الموضوع: 5ساعات قطع للنور فى اليوم ؟؟؟؟؟؟؟؟!

المشاركة الأصلية كتبت بواسطة |Mostafa|

فلنشرب من كأس النهضة، ولنرتوي الوعود الرئاسية...

بالنسبة للي بيقول النور كان بيقطع، احب اقولو انه النور مبقاش يقطع إلا بعد الثورة معرفش ليه، وصيف اللي 2010 كان لسة قبل الثورة كان بيقطع ولكن ربع القطع الحالي....فأرجوكم متحسسوناش انها مشكلة قديمة الازل وطول عمرنا عايشينها..قولوا كلمة الحق وبلاش الخوف لحسن حد يقولك يعني الثورة اللي جابت قطع الكهربا؟ احنا بنناقش واقع وسيبكم من التنظير..

النور بيقطع ساعة ونص الصبح وساعة ونص بالليل...المشكلة ان الاطفال مبيستحملوش وخصوصا الناس اللي ساكنة في اخر دور، ومش كل الناس على فكرة عندها تكييف في ناس معندهاش وكل املها المروحة، وبرضو السيد الرئيس حارمهم منها.

حسبي الله ونعم الوكيل...اللهم انتقم من ولي الامر اللي معيشنا العذاب دا.

بالدليل يعنى مش كلام مرسل
http://www.masreat.com/انقطاع-الكهرباء-في-مصر-2010/

مخاوف من انهيار شبكة الكهرباء في مصر2010
http://www.albayan.ae/one-world/1277...08-24-1.276797

2010 http://www.almasryalyoum.com/node/75111
وزير الكهرباء يتحدث لـ«المصرى اليوم» عن أزمة الظلام

رئيس كهرباء مصر: انقطاع التيار سيتواصل طالما لم يُرشِد الناس الاستهلاك2010
http://www.masrawy.com/News/Egypt/Po...lect_down.aspx

أزمة الكهرباء فى مصر28-10-2010
http://www.egyptladies.net/vb/t84331.html

مصر النهارده وازمة انقطاع الكهرباء 18-8-2010 2/4 - YouTube
http://www.youtube.com/watch?v=_Byx-1gjt9s

على فكرة يا جماعة كلمة حق

وزارة الكهرباء من اول الوزير احمد امام لغاية اصغر عامل فيها مالهمش ذنب فى اللى بيحصل

السنة اللى فاتت انا قلت ان الأزمة لا يتحملها مرسى و لا جماعته ............... بس هما مطالبين بأيجاد حلول و تطبيقها يأما الأزمة السنة اللى بعديها حتبقى مسئوليتهم الكاملة

و للأسف ده اللى ماحصلش ............ مرسى و حكومته ماعملوش اى حاجة فى الملف ده من السنة اللى فاتت للسنة دى

و ركنوا كل الخطط الأسعافية اللى رفعتها الوزارة ليهم من ايام الوزير السابق محمود بلبع على جمب

و كان نصيب الراجل ان شيلوه الليلة و جابوا الوزير الحالى احمد امام ...... اللى هو راجل محترم و كفء جدا بحكم عملى معاه لفترة ليست بالقصيرة


و الظاهر برضه حيشيلوه الليلة تحت ادعاءات و اكاذيب المؤامرة و التقصير

حسبى الله و نعم الوكيل

هنا في كامب شيزار علي البحر. حاجه زي الزفت كل يوم اقل حاجه 5 او 6 ساعات
يعني امبارح قطع الصبح من الساعة 9 ل الساعة 12 و من.الساعه 5.5 ل 8 الا ربع و قلت الحمد لله كده خلصنا المقرر بتاعنا راح قاطع تاني الساعه 10 ل 11و نص يعتي بجد حاجه تقرف
و زي ما واحد صاحبي كاتب علي الفيس دعاء قطع الكهرباء الله يخربيتك يا مرسي

و الاحلي كمان النهارده قطع اربع مرات لغاية دلوقتي و شكلي.هنزل اوقف عربيتي بالعرض علي الكورنيش و اقطع الطريق لما اشوف اخرتها مع مرسيكو السابع عشر

في حاجه كمان نسيت اقولها و هي ان نفس المنطقة عندنا علي شارع بورسعيد مش بتقطع نهائيا و ده لإن في هانم مهندسة في شركة الكهرباء ساكنه فوق link dsl يعني شكلنا بناخد المقرر بتاعنا و بتاعهم

المشاركة الأصلية كتبت بواسطة Elawany13

متقلقش خالص
دورك جاى

ههههههههههههههههههههههههه هههههه

المشاركة الأصلية كتبت بواسطة ahmed_adham

محدش قال ان الكهربا مكانتش بتقطع اطلاقا بس الموضوع مكنش بالشكل المريع بتاع دلوقتي واللي وصل لحد القطع اليومي بالساعات وأكتر من مره في اليوم وتعطيل المصالح والمصانع. واللهي فيه واحد قريبي بعد ما كان عنده مصنع في المحله بيعمل منه 75% من تجارته في الملابس وكان بيجيب 25% استيراد دلوقتي باع المصنع وبقى 100% استيراد عشان مش عارف يشتغل بسبب انقاطاع الكهربا المتكرر من الصيف اللي فات. المشكله دلوقتي بقت في الدولار وبيقولي ممكن يقلب على العقارات قريب عشان ولا يتعمل مع كهربا ولا دولارات.

ده غير ناس عايزه تذاكر وناس شغاله بمواتير ميه بتقطع الميه عندهم لما الكهربا تقطع وناس بتتعالج في مستشفيات الخ الخ.....

من ناحية محدش قال اخالفك كتير فى الجزئيه ده الى بيقولو كتيييييييير اما جهلا او نسيان او تناسى


اما ان الازمه زادت عن الاول فكلامك صحيح ومضروبه فى 4 كمان