فكرة جهنمية ...
و ايه اللى يضمن عدم حدوث خلل فى اى جزء الكترونى من السيارة ؟
ممكن اى حاجة تبوظ او تعطل من الاستهلاك او عيوب الصناعة
و متنساش ان اى حاجة اكيد ليها مميزات و عيوب
اعتقد هتبقى حاجة من اتنين
-اما نظام احتياطى لتشغيل الصمامات فى حالة حدوث خلل فى السولينويد (مثل الطائرات اى نظام بيبقى لية الاحتياطى بتاعة ) بس اعتقد دة مستبعد فى السيارة بسبب التكلفة
-انة هيبقى عادى زى ما سير الكاتينة بيتقطع , هيعمل حسابة ان المكبس ميوصلش للصمام عن طريق نسبة الانظغاط او عمل تجاويف فى سطح المكبس ويقطع الشرارة عن البوجيهات ودة بالفعل موجود فى المحركات دلوقتى
بس تفتكرو دة هنشوفو فى مصر ؟!! وياترى اية رأى بلية فى الموضوع دة!!! :d
ايه الحلاوة ديه يا استاذ سبعاوى ؟ معلومات قيمة جدا و اشكرك على مجهودك ده
و ارجو من الادارة تثبيت الموضوع لاهميته القصوى
الأنظمة ديه هتبقي غيير علي طول الكارت بتاع الكونترول يونت بتاع النطام او اعاده برمجته لو كان ده موجود بالوحده
الجهاز نفسه بتاع الصمام مينفعش يتلعب فيه وفتي وحتي لو لفيته اذا كان كهرباء مبيرجعش زي الاول - واحد عملها في جير اوتوماتك والسرعات اتبرجلت - عن تجربه حدثت امامي وكان الراجل مهندس مكانيكا
من الاخر ارمي وجيب جديد
متنساش ان عامل السعر من العوامل القوية فى صناعة السيارات وبالذات فى الفئات الصغيرة
بافتراض ان السيستم دة باظ وهو مأمن ان الموتور ميحصلوش حاجة فى الحالة دى (ودة بالفعل موجود دلوقتى فى المواتير) يبقى اقصاها اية هتغير الوحدة اللى فيها العطل (زى لما بيحصل وسير الكاتينة يتقطع) والعربية ترجع تمشى تانى عادى بالعكس دة هيبقى عملى اكتر سير الكاتينة لما بيتقطع هيوقفلك الموتور كلو انما دة صعب ان الوحدات الخاصة بكل الاسطوانات تبوظ كلها فى نفس الوقت فعلى الاقل ممكن تمشى ناقص سلندر لحد لما تغيرها كمان اكيد ليها مواعيد صيانة واستبدال زى سير الكاتينة بالظبط
وبكدة هيبقى مفيش مشكلة ووفر تمن النظم الاحتياطية واللى اكيد ساعتها هتبقى العملية معقدة جدا لو تمت
Noname باشا و Pointer باشا ....ألف شكر على الردود و الحوار المثمر .....هو ده الكلام :thumbsup:
انا معتقدش انه حيبقى غالى انا متأكد بنسبه كبيره انه حيكون ارخص من عمود الكامه لان اى سيسنم كهربا فى الغالب بيبقى ارخص من الاجزاء الميكانيكيه وبعدين ال solenoid valve ده تكنولوجيا قديمه والمشكله اللى قال عليها سبعاوى حلوها من زمان قوى
بالنسبه للاعطال انا فى اعتقادى لو حصل عطل فى الصبابات ديه ابسط حاجه بيعملها الكنترول للسيستم shut down وبعدين ما احنا عربياتنا بقالها 10 سنين فيها ecu ومفيش اعطال ليها الا نادر قوى