الموضوع: أنا و السيريون 150000 كم من الحب والسعادة

المشاركة الأصلية كتبت بواسطة Imhotep

هههههههههههه...... مراتك الاولانية قفشت عليك لما عرفت انك هتجيبلها ضرة فقالت تلاعبك و تشغلك بيها شوية هههههههههه

ههههههههههههههههههههههههه هههه جامد الاستنتاج دة تصدق أول مرة ييجي فبالي

المشاركة الأصلية كتبت بواسطة askoda

ههههههههههههههههههههههههه هههه جامد الاستنتاج دة تصدق أول مرة ييجي فبالي

مالهاش تفسير تانى يا جوز الاتنين :)

وهي مروحة في السكة كمان ودانها اليمين اتكسرت ...إلي هيا المرايا

معندكش فكرة يا أستاذ / أحمد . الموضوع ده مأثر فيا أدد أييه لأنه حصل معايا أول ما أستلمت العربية بتاعتى من التوكيل خدت خبطة من عربية زبالة كاروو فى الأكصدام الورانى ، فين بقية الحلقات ؟

الجزء الثالث :
بعد شهر العسل وبعد فترة أخد أحمد والعروسة السريون على بعض جداً جداً بذات إن أحمد كان كل يوم بيسوق حوالي 130 كم كلهم على الدائري طبعاً العروسة كانت مانيوال 1300 cc طلقة بمعنى الكلمة وكان بيشد مع طوب الأرض عربيات 1300 و-1600 cc كتير زعلوا منها بذات إن شكلها ميجبش تحسها كدة so Cute

بعد 50000 كم وسنة ونص بعد ماعلمت على الدائري كله وسافرت اسكندرية في ساعة ونص ماشي الطريق كلو على 170 كم/ساعة ثبات عالي وتحكم

لحد ماجه إليوم المشؤوم ونا راجع بالعروسة على الدائري ماشي بين 120 و-130 تيجي اومنا الغولة نقل بمقطورة تحدف نفسها علينا من ناحية الشمال وتخبطنا من ورا فندخل في حارة كلها رمل ونلبس في عربية ركنة على الدائري وهوب تخ بوم تريش TOTAL LOSS فنفس الوقت أنا خرجت من الحادثة ذي الفل من غير ولا خدش عشان حبيبتي وخدة 4 نجوم في السفتي والأير باجز عملت شغل عالي بس للأسف مكنش فيها ABS

وراحت العروسة إلي كانت حلم حياة أحمد وحب من أول نظرة إتدمر وكلو من الحسد راحت للتأمين إلي عوض أحمد عن حاجة متتقدرش بفلوس

أحمد طبعاً اعلان حالة الحداد على عروسته وبعد ال-40 يوم حداد مخلصو قرر أحمد إنو يجيب عروسة جديدة عشان ميقدرش يعيش من غير عروسة في التجمع الخامس بس للأسف كل ماكان يروح أحمد يشوف عروسة متعجبوش ويقعد يطلع فيها القطط الفطسة لأن العروسة الأولانية كانت مدياه ستاندرد معين مكنش سهل عليه إنو ينزل عنه

وفي يوم من الايام جتلو العروسة في المنام وقالتلو ممكن تشوف وحدة من عيلتي صحي الصبح ودور على عروسة من نفس العيلة لحد ملقى الست سريون ال-GLX إلي كملت معاه باقي مشوار ال-150000 كم طبعاً كان كل الناس برضه معارضة للمرة التانية بس إلي جرب وشاف بنفسه مش ممكن يسيب العيلة دي بسهولة .

في الحلقة القادمة بداية جديدة في عهد ال-GLX واستخدام ال-ABS إلي فعلاً مش لازم الواحد يقلل من لزمته ومشاكل من نوع جديد وزيارات متعددة للتوكيل الجديد في أبو رواش

هههههههههههههه..... ضحيت هنايا فداه و هعيش على ذكراه..... ضحت بنفسها عشان تنقذك :)