اطلقها ولا اخاف علي مستقبل ابني

**ESO101** · 23-05-2013 03:49 AM

المشاركة الأصلية كتبت بواسطة bmw3m007

بعد اذن حضرتك

ماذا لو كانت هي شخصيتها كده و اسلوبها كده ؟ ماذا كنت تنتظر منه بعد نزولها غصب عنه ؟ ماذا تنتظر منه بعد رزعة الباب ؟ هيرجع يقولها خلاص حقك عليا !

يا سيدي الفاضل الزوجه تقدر تاخد كل الي هي عيزاه باسلوبها الجميل يعني لو قالتله لو اتأخرت هزعل منك كانت كفايه !

مش عصبيه و رزع و زعيق و عند و قلة ادب

حضرتك بتقترح كان يعمل ايه من بداية الموقف لما مراته تزعقله ! عشان نازل و قال انه مش هيتأخر
بتقترح ايه لما ترزع الباب وراه ؟
بتقترح ايه لما تنزل من وراه ؟

و عايز اعرف لما كل ده لا يدعو للطلاق ؟

امال ايه الي يدعو للطلاق ؟؟

و كيف يتم اصلاحها و هي ( ملهاش كبير )

يا سيدي الفاضل اذا مكنش في احترام متنتظرش اي حاجه

و اذا مكانتش بتحترمه و بتعمله حساب يبقى خلاص !

و كل الكلام ده على روايته بتفاصيلها

نعم يقول لها حقك عليا بعد رزع الباب ولا تفضل بعد رزع الباب يخطف إبنها ويحرمها منه ويتهمها بسرقته
لا حول ولا قوة إلا بالله
كلامك يا أخي لاأعلم كيف تقوله و تنصح إنسان
بخطف طفل من أمه + حرمانها حتى من شوفه + وضعه مع إمرأة غريبة + إتهام كذب وزور لأمه بإختطافه + يلوح بإستخدام العنف ضد زوجته أو أخته إن رفعت صوتها عليه
فهذا كلام متهور وهذا الرئي بهذا الشكل لا يمت لأي شيء من الأخلاق والإنسانية بأي صلة
ولم تفعل مايستحق ربع هذا فهي إنسانة وأم وزوجة ونحن لم نتعلم أن نتعامل مع زوجاتنا بهذه القسوة
فالرجل أعرب أن هذه الواقعة هي أكبر مشكلة وقعت معه وهو متسامح مع زوجته

المشكلة الكبري التي اريد ان اخذ رأيكم بها الان

أي أن هذه المرة زادت المشكلة عن حدها وليست عادة ولا طبع فيها
إن كانت عنيدة وترفع صوتها وترزع الباب وأمور مثل هذه تحدث ولا تتطلب الطلاق ولا حتى التهور في الرد عليها
والموضوع كبر لأنه وصل للناس ولو كان إحتواها في بيته لما وصل الأمر لهذا الحد
هي أخطأت ولا يجب على المرأة أن تتعامل بهذا الشكل مع زوجها ولكن هو أشد خطأً منها وهو من أوصلها وأوصل نفسه لها الموقف السيء

مر حوالي اسبوع من هذا الشجار ثم جائني تليفون الساعة 12 بالليل من احد اصدقائي يقول لي ابنك سخن و زوجتك اخذته علي المستشفي الفلانيه و معها زوجتي و زوجة صديقنا الاخر

اتجهت بسرعة الي المستشفي و اتجهت علي الفور لابني الذي تحمله امه

مددت يدي لاخذ ابني و هي لفت ظهرها لي و اتجهت بعيدا عني لكي لا اخذه

اتجهت ورائها لاخذه بعصبيه منها فقالت لي بصوت مسموع من زوجات اصدقائي ( ابعد عنه لحسن اخلي منظرك وحش ادام الناس دي كلها )

