استشاره بخصوص تكييف اللانوس

**محمد الشامي** · 22-05-2013 12:12 AM

ياشباب النهارده وانا راجع من الشغل عديت على بتاع تكييف قريب من بيتي , وشرحتله الوضع اللي عندي

وهو سمعلي للاخر وراح جاب اسطوانه الفريون و وصل العداد بتاعه على العربيه وهي مطفيه وبدأ يكبس فريون ويقفل ويبص على العداد وهكذا , وبعد كده جاب قطعه اسفنج مبلله بالماء والصابون وبدأ ينزل رغاوى على خراطيم التكييف

وبعد الكشف قاللي انت ماعندكش اي مشكله غير تغيير بلف عشان بينفس , اللي هو البلف اللي على الشمال وانا واقف مواجه لكبوت العربيه , ونشحن الفريون وكله هايبقا تمام

تمن البلف 20 جنيه
تمن الفريون :-
الامريكي 250 جنيه
الهولندي 220 جنيه
وقالى على كام نوع تانيين واخرهم المصري بس ماركزتش مع اسعارهم لاني عارف ان الامريكي الافضل

المهم ايه رأيكم في الكلام ده ؟ مع مراعاه انه مش هايعمل اي شغل جوا الصالون يعني لا هاينضف تلاجه ولا بلاور , وحتى قولتله اني احيانا بسمع زي صوت شخلله ورق شجر خفيفه مع تشغيل مراوح التكييف فـ جرب يشغل المراوح وقاللي مش محتاج تنضيف , بالرغم من انه اول ما شغل المراوح طلعت تراب اد كده

انا حاسس والله اعلم انه مأفور حبتين وكلامه مش عاجبني , مش عارف ليه
وحتى فكرت فـ حاجه غريبه شويه وهي اني اشتري انا امبوبه الفريون واروح لأي حد يشحنهالي وياخد اللي فيه النصيب , بس المشكله اني ماعرفش هاحتاج فريون اد ايه , والمشكله الاكبر ان مفيش صنايعي هايقبل بأنه يشحن فريون غير اللي عنده (لانه مصلحته في الفريون هي اساس الشغل) , وعلى ما اظن ان اسطوانه الفريون تمنها كلها على بعضها بتاع 60 جنيه مثلا وتكفي شحنتين كمان

فتنصحوني بإيه ؟؟؟؟؟

**Ahmed Nasser** · 22-05-2013 02:32 PM

بالنسبة لنوع الفريون خليك فى فريون 34
بالنسبة لكمية الفريون على مافتكر ان الانوس 650
وهاكدلك عليها تانى

**a_arazik** · 22-05-2013 02:41 PM

الراجل دة مغلواني جدااااااااااااااا الفريون اصلا معظم الناس بتشحن 120 الي 150 وانا شخصيا شاحن ب120 الدورة كلها عشان كان عندي تسريب وشكراااااااااا

**محمد الشامي** · 22-05-2013 03:59 PM

المشاركة الأصلية كتبت بواسطة ahmed nasser

بالنسبة لنوع الفريون خليك فى فريون 34
بالنسبة لكمية الفريون على مافتكر ان الانوس 650
وهاكدلك عليها تانى

ربنا يكرمك ياريس :)
بس انت تقصد فريون 134 ؟؟ وفي منه الامريكي والهولندي والمصري وفي كذا نوع كمان بس مش فاكرهم

المشاركة الأصلية كتبت بواسطة a_arazik

الراجل دة مغلواني جدااااااااااااااا الفريون اصلا معظم الناس بتشحن 120 الي 150 وانا شخصيا شاحن ب120 الدورة كلها عشان كان عندي تسريب وشكراااااااااا

تسلم يا باشا على النصيحه , انا اصلا مش مرتاحله

**ZOoOoMA** · 22-05-2013 05:27 PM

غالي جدا اخره 150 انا دفعت 150 شحن و كشف تسريب و الحمد الله طلع مفيش تسريب و تنظيف السربنتينه اللي في الحوض و زي الفل الحمد الله بس التلاجه اللي ورا التابلوه عندي ميته محتاجه تتنظف قووووووي و لسه مش عارف هعمل ايه

**Ahmed Nasser** · 22-05-2013 11:39 PM

المشاركة الأصلية كتبت بواسطة محمد الشامي

ربنا يكرمك ياريس :)
بس انت تقصد فريون 134 ؟؟ وفي منه الامريكي والهولندي والمصري وفي كذا نوع كمان بس مش فاكرهم

