييف فتكييف هيونداى
كلام تمام التمام .. وعن تجربه شخصيه بحته

تعالوا بقى لاستفساراتي
ياترى وقف انتاج الفيرنا هيأثر على انتشار قطع غيارها بعد 5 او 10 سنين

اعتقد لا وقطع غيارها عمرها طويل حبتين من ناحيه الانتاج .لو كانت ها تتوقف قطع الغيار كان الاولي الاكسيل 97 هيونداي. لو كده كانت ال اكسيل 97 توقف انتاج قطع غيارها
مع فارق التشبيه

وياترى تغيير العجل بجنوط 14 بيفرق كتير وياترى ال 15 مابيأثرش على الاتزان تاني ولا بيحك في الرفرف

انا مركب جنط 195*50*15 ممتاز في الاتزان والفرامل وبدون حجه ولا تعديلات في العربية
ركبته سنه 2009 الي الان والحمد لله

وهل تكلفة التعديلات تتناسب مع تمن العربية ولا عالية نسبيا على ما اعتقد
اتهرست وسعرها حنين

وهل العربية بتسخن شوية على السرعات العالية مع تشغيل التكييف
لا والحمد لله بسرعه 160 او 140 + تكييف عادي والحمد لله
اهم شيء الاهتمام بدوره التبريد ونضافتها والصيانه بتاعتها وما تسترخصش في مكوناتها والاضافات بتاعتها


اخيرا لازم اشير الى ان الفيرنا الي ركبتها عفشتها الناعمة ازهلتني وانني ارفع القبعة لم اختار الفيرنا امام اللانوس (مش المعدلة) واللوجان والصيني قصير العمر

دعني احييك ..(( قبل وبعد الاكل 3 مرات يوميا )) وعلي الريق صباحا وقبل النوم

اطلت اعذروني وتقبلوا تحياتي
تحياتي القلبية