انا : هاتي الواد بدل ما انا اضربك ادام الناس دي كلها

الرجل تارك لبيته ولزوجته ولإبنه ومرض في منتصف الليل ولم يكن بجواره أساسًا
فبعد هذا كله يريد أخذه من حضن أمه بكل عصبية وبعد أن ردت عليه و ( هذا مفهوم في هذا الموقف )
هددها بالضرب أمام الحضور فتركته له
أنا أرى هنا أنه المخطئ بنسبة 100% والمرأة معذورة جدًا لأنها تشعر بإهماله وغاضبة منه وتشعر بالقلق الشديد على طفلها
فالمشكلة بنسبة كبيرة متوقفة على تصرفات الرجل في موقف الأعصاب متوترة فيه
لا يجب أن نقول له أتركها وطلقها وهي المخطئة ولا تتحمل مسؤولية خراب بيت لا سيما أنه يتحمل الجزء الكبير من الخطأ والمسؤولية
هذا الإنسان يعاني الأن من أزمة حقيقية وغاضب من زوجته بدليل أنه ذكر كل عيوبها فهو تحت تأثير الضغب الآن
ولم يسأل إلا وهو ولديه الإستعداد للحفاظ على بيته من أجل إبنه ولكن يواجه مشكلة مع والدته

ابني هو ما يهمني .. حياتة الان علي المحك بسبب عناد امه معي

والطلاق ليس صعبًا وحل متوفر في دقائق يستطيع القيام به ولكن لا أجد في هذا حل بل مشكلة جديدة سيضع نفسه فيها وهو يستطيع إصلاح مالديه من مشاكل بأقل من ماسيبذله في حالة الطلاق

**Angel_wolf** · 23-05-2013 03:57 AM

لو الناس مش مضمونة امن نفسك واعمل محضر انها اخدت دهبها وعفشها علشان عملوها فى قريبى ورفعوا علية قضية وكانوا هيسجنوة لولا ستر ربنا
امن نفسك وبعد كدة ربنا يحلها

**bmw3m007** · 23-05-2013 04:18 AM

المشاركة الأصلية كتبت بواسطة eso101

نعم يقول لها حقك عليا بعد رزع الباب ولا تفضل بعد رزع الباب يخطف إبنها ويحرمها منه ويتهمها بسرقته
لا حول ولا قوة إلا بالله
كلامك يا أخي لاأعلم كيف تقوله و تنصح إنسان
بخطف طفل من أمه + حرمانها حتى من شوفه + وضعه مع إمرأة غريبة + إتهام كذب وزور لأمه بإختطافه + يلوح بإستخدام العنف ضد زوجته أو أخته إن رفعت صوتها عليه
فهذا كلام متهور وهذا الرئي بهذا الشكل لا يمت لأي شيء من الأخلاق والإنسانية بأي صلة
ولم تفعل مايستحق ربع هذا فهي إنسانة وأم وزوجة ونحن لم نتعلم أن نتعامل مع زوجاتنا بهذه القسوة
فالرجل أعرب أن هذه الواقعة هي أكبر مشكلة وقعت معه وهو متسامح مع زوجته

أي أن هذه المرة زادت المشكلة عن حدها وليست عادة ولا طبع فيها
إن كانت عنيدة وترفع صوتها وترزع الباب وأمور مثل هذه تحدث ولا تتطلب الطلاق ولا حتى التهور في الرد عليها
والموضوع كبر لأنه وصل للناس ولو كان إحتواها في بيته لما وصل الأمر لهذا الحد
هي أخطأت ولا يجب على المرأة أن تتعامل بهذا الشكل مع زوجها ولكن هو أشد خطأً منها وهو من أوصلها وأوصل نفسه لها الموقف السيء

الرجل تارك لبيته ولزوجته ولإبنه ومرض في منتصف الليل ولم يكن بجواره أساسًا
فبعد هذا كله يريد أخذه من حضن أمه بكل عصبية وبعد أن ردت عليه و ( هذا مفهوم في هذا الموقف )
هددها بالضرب أمام الحضور فتركته له
أنا أرى هنا أنه المخطئ بنسبة 100% والمرأة معذورة جدًا لأنها تشعر بإهماله وغاضبة منه وتشعر بالقلق الشديد على طفلها
فالمشكلة بنسبة كبيرة متوقفة على تصرفات الرجل في موقف الأعصاب متوترة فيه
لا يجب أن نقول له أتركها وطلقها وهي المخطئة ولا تتحمل مسؤولية خراب بيت لا سيما أنه يتحمل الجزء الكبير من الخطأ والمسؤولية
هذا الإنسان يعاني الأن من أزمة حقيقية وغاضب من زوجته بدليل أنه ذكر كل عيوبها فهو تحت تأثير الضغب الآن
ولم يسأل إلا وهو ولديه الإستعداد للحفاظ على بيته من أجل إبنه ولكن يواجه مشكلة مع والدته