ايوة انا فعلا اقصد فريون 134
وطبعا امريكى انضفهم

**محمد الشامي** · 23-05-2013 09:10 AM

المشاركة الأصلية كتبت بواسطة zooooma

غالي جدا اخره 150 انا دفعت 150 شحن و كشف تسريب و الحمد الله طلع مفيش تسريب و تنظيف السربنتينه اللي في الحوض و زي الفل الحمد الله بس التلاجه اللي ورا التابلوه عندي ميته محتاجه تتنظف قووووووي و لسه مش عارف هعمل ايه

لو نضفت التلاجه هاتفرق معاك في التبريد بشكل ملحوظ

المشاركة الأصلية كتبت بواسطة ahmed nasser

ايوة انا فعلا اقصد فريون 134
وطبعا امريكى انضفهم

تسلم ياباشا

**misho2008** · 23-05-2013 04:28 PM

هقولك على اللى انا عملتة
نزلت وسط البلد شارع نجيب الريحانى جبت علبة فريون اسمها اولاد رزق وجبت طقم عدادات وخراطيم من رمضان اللى فات كلة تقريبا ب 150 جنية
شغل يا عم وركب وااشحن كلة تمام وبجبت كمان مفك بتاع البلف بعد ما خلصت شحن ربطت البلف والحمد لله كلة تمام
الحتة الفنية بالنسبة لظغط الفريون انو لو درجة حرارة الجو عالية المفروض العداد يقرا 35 الطبيعى انو شحن التكييف يبقى 28 - 30 كمية الفريون للعربية بتبقى مكتوبة على ورقة موجودة في الموتور
زى النوبيرا مثلا هتلاقى في ورقة لونها اصفر جنب بطاحة المساعد اليمين مكتون انو الفريون للدايرة كاملة 700 ونوع زيت الكمبريسور كمان
لو محتاج توضيح اكتر كلمنى
سلام

**Mohamed ELOoL** · 24-05-2013 12:33 AM

المشاركة الأصلية كتبت بواسطة misho2008

هقولك على اللى انا عملتة
نزلت وسط البلد شارع نجيب الريحانى جبت علبة فريون اسمها اولاد رزق وجبت طقم عدادات وخراطيم من رمضان اللى فات كلة تقريبا ب 150 جنية
شغل يا عم وركب وااشحن كلة تمام وبجبت كمان مفك بتاع البلف بعد ما خلصت شحن ربطت البلف والحمد لله كلة تمام
الحتة الفنية بالنسبة لظغط الفريون انو لو درجة حرارة الجو عالية المفروض العداد يقرا 35 الطبيعى انو شحن التكييف يبقى 28 - 30 كمية الفريون للعربية بتبقى مكتوبة على ورقة موجودة في الموتور
زى النوبيرا مثلا هتلاقى في ورقة لونها اصفر جنب بطاحة المساعد اليمين مكتون انو الفريون للدايرة كاملة 700 ونوع زيت الكمبريسور كمان
لو محتاج توضيح اكتر كلمنى
سلام

طب والله حضرتك برنس

بس المشكلة اني لو فيه تسريب من اولسيه او حاجة زي كدة

**محمد الشامي** · 25-05-2013 12:11 AM

المشاركة الأصلية كتبت بواسطة misho2008

هقولك على اللى انا عملتة
نزلت وسط البلد شارع نجيب الريحانى جبت علبة فريون اسمها اولاد رزق وجبت طقم عدادات وخراطيم من رمضان اللى فات كلة تقريبا ب 150 جنية
شغل يا عم وركب وااشحن كلة تمام وبجبت كمان مفك بتاع البلف بعد ما خلصت شحن ربطت البلف والحمد لله كلة تمام
الحتة الفنية بالنسبة لظغط الفريون انو لو درجة حرارة الجو عالية المفروض العداد يقرا 35 الطبيعى انو شحن التكييف يبقى 28 - 30 كمية الفريون للعربية بتبقى مكتوبة على ورقة موجودة في الموتور
زى النوبيرا مثلا هتلاقى في ورقة لونها اصفر جنب بطاحة المساعد اليمين مكتون انو الفريون للدايرة كاملة 700 ونوع زيت الكمبريسور كمان
لو محتاج توضيح اكتر كلمنى
سلام

والله انا بفكر اعمل العمله دي بس قلقان :) ربنا يكرمك للإيضاح
وبإذن الله لو الفكره اكتملت وقررت اني اعمل القصه بنفسي هاكلمك

الموضوع: استشاره بخصوص تكييف اللانوس

LinkBack

أدوات الموضوع

عرض

-

-

-

-

-

المواضيع المتشابهه

استشاره عن زيت الفتيس الاتوماتك فى اللانوس !!!

بخصوص تكييف اللانوس

تكييف اللانوس تفوق بجدارة على تكييف ال rb

تكييف النوبيرا اقوى ولا تكييف اللانوس !

بخصوص تكييف اللانوس

الكلمات الدلالية لهذا الموضوع

المفضلات

المفضلات

ضوابط المشاركة