نداء عاجل الى مالكي نيسان صني سوبر صالون 2013

**midnightman_74** · 23-05-2013 03:39 PM

المشاركة الأصلية كتبت بواسطة ironhead

بص مش هتعرف فى الفئه السعريه دى تجيب عربيه فيها كل حاجه, صحيح ممكن يبقى الصاج ضعيف (شأنه شأن اغلب العربيات الجديده الكورى واليابانى) بس مقابل تكييف قوى, واقتصاديه استهلاك البنزين ونعومه العفشه
فخليك واقعى ومتتوقعش انك هتاخد كل حاجه ب100000 جنيه , ولو كان فارق معاك الصاج قوى كنت تشوف حاجه اوروبى بس كنت هتضحى بشويه حاجات تانيه زى التكييف والاعتماديه

السوبر صالون ب ١٢٤ ألف مش ١٠٠

**abdulmoniem** · 23-05-2013 05:48 PM

المشاركة الأصلية كتبت بواسطة midnightman_74

السوبر صالون ب ١٢٤ ألف مش ١٠٠

أول منزلت كانت ب 107 لغاية ما الدولار غلي .. والعربيات كلها إللي تستاهل ومتستاهلش بقا سعرها معدي ال 160 وبعضها متساويش تجيب بيها خضار.

**toty_305** · 23-05-2013 07:15 PM

-"يا باشا دي نيسان و أعتقد مش هتضحي بسمعتها"

**limo81** · 24-05-2013 03:24 PM

و تعقيباً على ما قاله الأخ العزيز the air devil مش معنى ان الصاج جامد وتقيل تكون العربيه كويسه , المعامل ده بيحطوه فى الاعتبار فى التصميم من حيث انه كلما خف وزن العربيه كلما قل استهلاك البنزين وده ع سبيل المثال ولكن توجد اعتبارات تانيه كتير زى موضوع سلامه الركاب بحيث ان الصاج هو اللى ياخد الصدمه مش الركاب....بالبلدى كده زى "الجلبه" ودى حاجه المفروض بتتحط على اى محور (shaft) واهم شرط فيها انها تكون من ماده سريعه التآكل (عشان نحافظ ع الحاجه الغاليه اللى هى ال shaft فهى تتآكل بدلاً منه..مثلاً

طبعاً فى حاله لا قدر الله ....بتكلف كتير, ولكن فى حاله العكس الناس بتتمنى انها كانت تيجى فى العربيه وما تجيش فى الناس

وللأسف أيضاً احنا كلنا فى مصر بنهتم بالعربيه, السكن, الفلوس........ومش مهم الأنسان!