والطلاق ليس صعبًا وحل متوفر في دقائق يستطيع القيام به ولكن لا أجد في هذا حل بل مشكلة جديدة سيضع نفسه فيها وهو يستطيع إصلاح مالديه من مشاكل بأقل من ماسيبذله في حالة الطلاق

انا متشكر لاهتمامك بالرد عليا
و اسف عن طريقة كلامي لاني اتعصبت جدا بصراحه
و الخلاف في الرأي لا يفسد للود قضيه

حضرتك من وجهة نظري رجل طيب و متسامح و الاهم اني واثق انك مشوفتش و متعاملتش مع هذه العينة قبل كده

كلام حضرتك كله جميل بس في رأيي الكلام ده في المشاكل الصغيرة الطبيعيه

انما انا لم اتذكر ولو مرة ان امي او جدتي او اختي تصرفت بمثل هذه التصرفات و لا اعتقد انهم ممكن يتصرفوا كده و لا اقبل منهم التصرف بهذا الشكل حتى و لو كان الخطأ من الرجل .. الادب ادب

انا من وجهة نظري المشكله في الموضوع هنا هو سوء اخلاق و سوء تربية و دي حجات مش هتتغير ابدا و في اي موقف هتظهر

و بكرر شكري و احترامي لحضرتك

**prince91720** · 23-05-2013 04:21 AM

ناهيتك ما انتهيت والطبع فيك غالب وديل الكلب عمروه ما ينعدل لو علقو فيه قالب
المثل ده مش موجه لحد معين بس هو جه على بالى و انا بقرأ الموضوع
انا مش هقولك اعمل كذا وكذا وكذا
انا هقول على اللى انا هعمله لو كنت مكانك:
1: هعمل محضر زى ما الرجل المحترم ده قال

المشاركة الأصلية كتبت بواسطة miceg

نصيحة لحضرتك ولازم تعمل كدة فوراااااااااااااااا
ولو معملتكش كدة متلومش حد غير نفسك
انزل القسم اعمل محضر بإن زوجتك أخدت الدهب والعفشة وهي نازلة كإثبات حالة
ده محضر عادي
عشان ممكن ياحلو تعملك محضر تبديد عفشة وتبديد دهب وساعتها هتلف 7 لفات فالمحاكم
ومش هتعرف تثبت انها أخدت الدهب خاصة
والعفشة ساعتها مش هتلاقي نفسك غير وانت بتعرضها عرض قانوني فالقسم
وهتكون خدت منك كل حاجة وهتاخد كمان مؤخر لو في مؤخر
اعمل المحضر زي ماقولتلك بغض النظر انكو هتكملو ولا مش هتكملو
لان المحاميين بيلعبو بدماغ الموكل وممكن السيناريو ده عملته اخت من اخواتها او المحامي نصحها بحاجة زي دي
وفالاخر انا شايف انك تخلى موضوع الطلاق اخر خطوة عشان غبنك ميبقاش ضحية لتربية اعتقد انها مش هتبقا ظريفة
بنا يخليهولك ويصلح الحال ربنا

