5ساعات قطع للنور فى اليوم ؟؟؟؟؟؟؟؟!

**alaasaid** · 21-05-2013 03:33 PM

و لله الحمد و الفضل , أنا ساكن فى الشروق و الحمد الله مفيش قطع للنور لان عدد السكان أصلا قليل و الاستهلاك بالتالى قليل

**Ahmed_Adham** · 21-05-2013 03:37 PM

المشاركة الأصلية كتبت بواسطة corsair

كل ده حصاد الفساد القديم وان مكنش في اي تطوير نهائي من بعد السد العالي وشكرا علي كدا يعني كان ايام السد العالم كان عدد السكان في مصر لا يتعدي ال 20 مليون مصري دلوقتي بقينا ما شاء الله داخلين علي 100 مليون ومفيش اي تطوير حتي الصرف الصحي دلوقتي البلد كلها بقيت غرقانه في المجاري بسبب الصرف ومفيش مواسير قادره تستحمل الضغط اللي عليها وبردك الميه الحلوه نفس النظام ملناش غير ربنا بعد كدا يرحمنا بقا

السد العالي حاليا بينتج 8% (أيوه 8 مش 80) من انتاج الطاقه الكهربيه في مصر والباقي كله بالوقود سواء غاز ولا سولار. وبعدين تراكمات السنين دي مظهرتش الا السنه دي بس؟ وبعدين كلامك متناقض مع بعضه مره تقول مفيش تطوير من أول بناء السد ومره تقول سكان مصر زادو من 20 الى 100 مليون يعني وقت ما بنو السد كانت الكهربا تكفي 100 مليون؟

**Mahmoud_ezzo** · 21-05-2013 06:26 PM

المشاركة الأصلية كتبت بواسطة Elawany13

متقلقش خالص
على دورك جاى

مش عارف بس انا حاسس ان مفيش عدالة فى توزيع فترات قطع الكهرباء المناطق كلها

**Mahmoud_ezzo** · 21-05-2013 06:30 PM

وانا ساكن فى المعادى

**Hussein_Ramdan** · 21-05-2013 06:40 PM

من وحي الظلام نتيجه انقطاع الكهرباء بشكل متكرر طوال اليوم
=================================

& الشمعة بتضرب لينا اكبر مثال للتضحية ..... عماله بتتحرق وتموت عشان تنورلنا وبتعمل كده في صمت من غير دوشه ولا مستنية مقابل ...........ياريت نقلدها والمقابل عند ربنا كبير اوي ان شاء الله

& الواحد بيستشعر ظلمة القبر واكيييد القرأن هينور قبورنا في عز ضلمتها بس لازم نصاحبه من دلوقتي :)

& الهدوء فى الضلمة بيوصلنا احاسيس كتير وبيخلينا نستمتع بحاجات كتير زي اللمة حوالين الشمعه واننا نسمع بعض ونبص لعيون بعض ونتامل بعض من غير تليفزيون ولا راديو ولا نت ....
ففي الظلام وجود الاحبة بجوارنا هو أجمل نور 0.o

واخيرآآآ رسالة للدكتور مرسي الرئيس محمد مرسي - الصفحة الرسمية
اااااااااااامرسي احبيبنا احنا بتوعك يا برنس متقطعش علينا النور احنا اخوان زيك علي فكرة :)