ياتري ايه الاسباب الي بتتحكم في الاحساس بالسرعة؟حد يعرف!

**sfi** · 23-05-2013 03:09 PM

السلام عليكم ورحمة الله وبركاته
طبعا كثير مننا عارف الاحساس بالسرعة ومقتنع انه يرتبط بالثبات ويتناسب عكسيا معه ولكن في اسباب ثانية اكيد بس انا معرفهاش
يعني لما تركب عربية وتمشي بيها 120 ولتكن النترا مثلا تحس انك ماشي طبيعي
وبعدين تركب مرسيدس وتمشي نفس السرعة هتحس انك ماشي 60 مش 120
فعاوز اعرف ايه الاسباب غير الثبات الي بتقلل احساسك بالسرعة
عشان في حاجة غريبة في عربية اودي وهي لما بتكون ماشي 120 بتحس نفسك طاير لدرجة ان الالنترا احساسك بالسرعة فيها اقل
يبقي اكيد في حاجة غلط ولا ايه؟!!

**yousefsemsem** · 23-05-2013 03:36 PM

طرق العزل اللي بتبقي جوه السياره حدم الاحساسا بالهوا ولا بالاصوات الخارجيه وطبعا زي ماقولت عوامل الثبات هي الي بتخليك تحس بكده

**aymanshebl** · 23-05-2013 03:43 PM

تصميم السيارة اللى هو الايروديناميك و العفشة و ديه مهمة جدا فى الاحساس بالثبات يعنى العفشة الملتى لينك بتدى ثبات اعلى من العفشة التورشن بيم

**hossam_elwani** · 23-05-2013 03:46 PM

متابع وجه النظر دى فعلا بلاحظها على الواقع زيك

**Al-Farooq** · 23-05-2013 03:46 PM

اعتقد العوامل التالية :-
1- درجة عزل المقصورة عن الاصوات الخارجية.
2- مدي هدوء صوت الموتور.
3- نوع او خصائص الباور ستيرنج.
4- مدي ثبات السيارة فى المناورات و المنحنيات.
5- نوع العفشة تورشن ولا مالتي.
6- ديناميكية تصميم الهيكل الخارجي وتحديد مسارات الهواء.
7- نوع العربية ، جر امامي ام دفع خلفي ام رباعي.
8- نوع الكاوتش ومقاس الجنط.

**sfi** · 23-05-2013 04:11 PM

كلام ممتاز اوي
طيب ازاي عربية بي ام مثلا فيها كل الي قلتوه واحساس بالسرعة غريب تحس نفسك طاير وانت علي 120 يبقي المشكلة فين ولا دا طبيعتها معرفش
طيب حد يعرف العربيات الرياضية والي بتكون واطية عالارض احساس السرعة فيها عالي ولا منخفض ؟ سؤال للعباقرة فقط

**Karim Ibiza** · 23-05-2013 04:18 PM

الأسباب كتير ومش هتصدق لو قولتلك ان وضعية القيادة بتفرق وتنجيد الكراسى

لكن الأسباب الأساسية هى نوع الكاوتش وعرضه والبروفيل بتاعه
وزن العربية ونظام التعليق
العزل
صوت الموتور
صوت الشكمان
انسيابية الهواء ودرجة احتكاكه بالجسم الخارجى للعربية
نظام الدفع
حجم الموتور لأنك لو ماشى 150 بموتور 1000 سى سى غير لما تمشى على نفس السرعة بنفس العربية بس بموتور 1600 سى سى

**Karim Ibiza** · 23-05-2013 04:23 PM

المشاركة الأصلية كتبت بواسطة sfi

كلام ممتاز اوي
طيب ازاي عربية بي ام مثلا فيها كل الي قلتوه واحساس بالسرعة غريب تحس نفسك طاير وانت علي 120 يبقي المشكلة فين

ولا دا طبيعتها معرفش

طيب حد يعرف العربيات الرياضية والي بتكون واطية عالارض احساس السرعة فيها عالي ولا منخفض ؟ سؤال للعباقرة فقط

الألمانى عموما بيحسسك وانت سايق انك بتهد الدنيا وفى الأخر تلاقى نفسك ماشى 120
وده بسبب ان العربيات وزنها تقيل فبالتالى الضغط على الكاوتش بيكون كبير وبالتالى احتكاك الكاوتش بالارض بيكون اعلى ومن هنا الصوت بيعلى
وكمان العربيات الالمانى مش انسيابية زى الأسيوى

المعروف ان كل ما كانت العربية واطية كل ما كان احساسك بالاسفلت والمطبات اعلى وبالتالى احساسك بالسرعة اعلى لكن بتكون متطمن لأن الثبات بيكون أعلى

**Karim Ibiza** · 23-05-2013 04:26 PM

المشاركة الأصلية كتبت بواسطة aymanshebl

الاحساس فى العربيات اللى هى قريبة من الارض بالسرعة قليل يعنى هتكون ماشى على 120 مثلا تحس انك ماشى على 60 ده لان العربيات ديه بتيقى قريبة من الارض يعنى مقدار الجاذبية عليها عالية فيتبقى ثابتة و الاحساس بالسرعة بيقل و كمان الهواء اللى مارر اسفلها يبقى قليلة فبيدى احساس بالثبات و عدم الخفة او التعويم بعكس العربيات العادية اللى بتبقى مرتفعة عن الارض

الأحساس بالثبات حاجة والاحساس بالسرعة حاجة تانية

طبعا زى ماحضرتك قولت ان كل ما كانت العربية عالية كل ما قل الاحساس بالثبات
لكن الوضع مختلف بالنسبة للاحساس بالسرعة

الموضوع: ياتري ايه الاسباب الي بتتحكم في الاحساس بالسرعة؟حد يعرف!

LinkBack

أدوات الموضوع

عرض

-

-

-

-

-

المواضيع المتشابهه

ياتري حد يعرف

ياتري بيحصل ايه في جهاز الكمبيوتر اما الواحد يقفله وينام المصدر: ياتري بيحصل ايه في

انا اتشتمت واتهزقت لالتزامى بالسرعة القانونية

ياتري حد يعرف اي فرع لتوكيل رينو ممكن نعمل فيه فحص شامل للعربيه قبل ما نشتريها ؟

Rpm وعلاقته بالسرعة والغيار ؟

الكلمات الدلالية لهذا الموضوع

المفضلات

المفضلات

ضوابط المشاركة