محتار ولازم اخد قرار نهائي صني القديمة ولا جين تو ولا اكسنت ار بي 2013

**toty_forever** · 21-05-2013 04:22 PM

يا شباب انا محتار جدا وﻻزم اخد قرار ف اسرع وقت..

بعد ما دفعت عربون ف نيسان صني الشكل القديم.. قريت هنا وف منتديات تانية ان فيها عيوب غير شكلها الكلاسيكي اللي المدام واكلة دماغي عليه.. علما بان انا سني 30 سنة وهي بتقول ان العربية دي شكلها كبير ع سني.. والمنتدى هنا عمل الواجب معاها لانها متابعة جيدة للمنتدي وبتقرا كل المواضيع اللي متعلقة بانواع العربيات دي.. فا طبعا احترت ومابقتش عارف اعمل ايه

فانا دلوقتي عاوز مساعدتكم.. والاراء المحايدة بعد الاستخدام سواء العربية ليكوا او لاصحابكوا

انا محتاج العربية تكون مريحة.. قطع غيارها متوفرة.. فيها كماليات معقولة.. طبعا متكولش بنزين كتير لان انا مشواري يوميا من القناطر الخيرية للتجمع الخامس ع الدائري رايح وراجع.. فا عايز عربية تستحملنى واستحملها .. كمان انا هاجيبها قسط..فا مش عايز مصاريف زيادة عليا لحد ما اخلص الاقساط

فا رايكوا

نيسان صني 2013 الشكل القديم
بروتون جين تو او برسونا 2013
هيونداي اكسنت ار بي
وفي قدامي برده ازود المقدم شوية واجيب كيا ريو

**moumen_hs** · 21-05-2013 05:46 PM

لو عايز عربية بتاعة شغل وتستحمل مشوارك الطويل دة نيسان الشكل القديم
لو عايز عربية بتاعة دلع وروشنة هيونداى - برسونا - أوبتر
وأنت وأولوياتك الى تحكمك

**toty_forever** · 21-05-2013 06:12 PM

تسلم يا باشا ... انا مقتنع فعلا بيها بس في بعض الاراء خوفتني منها .. خصوصا موضوع انها بتستهلك بنزين و صوت موتورها عالي والعفشة بتاعتها نشفة.. بس هل مقارنة بالخيارات التانية هي افضلهم؟

**مانويل مايكل** · 21-05-2013 06:18 PM

انا كمان 30 سنة واستلمت صنى 2103 شكل قديم شهر 12 . المفروض انى اشكر فيها علشان عربيتى . بس انا هقولك بجد محترمة جدا جدا وقوة تحمل . مع احترامى لكلام المدام متشتريش عربية علشان مجرد الشكل . مع ان المدام عندى معجبة جدا بيها . هقولك موقف حصل معايا اول امس كنت معدى على مطب غبى قوى وكان المقابل اللى بيعدى معايا هيونداى اكسنت كان بياخدة بميل جامد قوى ومع ذلك سمعت اصوات حكات جامدة وهو علية .

**jojojojo** · 21-05-2013 08:28 PM

نيسان صني ومش هتندم ان شاء عربيه اعتماديه جدا واعطالها تكاد تكون نادره وشكلها كويس جدا علي فكره انا عندي 24 سنه والعربيه شباب كتير راكبنها مش مقتصره يعني علي كبار السن وبالتوفيق

**essa144** · 21-05-2013 09:04 PM

صني اي شكل يا باشا و انت مغمض و بالتوفيق

**د.اشرف هنداوى** · 21-05-2013 10:23 PM

صني

**akmall** · 22-05-2013 01:48 AM

معايا الصنى الشكل القديم موديل 2013 - الصنى تكسب بكل تاكيد وعلى فكرة موضوع البنزين دوة انا مش حاسس بيه خالص وعندي 34 سنة بردوا - بالنسبة لقطع الغيار الصني تكسب- التوكيل الصني تكسب - الثبات الصني تكسب - الصاج الصني تكسب - بالنسبة لموضوع الشكل دي اذواق طبعا انا مثلا كان قدامي الشكل الجديد والقديم واخترت القديم - عربية قوية موتور محترم عفشة كويسة ارتفاع محترم تكييف قوي حتى الشكل ميزة لان الاكسنت مثلا بسبب السوكة اللى فى الباب والرفارف لو اتخبطت صعب شوية التصليح لازم تشيل وتغير اما الشكل التقليدي فده ميزة من الناحية دية عموما هانصحك نصيحة بردوا روح اتفرج واقعد جوة كل عربية كويس حرك الكرسي بص للابعاد ولو عندك اصحاب اركب معاهم عربياتهم من النوع اللى انت عاوز تشتريه الموضوع دوة هيساعدك على اتخاذ القرار وربنا يوفقك