الموضوع: الى ملاك 504 - عن التكييف و حرارة العربيه

سؤال صغير لركيبة البيجو 504 و خصوصا اللى عندهم تكييف
طبعا الكام يوم اللى فاتو كانو حر بغباء
مؤشر الحراره عندى بيوصل للنص تقريبا او اقل منه حاجه بسيطه - و ده بعد ظبط التاكيهات و الكربراتير و الكهرباء
فهل كده المعدل ده كويس و لا ايه ؟؟؟ هى كانت فى الشتاء بتبقى على اول الاسود او فى الثمن الاول من الاسود
انا بسأل لأنى مركب تكييف فى العربيه و عاوز اشغله و طبعا لما بيشتغل بلاقى مؤشر الحراره ابتدى يعلى معايا و يعدى النص
اول لما بيعدى النص بقفل التكييف (لأن قلبى الصغير لايحتمل )
فهل الكلام ده عادى على 504 و لا فيه حاجه عندى مش مظبوطه - لأنى نفسى اشغل التكييف بقى و خايف
بالمنسابه طبعا ثرموستات الكوعه متشاله عندى (كالمعتاد) و بفكر اركبها - لكن بصراحه هل هى حتعمل فرق يستاهل فى درجة الحراره؟؟ انا اللى مخليني متردد فى تركيبها انها تقفش مره واحده و تطيرلى جوان وش السلندر (زى ماحصل فى عربية عمى اللانسر 2006 و كان فى سفر و رجع على كساحه)

سؤال كمان - لو ركبت ثرموستات الكوعه - كده يبقى حملى ميه فى الريداتير على مرتين او ثلاثه
لأن بفرض فيه نقص فى مية الموتور (و ده حيحصل لما افك طلمبة الميه علشان اركب الثرموستات ) لما ازود الريداتير و العربيه بارده (الثرموستات مقفوله ) يبقى الميه اللى بزودها دى مش حتدخل على الموتور غير لما يسخن (و ساعتها ماقدرشى افتح الريداتير اصلا)
يبقى كده علشان تزود الريداتير لو ناقص تفضل 3 او اربع ايام كل يوم الصبح تزود الميه