الموضوع: حملة خليك إيجابى

بسم الله الرحمن الرحيم


طبعا كلنا بنتحسر على حالنا اللى احنا فيه و حال مصر
وعلى البلاوى اللى بنشوفها كل يوم من اعمال بلطجة - تخريب ........الخ


لذلك قررت انى اعمل الموضوع ده ( خليك ايجابى )

وانا عن نفسى هعرض عليكم مشكلة و حلها بالنسبالى
---------------------------

عندنا فى اسكندريه الجديد ان كل واحد ياجر موتوسيكل ( المكن باللغه بتاعت الشباب )

ويبقى متركب فيه سماعات ضخمه ويشغلوا اغانى ما تعرف باسم المهرجانات

بجد ياريتها اغانى عدله تتسمع
مش قادر اوصفلكم

انا كطالب ثانوى عام
لما لاقى الشارع عندى من اوله لاخره لانها منطقة مدارس بنات

الشارع متكدس موتوسيكلات من 7 الصبح لغاية اذان الفجر

والموتوسيكلات دى مالياه الشارع و مشغلين الاغانى باعلى صوت تتخيلوه


بجد حاجه مستفزه جدا لدرجة انها ممكن تسبب امراض السكر و الضغط و القلب لا قدر الله

انا كذا مره كان هيجيلى حالة هيستيريا وهنزل اولع فيهم كلهم
طالب ومش عارف اركز فى المذاكره من الصبح لبليل اعمل ايه


لذلك انا اقترح بان اللى يشوف المنظر ده يقدم بلاغات و انا اولكم

اللى يشوف موتوسيكل ميسكتلهوش و يطلبله القسم عدل على طول

محضر ازعاج على طول

لان ده مش ازعاج طبيعى

ده انا ببقى شايف اطفال فى ابتدائة بيقولوا لبعض تيجى ناجر مكن بعد الدرس ولا بعد المدرسه

حاجه اخر استهتار و اخر قلة ادب بجد

---------------------------------------

تانى حاجه لما يبقى تحت بيتك ستوديو

وتلاقى كل يوم بليل من المغرب للعشاء
علشان عروسة و عريس يتصوروا

تلاقى العربيات اللى تبعهم
واقفين سدين الشارع
ومشغلين كاسيت السايارة برده بااغانى المهرجانات على اعلى حاجه بل هى العن من الموتوسيكلات لان كل العربيات مشغله الكاسيت

وايه بقى


تلاقى كمية صواريغ من اللى صوتها يضيعلك حاسة السمع بكميات ملهاش عدد تفضل كده 10 دقايق ربع ساعه

اولا ازعاج ميتوصفش

ثانية لو انت واقف فى البلكونه و مش واخد بالك ممكن لا قدر الله تيجى فيك وتبقى زى طلقة الرصاص

ده غير لو عندك على البلكونه ستارة فى البيت و كانت البلكونه مفتوحه
ممكن لاقدر الله تولع فى البيت كله
وانا اعرف واحد حصله كده بسبب ان صاروخ مولع لمس ستارة


ده غير ان السقف بتلاقيه بقى مهبب من الصواريخ ( سقف البلكونه )


وغيره و غيره



هل وصلنا الى هذه الدرجه من الاهمال ؟