حضرتك لازم تتأكد أول حاجة من تبريد المحرك عندك كويس والردياتير سليم وحرارة العربية تمام
بعد كده تخش على التكييف وتشوف أولا موضوع التسريب وبعدها تتأكد من الشحنة (كمية الفريون) هي المناسبة لعربيتك، يعني لو أخصائي تكييف فاهم ومحترم لازم يبقى عارف إن لكل عربية كمية (بالجرام) من الفريون ولو زاد التبريد مش هيكون كويس زي ما ناس كتير فاكرة وإنما الكفاءة تقل. ومن خلال جدول متواضع عندي لكل الموديلات وكميات الفريون المثالية (طبقا للشركة المنتجة) فإن مازدا 121 تحتاج 650 جرام موديلات 1993-1996 وتحتاج 600 جرام موديلات 1996-2002، ويسمح بزيادة أو نقصان 25جرام فقط. عشان كده انصحك تروح لحد بيوزن الفريون مش بيحط بركاوي. ومتنساش تتأكد من كفاءة المراوح وبكده عربيتك إن شاء الله تكون زي الفل وتكيفها ممتاز، المازدا لو مظبوط تكيفه بيبقى كويس... وبالنسبة لضبط الموتور اللي اعرفه إن حاجة اسمها سولينويد مسؤولة عن رفع الموتور وخفضه (زي السخان اليدوي) بيعلي ويوطي العربية، وبرضه اخصائي كربراتير يشوفلك الكربراتير اخباره إيه !!
المفضلات