الموضوع: حراره الميجان (( ميجان 2005 ))

بس ياعم لو عايز تظبط العربية دية اعمل الى هقولك علية بالظبط
1. الغى ثرموستات الكوعة خالص
2. بعد ما تلغى الثرموستات اتاكد ان دورة التبريد مفيهاش تسريب وان الغطاء بتاع القربة محكم ومروحة الراديتر تعمل.. بس انت لما تلغى الثرموستات بتاعت الكوعة المروحة هتشتغل قليل جدااا الا لو شغلت التكييف المفروض تشتغل على السرعة الثانية على طول
3. خلى الميكانيكى ياخد هوا من دورة التبريد ( لو فيها هوا المية هتغلى والعربية تسخن)
4. هتعمل القصة دية عند واحد حافظ الميجان علشان متخشش فى قصص.
5. اعمل الحوار دة فى اقرب وقت علشان جوان وش السلندر ما يتلفش
6. شكرا

المشاركة الأصلية كتبت بواسطة ahmed a.maksoud

معاك فى كل حاجة ما عدا رقم 1

ثرموستات الكوعة هيأثر أن العربية مش هتبقى فى درجة حرارة التشغيل المطلوبة فى كل الأوقات بمعنى أنه ساعات كتير هيلاقى ان الحرارة أقل من النص......و ده بيأثر على أداء العربية.

كان فيه مناقشة قبل كده فى موضوع تانى مع فرحات عن القصة دى لو لقيت مشاركته هجيبهالك هنا.

انا لغيها والحرارة فى النصى على طول حتى فى الطوالى نادرا بتنزل تحت النص بحاجة بسيطة وتطلع تانى .......

هى فى مصر ملهاش لازمة

طيب يا شباب انا عايز اعرف بس الى بيخليها تبقى كداا ؟؟
كل الحاجات الى قولتوها دى انا عملتها معادا رقم 1
يعنى المطلوووب منى اشترى ايه و اعمل ايه بالظبط ؟
معلش انا لسه شارى الميجاان من شهر ف مش بفهم فيها اوووى

ياجماعة حتى لما بنشيل ثرموستات الكوعة الحرارة هتفضل فى النص ودة لان المروحة مش هتشتغل الا نادرا او لما تشغل التكيف والسبب الاتى :
1. المروحة بتشتغل بحاحة اسمها سوتش حرارة ودة الى بيتحكم فية كمبيوتر العربية
2. لما انت بتبقى حاطط الثرموستات بتاعة الكوعة الثرموستات بتحبس المية جوة الموتور وبعد كدة تفتح والمية تروح للراديتر والمروحة تشتغل لان المية درجة حرارتها بتيقى فوق التسعين وبالتالى الهوا المدفوع ناحية الراديتير والعربية بتتحرك مش كفاية فالمروحة بتشتغل وكل دة علشان الحرارة تثبت على 90

فى حالة انك شايل الثرموستات سوتش الحرارة بيبقى قارى درجة حرارة المية 90 فبالتالى الكومبيوتر مش بيشغل المروحة الا لو انت واقف ياااما على السلانسية او مشغل التكييف.

على فكرة بقى انا هقولكم حاجة من الاخر قليل اوى من الناس عارفها وكتيير اوى من الناس مش واخدا بالها منها

ثرومستات الكوعة وظيفتة الرئيسية والحيوية ان فى البلاد الى فيها برد قارص الثرموستات بتحبس المية جوة الموتور علشان لما تشغل ال heater الدفاية تبقى عملية علشان كدة هتلاقى خرطومين الدفاية الى داخلين فى صدر العربية جايين من جوة الموتور ثم الى الموتور مرة اخرى مش من الراديتير يعنى وكمان فى مثل هذة البلاد لازم المية تتحبس جوة الموتور علشان الموتور يسخن بسرعة فى اول الدوران ......

هنا فى مصر ملهاش اى لازمة وزى ما قولت بعد اما تشيلها هتلاقى بردة الحرارة فى الميجان على طول 90 فى النص ودة علشان الميجان عربية smart .......

وشكرا