2:مش هخليها تطول منى مليم احمر
وعفشى ودهبى يفضلو معايا اتجوز بيهم وحده غيرها
3:اتجوز عليها واحده تكون ظروفاها مناسبه لظروفى
4: اساومها بين حريتها و بين ابنى
و اخد ابنى منها غصب عنها
ـــــــــــــــــــــــــ ـــــــــــــــــــــــــ ـــــــــــــــــــ
ولو ماعرفتش تاخد ابنك ماتخفش
ابنك له رب بيحميه وماتخليش دى نقطة ضعفك
ـــــــــــــــــــــــــ ـــــــــــــــــــــــــ ــــــــــــــــــــ
لما قريت تبريرات بعض الاعضاء لمراتك ؛ ايقنت بأن ستات مصر ليهم الحق يتفرعنو اكتر ما هم متفرعنين طالما لقو اللى يبرر لهم تصرفاتهم الوقحة ويقف فى صفهم حتى وهم غلطانين
ـــــــــــــــــــــــــ ـــــــــــــــــــــــــ ـــــــــــــــ
انت غلطان من الأول انك ناسبت ناس زى دول ودلوقتى لازم تدفع تمن غلطتك
ـــــــــــــــــــــــــ ـــــــــــــــــــــــــ ـــــــــــــــــــــ
ابنك هايعيش و يتربى زى ما ربنا كاتبله انه يكون
خلى قلبك جامد وماتخليهمش يمسكوك من ايدك اللى بتوجعك
ـــــــــــــــــــــــــ ـــــــــــــــــــــــــ ـــــــــــــــــــــــــ ــ
والرجل ده برضه كلامه عجبنى

المشاركة الأصلية كتبت بواسطة bmw3m007

بصراحه يا جماعه و انا آسف يعني لو كلامي هيدايق حد
الناس الي بتنصحه يستمر .. اتمنى تحطو نفسكم مكانه في المواقف الي ذكرها

و عفوا يعني دي طبعا قلة الادب و الطبع يغلب التطبع
و لو موافق يعيش و ياخد بالجزمه طول عمره ماشي

انما انا مقلش على نفسي كده و عفوا يعني في ناس بتقول لما الست تشد انتي ترخي
اه ده في المشاكل العاديه انما الست لا تساوي الرجل في البيت
و لما الراجل يقول لمراته متخرجش و تخرج و تقوله هخرح براحتي كمان .. يبقى لا تعليق

هينتظر منها ايه دي ؟

ممكن ناس كتير تشوف اني غلطان بس انا اقسم بالله شفت الاشكال دي و عارفها كويس

و شفت ولاد الناس و البنات المحترمين بيتعاملو مع ازواجهم ازاي

الي بالاخلاق دي مشغلهاش عندي خدامة و لو اختي اضربها بالنار

و انا كلامي طالع بحرقة دم لأني مريت بنفس التجربة مع واحد عزيز عليا اتجوز واحده بنفس الشكل للاسف

و واضح انها من بيت اصلا دي اخلاقه بدليل تصرفات اختها
الي لو كنت حضرتها و معايا سلاح كنت ضربتها بيه

ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــــــ
انا عاوز اقول لك كلمه اخيرة بس متزعلش منى
انت تستحق اللى انت فيه دلوقتى
و لو كنتَ كويس ماكنش ده حصلك
شوف انت بتعمل ايه بيغضب ربنا وبطله
وصلح علاقتك بربك علشان حياتك تتزبط

**alexaway** · 23-05-2013 04:25 AM

للاسف في ردود ذكورية بحته لا تمت لاي عدل , الراجل الشرقي دايما شايف ان الست مهما حصل مترفعش صوتها عليه ومش من حقها تتنرفز انما من حقه هو يشخط وينطر ويتنطط علي كيفه ويديها بالجزمة كمان انما هي تنفعل لا مش من حقها .
وكأن الست دي مش انسانه ومخلوقه ليها مشاعر واحاسيس وليها حقوق زي الراجل المخلوق زيها بالظبط .
في الحالة بتاعة العضو هنا لو الزوج بجد مش بيعلي صوته ومش بيزعق وبيتعامل بهدوء ومحترم مع زوجته وهي اللي دايما بتتخانق وتزعق يبقي زي ما قلنا يحاول يعدلها منفعش يبقي الطلاق .
انما لو هو كمان بيزعق وبيشخط يبقي الاتنين متساويين مفيش حاجة اسمها انا الراجل وهي الست حتي لو شتمتها المفروض هي متردش عليه والكلام المتخلف دا .
الراجل مش بشخطه وزعيقه ولا بضربه بالجذمة لزوجته يا سادة الراجل بقدرته علي تحمل المسئولية وادارة حياته وحياة اسرته لبر الامان .

