الموضوع: نداء عاجل الى مالكي نيسان صني سوبر صالون 2013

الأخوة الأعزاء مالكي نيسان سوبر صالون 2013 ....
السلام عليكم ورحمة الله
لا يخفى على أحد منكم مدى الغش الذي تعرضنا له والمقلب الذي أخذناه في هذه السيارة من حيث الضعف الشديد في الصاج وعدم تحمله لأى صدمة أو احتكاك حتى لو كان بسيطا من قطة مثلا.. وأيضا ضعف البويه وبالتالي ضعف الأمان في هذه السيارة فماذا يحدث لاقدر الله لو كانت الصدمة شديدة شوية؟
والسؤال الأكثر أهمية .. الى متى سنظل صامتين عن خسارة المبالغ التي دفعت فيها؟
أقترح أن نتقدم بشكوى جماعية الى الشركة أو نتقدم بشكوى الى حماية المستهلك أو نتقدم الى القضاء لأخذ حقنا من الشركة وتعويضنا عن خسارتنا
وليكن تواصلنا من خلال الايميل.
ملحوظة: اشتريت سيارتي منذ حوالي 3 شهور وللأسف بها خدوش كثيرة وللأسف الصاج ظاهر جدا والكبوت مطبق بسبب طفل صغير جلس عليه.

طبعا الايجابيه حاجه مطلوبه
ولكن حضرتك ماندحكش عليك فى حاجه
السعر ارتضيت بيه مقابل الامكانيات وقت الشراء

بص ياباشا انا الصراحه لما جيت أشترى العربيه دى كنت بقارن بينها وبين اللوجان عشان انا كنت عاوز حاجه صالون واسع وعاليه عالارض وكنت حابب اللوجان أكتر أيام لما كانت الاوتوماتيك سعرها 79500 لكن لما الدولار استهبل وبقت العربيه ب 90000 وانت طالع قولت لأ طالما كده كده هجيب قسط يبقى خلينى فى الصنى رغم الفقر الشديييييييد فى التابلوه ورغم الكاوتش الصينى السئ ورغم عيوب التقفيل .... والله أعلم اذا كان قرارى كان صح ولا لأ ...... محدش بياخد أكتر من نصيبه

بص مش هتعرف فى الفئه السعريه دى تجيب عربيه فيها كل حاجه, صحيح ممكن يبقى الصاج ضعيف (شأنه شأن اغلب العربيات الجديده الكورى واليابانى) بس مقابل تكييف قوى, واقتصاديه استهلاك البنزين ونعومه العفشه
فخليك واقعى ومتتوقعش انك هتاخد كل حاجه ب100000 جنيه , ولو كان فارق معاك الصاج قوى كنت تشوف حاجه اوروبى بس كنت هتضحى بشويه حاجات تانيه زى التكييف والاعتماديه

المشاركة الأصلية كتبت بواسطة midnightman_74

السوبر صالون ب ١٢٤ ألف مش ١٠٠

أول منزلت كانت ب 107 لغاية ما الدولار غلي .. والعربيات كلها إللي تستاهل ومتستاهلش بقا سعرها معدي ال 160 وبعضها متساويش تجيب بيها خضار.

المشاركة الأصلية كتبت بواسطة ahmed_rahem

علشان الموضوع ميفتح فى مناقشات جانبية عن العربية ، وعن المالك مفروض يكون عارف العيوب والمميزات والكلام الى هيهد الموضوع من اساسة.
خليك محدد فى افكارك والخطواط الى انت عايز تعملها والنتائج الى انت عايز توصلها، بمعنى :
- انت عايز تعمل شكوى عن اية بالتحديد (صاج سئ، دهان سئ، ...الخ)
- كتابة مقترح لصيغة الشكوى
- الهدف النهائى الى انت عايزة (تغيير قطعة غيار، تعويض مادى ... الخ).

كل دة علشان يكون الموضوع محدد وميتفرعش لمناقشات جانبية.
وبرجاء لمن يقول ان العربية قيمة مقابل سعر، الكل عارف المعلومة دى واكيد كاتب الموضوع بردة عارفها، فمفيش داعى نكررها والموضوع يطول بدون داعى.
وبكدة نخلى المناقشة فقط فى نقطة واحدة فقط وهى الشكوى ومكونتها وشكلها والنتائج المرجوة.

والسلام ختام

الموضوع مفتوح للنقاش بدون تحديد نقط معينه
والمطلوب من الموضوع ان الشكاوى لما تكتر يقوم المصنع منزل سعر العربيه ويعوضكو فرق الفلوس
متهيألى ده مش هيكون سبب وجيه للشكوى
انما انا معاك فى حته ان ايه المشكله عندك بالتحديد فى عربيتك
انما ان صاجها خفيف ماهو اكيد حضرتك شاريها على كده ولا ده عيب تصنيع