الموضوع: أنا و السيريون 150000 كم من الحب والسعادة

المشاركة الأصلية كتبت بواسطة Imhotep

هههههههههههههه..... ضحيت هنايا فداه و هعيش على ذكراه..... ضحت بنفسها عشان تنقذك :)

المشاركة الأصلية كتبت بواسطة S O P H O S

حلقات جميلة وياريت الجزء الرابع ميتأخرش

المشاركة الأصلية كتبت بواسطة mohamed_rhem

ما اروعك

10000 شكر يا جماعة و الله رافعين من روحي المعدنية

آآآدددى الحب ولا بلاش ، اللى حصل ده ولا فى الأحلام ، كويس أنك خدت من نفس العيلة و ما سمعتش كلام الناس ، هوه فيييييين بقية الحلقات

متابع شوقتني اوي

اعتذر بشدة عشان عندي ظروف خارجة عن إرادتي منعاني من اني أكمل إدعولي تعدي على خير ونة أكمل باقي الحدوتة والتقييم المفصل

ربنا معاااك

طبعاً أنا باعتذر اني معطلكو عن تكملة الموضوع

الحلقة الرابعة :
صاحبنا أحمد فضل فترة مش قادر يتعامل مع العروسة الجديدة عشان كل ميشوفها تفكرو بالمرحومة بس مع الوقت أسبتتلو انها فعلاً من نفس العيلة وإنو يقدر يعتمد عليها في أي حاجة وبالذات بعد ما أحمد كان هيعمل حادثة شبة إلي عملها بالمرحومة بس ال-ABS عمل إلي عليه وزيادة ودة للناس إلي ماتعرفش يعتبر أهم من ال-air bags عشان مش بيخليك تحتجلهم .

أحمد والعروسة الجديدة عايشين مع بعض بقالهم سنتين ونص عمل أحمد فيهم 100000 كم في جميع ارجاء المحروسة
شرم الشيخ ،الغردقة ، الجونة ، مرسى مطروح ، اسكندريه حوالي 10 مرات....إلخ إلخ إلخ لدرجة إن أحمد فكر يطلع على تونس والمغرب بالعربية بس محصلش نصيب

طبعاً العروسة الجديدة كنت أول عربية أوتوماتيك أحمد يجبها وفعلاً حبها حب شديد عشان مش بتحسسوا إنو محتاج المانيوال في حاجة وكل مايحب يشد بتستجيب معاه ذي مراته الأولانية المانيوال بس كان في كام حاجة نغصوا عليهم الحياه الجميلة دي :

1. الطنابير باظت عند 20000 كم وتغيرت في الضمان عشان كان فيهم رجة عند الفرامل القوية إلي أحمد كان بيستعملها علطول
2. الكمبرسور بتاع التكييف كان صوته عالي شوية ذي مايكون فيه نعرة كدة وتغير بردو في الضمان والحمدلله ذي الفل من ساعتها
3. علبة الدركسيون باظت وابتدت الاصوات تكون كتيرة بس دة كان عند سن ال-90000 كم وبرضو اتغيرت في الضمان الاسبوع إلي فات والحمدلله فرقت جامد من ناحية الصوت والاحساس إن العربية ماسكة نفسها على الأرض المكسرة
4. واحد بعربية شروكي دخل في العربية عند الباب إلي ورا مع داير الرفرف وعملها واوا غويطة بس مش كبيرة الحمدلله
5. الزجاج الخلفي يمين اتكسر واللابتوب اتسرق من جوا العروسة ودة من شهرين
6. في أحد الايام كان أحمد راجع من السفر رايح غاي في نفس إليوم مع لف طول إليوم ونام أحمد وساب العروسة لوحدها مشية في شارع التسعين في التجمع وخدت مطب على سرعة 100 كم / ساعة كان نتيجتها إن كارتيرة الزيت اتكسرت والزيت نزل في الأرض بس عشان هي أصيلة كملت بيه لحد البيت وأول مركن أحمد العربية كل اللمض نورت وخذها علتوكيل تاني يوم وغيرت الكرتيرة

بس في المقابل ممكن نبص على الجانب المضئ في الموضوع إن العروسة في خلال ال-100000 كم دول مصاريفها كنت كالتالي :
1. صيانة دورية عند ال-20000 وال-40000 وال-80000 ودول تكلفتهم حوالي 3000 جنيه
2. عدد اتنين تيل فرامل واحد عند ال-38000 كم والتاني عند 73000 كم ودول تكلفتهم 1000 جنيه
3. عدد 4 فرد كاوتش بعد ممشيوة 63000 كم وتم تغيرهم إلى بريدجستون MY01 ودول تكلفتهم 1400 جنيه
4. عدد 8 غيار زيت وفلتر زيت ودول تكلفتهم 2600 جنيه
5. عدد 1 فلتر هواء (غير إلي إتغيرو في الصيانات المكتوبة ) ودة تكلفته 170 جنيه
6. عدد 5 زيارات لمركز فيت اند فكس لعمل تربيط للعفشة والروتشن بتاع الكاوتش ودول تكلفتهم حوالي 100 جنيه مع العلم إن أخر زيارة لهم الراجل إشتكتلو من أصوات العفشة وهو إلي قلي على موضوع علبة الدركسيون فطلعت على التوكيل تاني يوم علطول .
7. الكرتيرة بتاعت الزيت سعرها 1300 جندي تقريباً مع العلم اني كنت تاني كرتيرة تطلع من التوكيل لأن مكانها صعب توصلو غير بالطيران الحر إلي أنا عملتو

لو جمعنا المبالغ إلي مكتوبة فوق هنلاقيهم حوالي 10000جنيه مشاء الله الله أكبر عروسة قنوعة جداً وقفت جمب جوزها علطول الخط عمرها مقلتلو عايزة حاجة زيادة ولا بصت على جيرانها بيصرفو كام كل صيانة وعلطول في السفر شيال الحمول يا صغير

في الحلقة القادمة تقييم شامل لكل حاجة بحيادية تامة وياريت لو حد شاف تقييم بتاع أي عربية تانية في المنتدى وعجب الترتيب بتاعه يجبلي اللينك بتاعه عشان استرشد بيه

الله عليك وربنا يسلمك ويسلم طريقك وطريقنا
ماشاء الله عليك
انته برنس كبييييير