**mido_soliman** · 23-05-2013 04:30 AM

حلين ملهمش تالت لصاحب الموضوع وبعد قراءة كل التعليقات الموجودة

الحل الاول ان كنت تستطيع ان تحافظ على المسافة بينك وبين ابنك وهو فعلا كل ما يهمك وان تسعى جاهدا لتربيتة تربية رجل وتربية كريمة فلا يوجد لديك حل سوى ان تتجاهلها (اعتبرها مش موجودة واعتبر انك مطلقها فعلا ولا كانها فى البيت تماما)
وبكدة حتضمن ان ابنك موجود قدامك طول الوقت

الحل التانى انك تطلقها لان الست اللى من النوعية دى ملهاش علااااااااااااااااااج وكلامى عن خبرة ومعاشرة النموذج المذكور دة تماما ولكن فى الحالة دى انت لااااااااااااااااااااازم تامن نفسك جيدا قبل ما يفكروا اصلا انك ممكن تطلق
اسمع منى لان الستات دول لما بيحبوا ينتقموا بيبقوا العن من الشيطان والعياذ بالله
تامن نفسك تمااااااااااااااااااااااا اااااما (اعمل محضر زى ما الناس شارت عليك دة فى حالة انك نويت تطلقها فعلا) لان لو مراتك مش حتفكر تاذيك المليون ست اللى حواليها حيوزوها تاذيك وهى ما حتصدق تبقى عايزة تنتقم منك شر انتقام وعلى فكرة الستات مش زينا باة تقول دة ابو ابنى والكلام الناعم اللى قريتة فى بعض الردود دة والله لن تتوانى لحظة عن اذيتك
ثم ان فى حاجة شاغلة بالى واعذرنى على التطفل ولكنة سبب جوهرى
سردت اكثر من مرة فى القصة انها بتعايرك وان اختها بردة عايرتك فى قولك اكثر من مرة انت نسيت نفسك ؟؟ انت مش عارف اية ..... كلام من النوعية دى غريب جدا ان كانوا من بيئة اجتماعية شعبية مثل ما تقول فكيف لهم التعدى بالقول عليك بالمنظر دة الا اذا كان مستواهم المادى اعلى ؟؟؟ وان كان فعلا فالخطا من البداية يقع على كاهلك للاسف اخى العزيز
ادعو الله ان يوفقك للخير وان يهديك ويهدينا اجمعين

**alexaway** · 23-05-2013 04:38 AM

المفهوم المغلوط للادب عند البعض
البنت اللي متردش علي اهانة الراجل تبقي مؤدبة سواء كان الراجل دا غريب او قريب زي جوزها او اخوها مثلا
يا حلاوة هو دا الادب !!!
دا اسمه خوف يا محترمين او قله حيله مش ادب
البنت بتخاف من اخوها وابوها فبتسمع الكلام ومش بترد عليهم , كدا البنت فى نظر اخوها وابوها مؤدبة وابوها واخوها فرحانين بقي ولكن ما خفي كان اعظم .
الزوجة مش بترد علي جوزها علشان خايفه من الطلاق والبهدلة او مستحملة علشان العيال , الزوج فرحان انه عنتر وشاكم مراته ويقلك مراتي مؤدبه ولكن الزوجة من وراه بتشتمه وبتلعنه في كل مناسبة ولو زوجه اضعف تحط فى نفسها وتكست لغاية لما نفسيتها تدمر .
ححكيلكم موقف واحد حصل لواحد جارنا فى الشارع
البنت اخته مؤدبه جدا جدا جدا زي ما الكتاب بيقول من البيت للمدرسة ومن المدرسة للبيت وكل الشارع بيحلف باخلاقها وبادبها وكمان بلبسها المحترم والكلام دا فعلا كلنا كنا شايفينه , تدور الايام وتيجي الايام والبنت دي تتجوز من ورا اهلها , تخيلوا !!!
والله العظيم الموقف دا حصل البنت المؤدبة اللي كل الناس بتحلف بيها في الشارع اتعرفت علي شاب واتجوزته من ورا اهلها واكتشفوا الموضوع بالصدفة وكانت فضيحة .
ها ايه رأيكم فى الادب دا ؟؟؟

