اه تصدق لو زعقلها تزعقله ولو ضربها تضربه
بالصلاة علي النبي يا استاذ هي مضربتكش علي ايدك علشان تصرف عليها وبعدين هو حضرتك بتعاير مراتك علشان بتصرف عليها والمفروض انها تاخد بالجذمة بقي طالما حضرتك بتأكها وبتشربها !!!
بالفرض بقي حضرتك حصلك حادثة ومبقتش عارف تشتغل يحق ليها بقي طالما بطلت تصرف عليها انها تصبحك بعلقه وتمسيك بعلقه ؟؟؟
وبعدين زي ما حضرتك عندك شغلك ومشاكلك هي كمان عندها شغلها مسئولية بيت وعيال وزي ما حضرتك بني ادم هي بني ادمه , هو انت من حقك تغضب وهي تستحملك وحضرتك مستحملهاش لو جات في يوم مضايقه بسبب ظرف عضوي او نفسي !!!
الراجل الورق في نظري انا بقي مش اللي يعامل مراته كابني ادمه وليها حقوق زيه ومن حقها ترد عليه , الراجل الورق اللي يهين مراته او اخته ويخليها تخاف منه بدل ما تحترمه وتحبه .
تحياتي
المفضلات