الموضوع: عندى مشكله مش لقيلها حل :(

يا باشا معرفتك بالشوارع و الطرق دى اهم شرط فى الوظيفة دى, يعنى ممكن سواق ما يعرفش يفك الخط لكن ما ينفعش انه يكون مش حافظ الشوارع و كمان لو هتروح مشوار معين لازم تبقى عارف اكتر من طريق يوصلك عشان الزحمة و توفير الوقت.
ع العموم ممكن تستعين بـ google maps و تشوف المشاوير اللى هتطلب منك فى الشركة, و لو تعرف سواقين يقولولك على احسن طرق تمشى منها.

أولا مبروك على العربية .. ربنا يباركلك فيها ويكفيك شرها .. ثانيا : عليك وعلى google maps .. وماتقلقش مسافة أسبوعين لف هتحفظ القاهرة ان شاء الله .. بس يا ريت تأمن على العربية وتجيب لها جهاز انذار عشان السوزوكي الفان من أكتر العربيات اللي بتتسرق وفي عز الضهر .. ربنا يسترها عليك ويسلملك طريقك

بص يا سيدى والكلام عن تجربة استخدامك للبرامج زى جوجل مابس او نوكيا ماب لو معاك تليفون نوكيا اولا هايبقى الموضوع مكلف لو الجهاز مافيوش gps و هايعتمد على الانترنت فقط وثانيا انت كل اللى هاتعمله انك هاتسمع الارشاد الصوتى وهاتمشى يمين وشمال وانت مش عارف انت فين و كده مشكلتك مش هاتتحل وخصوصا ان البرامج دى لسة بدون احوال المرور وايه اسرع طريق و العكس .

الحل من وجهة نظرى حضرتك تتفق مع سواق تاكسى خبرة ويفضل لو سنه كبير وتتفق مثلا على مبلغ 1000 جنيه ولمدة شهر يعرفك فيها الطرق الرئيسية فى البلد " الدائرى و المحور " وكذلك الكبارى وتفريعات رئيسية وما الى ذلك وبعد الشهر حضرتك هايكون عندك خبرة على الاقل 70% والباقى يعتمد عليك وعلى الممارسة وربنا يوفقك فى الشغل
وادعيلنا :)

المشاركة الأصلية كتبت بواسطة adelghanem

متزعلش منى الموضوع غلط من الاول..بتتوه من اقل حاجه واشتركت فى وظيفه عايزه واحد لايمكن يتوه !!!
عجبى

:) فكرك يقولهم لا انا ميح و يطير الوظيفه ... الشباب دلوقتي بيتنشق علي شغل يدخله فلوس يفتح بيها بيت و مش لاقيين و عايزه يطيرها من ايده علشان ميعرفش الطريق ؟! لا يتوظف و يعمل العجب علشان يعرف الطريق احسن

ربنا معاك و ان شاء الله تبقي فاتحة خير و بركه عليك