**ESO101** · 23-05-2013 04:48 AM

المشاركة الأصلية كتبت بواسطة bmw3m007

انا متشكر لاهتمامك بالرد عليا
و اسف عن طريقة كلامي لاني اتعصبت جدا بصراحه
و الخلاف في الرأي لا يفسد للود قضيه

حضرتك من وجهة نظري رجل طيب و متسامح و الاهم اني واثق انك مشوفتش و متعاملتش مع هذه العينة قبل كده

كلام حضرتك كله جميل بس في رأيي الكلام ده في المشاكل الصغيرة الطبيعيه

انما انا لم اتذكر ولو مرة ان امي او جدتي او اختي تصرفت بمثل هذه التصرفات و لا اعتقد انهم ممكن يتصرفوا كده و لا اقبل منهم التصرف بهذا الشكل حتى و لو كان الخطأ من الرجل .. الادب ادب

انا من وجهة نظري المشكله في الموضوع هنا هو سوء اخلاق و سوء تربية و دي حجات مش هتتغير ابدا و في اي موقف هتظهر

و بكرر شكري و احترامي لحضرتك

العفو يا أخي الكريم بشكرك على هذا الرد
أنا أعمل في مجال يجعلني بشكل مسستمر مطلع على الإحصائيات للمشاكل الإجتماعية
ومطلع جدًا على المشاكل الزوجية والأسرية
وأستطيع أن أقول لك أن 90% من المشاكل التي تنتهي بالطلاق هي مشاكل تافهه وصغيرة
وبعد الطلاق تنتقل من مشكلة إلى سلسلة مشاكل يعاني منها الأب والأم والأبناء
ومعظم المشاكل التي تنتهي بالصلح تكون بالحوار فقط !
فهي مشاكل نستطيع حلها ببساطة بدلًا من الطلاق والتهور والعصبية !
فهي أخطأت أمام الناس كما اخطأ هو أيضًا و هذا يحدث ويستطيعون تجاوز المسألة
و ما وضع الرفق في شيء إلا زانه ، ولا نزع الرفق من شيء إلا شانه
زوجته هو قادر على إصلاحها وبالطبع هو غير مجبر وهذه كلها إقتراحات نعتقد أنها في مصطلحته وفي النهاية القرار له
هو وحده من سيعيش مع زوجته وهو وحده أعلم بحالها منا جميعًا
ولكن يجب علينا أن نهدئ من غضبه ونريه أخطائه التي لايراها لأنه يرى بوضوح خطأ زوجته حتى يستطيع أن يخرج بحل متوازن !
ومفيش حاجة مش بتتغير طبع الإنسان ( نقي ) ومابه من سوء وشوائب هي مؤثرات نستطيع تغييرها بالطبع
وشكرًا لك

**bmw3m007** · 23-05-2013 05:30 AM

المشاركة الأصلية كتبت بواسطة alexaway

المفهوم المغلوط للادب عند البعض
البنت اللي متردش علي اهانة الراجل تبقي مؤدبة سواء كان الراجل دا غريب او قريب زي جوزها او اخوها مثلا
يا حلاوة هو دا الادب !!!
دا اسمه خوف يا محترمين او قله حيله مش ادب
البنت بتخاف من اخوها وابوها فبتسمع الكلام ومش بترد عليهم , كدا البنت فى نظر اخوها وابوها مؤدبة وابوها واخوها فرحانين بقي ولكن ما خفي كان اعظم .
الزوجة مش بترد علي جوزها علشان خايفه من الطلاق والبهدلة او مستحملة علشان العيال , الزوج فرحان انه عنتر وشاكم مراته ويقلك مراتي مؤدبه ولكن الزوجة من وراه بتشتمه وبتلعنه في كل مناسبة ولو زوجه اضعف تحط فى نفسها وتكست لغاية لما نفسيتها تدمر .
ححكيلكم موقف واحد حصل لواحد جارنا فى الشارع
البنت اخته مؤدبه جدا جدا جدا زي ما الكتاب بيقول من البيت للمدرسة ومن المدرسة للبيت وكل الشارع بيحلف باخلاقها وبادبها وكمان بلبسها المحترم والكلام دا فعلا كلنا كنا شايفينه , تدور الايام وتيجي الايام والبنت دي تتجوز من ورا اهلها , تخيلوا !!!
والله العظيم الموقف دا حصل البنت المؤدبة اللي كل الناس بتحلف بيها في الشارع اتعرفت علي شاب واتجوزته من ورا اهلها واكتشفوا الموضوع بالصدفة وكانت فضيحة .
ها ايه رأيكم فى الادب دا ؟؟؟

سماع البنت لكلام ابوها و اخوها يجب ان يكون مبني على الاحترام مش الخوف
و محدش هنا قال للراجل خليها تخاف منك ابدا و محدش يقدر يقول ان الراجل من حقه يشتم و يضرب .. مين قال كده !

بس زينة الست ادبها و اخلاقها و الي حضرتك بتقول عليها دي مش مقياس

**alexaway** · 23-05-2013 06:04 AM

المشاركة الأصلية كتبت بواسطة bmw3m007

سماع البنت لكلام ابوها و اخوها يجب ان يكون مبني على الاحترام مش الخوف
و محدش هنا قال للراجل خليها تخاف منك ابدا و محدش يقدر يقول ان الراجل من حقه يشتم و يضرب .. مين قال كده !

بس زينة الست ادبها و اخلاقها و الي حضرتك بتقول عليها دي مش مقياس

وليه البنت المفروض عليها تسمع كلام ابوها واخوها ؟؟؟
حتي لو كلامهم غلط المفروض انها تسمع كلامهم ؟؟؟
حتي لو اهانوها برضوا تسمع كلامهم ؟؟؟
مش من حقها ترد ؟؟؟ حتي لو علي اخوها ؟؟؟ ولا علشان اخوها ولد وهي بنت
احترام وادب ايه اللي يخلي البنت تسمع كلام اخوها لمجرد انه راجل ؟؟؟
زينة الست الادب والاحترام اللي نابع عن قناعه داخلية مش عن قهر وخوف
والمثال اللي حضرتك بتقلي عليه مش مقياس دا علي فكرة اغلب حال بنات مصر مش بس البنت دي , والامثلة كتير بس للاسف الراجل معمي وميهموش غير انه يسمع كلمه حاضر ونعم من اخته او زوجته وبس .
انا لسه سامعها من بنت صغيرة في ثانوي واخوها قاعد معاها والحوار بهزار داير وبيقولوا لاخوها فلانه ( اخته ) فين الجو بتاعها , راح هو رد وقال لا اختي ملهاش جو بضحكة , هي ردت وانا سمعتها خليه عايش فى الوهم .
عاملوا اخواتكم وزواجاتكم بمنطق انهم بشر زيكم ومن حقهم يردوا ويتناقشوا واسمعوهم , بدل ما تدفنوا راسكم فى التراب .

علاقة كل بنت فى مصر باخوها بالظبط زي علاقة اخت احمد حلمي بيه فى فيلم الف مبروك

الموضوع: اطلقها ولا اخاف علي مستقبل ابني

LinkBack

أدوات الموضوع

عرض

-

-

-

-

المواضيع المتشابهه

بقيت اخاف على نفسي من المنتدى

قدر الله و ما شاء فعل لكن ابتديت اخاف من اللوجان للاسف((فعلا متضايق))

انا بدأت اخاف من شيل الاصفر

اسعار التوكيل النهارده خلتني اخاف اقرب من اي شارع فيه توكيل؟؟

بدات اخاف تانى من شراء الجين 2

الكلمات الدلالية لهذا الموضوع

المفضلات

المفضلات

ضوابط المشاركة