ما هو اقصى شىء تستطيع اصلاحه فى سيارتك ؟؟( تجربة واقعية )

**Matrixawy** · 22-08-2008 01:36 AM

لاحظت ان كثير من قائدى السيارات يجهلون ميكانيكا سيارتهم مما يعرضهم لمشاكل بالطريق و ايضا للنصب ممن يعرضون عليهم خدمة الاصلاح بالطريق و من بعض الميكانيكية عديمى الضمير
لذلك سوف اعرض عليكم هذه التجربة

ان اول سيارة امتلكتها كانت 127و كان ذلك منذ 20 سنة و كنت اعانى من التوكيل فى ذلك الوقت و هى شركة النصر و ايضا من الصنيعية خارج التوكيل

مما دفعنى لاصلاح اشياء كثيرة بهذه السيارة بنفسى
و لانى اعشق الميكانيكا و الكهرباء فلم اجد صعوبة و خاصة مع توفر العدة الجيدة و جراج خاص بى اتاح لى ذلك بحرية

و اول شى بدأت به تغير البوجيهات و الباقى كالتالى
ظبط التاكيهات
تغير ابلاتين و كوندنسر
تغير رمان بلى دينموا
تغير جلب مارش
تغير تيل فرامل و طنابير
تغير جوان وش السلندر
تغير ديسك و اسطوانة دبرياج
تغير الكبالن بل اننى ابتكرت طريقة سريعة لتغير كاوتشة الكوبلن فى عشر دقائق فقط غير التى يتبعها المكانيكية
لمن يحتاجها من اصحاب ال 127 و 128

و وصل بى الامر الى تغير العفشة ايضا بنفسى
لهذا كنت احب هذه السيارة كثيرا لبساطتها

و تم تغير السيارة بى 132
و قمت بنفس الاشياء ايضا

ثم بعد ذلك بتيوتا كرسيدا مستعملة
و استطعت ايضا ان استغنى عن الميكانيكى الا فى العمرة فقط

بالنسبة للماتريكس حاليا وجدت ان هناك اشياء بالامكان اصلاحها بنفسى ايضا

مثل تغير البوجيهات
الفلاتر
السيور
اصلاح الدينمو و المارش
تيل فرامل و تغير طنابير
تغير اسطوانة الدبرياج
تغير الكبالن

اما بالنسبة للانجكشن و الحساسات فلا مفر من التوكيل

و من خلال تجربتى وجدت ان الميكانيكى ليس بافضل من قائد السيارة الا فى الخبرة و الاحتكاك بالاعطال فقط و كثيرا منهم يصلحون العطل و يفسدون شىء اخر فى طريقهم حتى ذلك يحدث فى التوكيلات ايضا

ان الامر يحتاج منا الى بعض الجرائة و تشغيل العقل و ايضا عدة محترمة و المام جيد بميكانيكة السيارة

و حتى ان كنت باشا و ترفض ان تمد يديك فى السيارة فيجب على الاقل ان تفهم كيف تسير سيارتك و كيف تعمل الميكانيكة الخاصة بها

حتى لا ينصب عليك احد فى اصلاحها و ايضا حتى تستطيع قيادتها بشكل افضل و تشعر بها جيدا و تعرف متى تذهب لاصلاحها فى الوقت المناسب

ان هناك اشياء هامة جدا و بسيطة فى نفس الوقت
يجب ان يلم بها كل قائد سيارة حتى ينقذ نفسه من اعطال الطريق المفاجئة

مثل انقطاع سير الدينمو
انقطاع سلك الدبرياج او تسرب الزيت منه فى السيارات الحديثة
او تسرب الماء المفاجىء من الريداتير
او عدم دوران المحرك المفاجىء

ان هذه الاعطال الشائعة و قد تتسبب فى توقفك بالطريق على امل ان ينقذك احد او تترك السيارة لتبحث عن ميكانيكى

و سوف نناقش هذه الاعطال الشائعة و التى من الممكن اصلاحها بنفسك اذا تعرضت لها بالطريق

و سأحاول بقدر الامكان تبسيط اصلاح هذه الاشياء لمن لا يعرفها

و اتذكر واقعة حدثت لصديق اثناء الكلية انه بدلا من ان يضع الماء فى قربة الماء بسيارته فتح علبة زيت الفرامل و ملائها بالماء بسبب جهله التام بسيارته و لاشك انه دفع ثمن جهله كثيرا

لذلك اتمنى الا نصل الى هذه المرحلة السيئة فى التعامل مع شىء هام و اساسى فى حياتنا و هو السيارة

و قبل ان ابدأ فى تبسيط اصلاح الاعطال الطارئة

اريد ان اعرف الى اى مدى وصل اعضاء المنتدى فى اصلاح سيارتهم و ما هى العوائق التى تقابلهم ؟

**pointer** · 22-08-2008 03:10 AM

الحمد لله بعمل معظم الحجات في العربيه لا اذا كانت كبيره وشغل بهدله فبريح دماغي واجيب الميكانيكي واقعد اطلع في عينه خلي بالك واعمل وسوي
واشتركت في عمره سياره رينو 5 من الالف الي الياء بس مش بتاعتي فكنت بشارك في الموضوع
كتير من الصنيعيه سابوا الشعل بسببي اقعد معاهم وبعد كده اكون المعلم بتاعهم بلا فخر نجار كهربائي مكانيكي كهربائي سيارات دوكو سمكره اي صنيعي من كترهم مش فاكر بس بيسيبوا الشغل او ما بيهوبوش ناحيه البيت تاني وكل ده والحمد لله بعرفه اذا ما كنتش عملته بايدي
بنا محاره كله الحمد لله ان الواحد بيفهم والحمد لله للي ما بيفهمش اكتر مريح دماغه

**Ghamrawy** · 22-08-2008 04:07 PM

الحمد لله غيرت قبل كده مساعدين و را و قدام و تيل فرامل و بوجيهات فى لانسر 98 و ردياتير و اسكترا و كاوتش كوبلن داخلى و صليبة كردان و موبينة مارش و كاوتش استبليزر امامى فى ماروتى
عملية ممتعة بس بهدلة جامدة و طبعا كله على الرصيف بتاع الميكانيكى علشان العدة

**Abo_Lina** · 22-08-2008 04:19 PM

بصراحة ولا الهوا ..للاسف
هيا لو عربية جديدة مش هاتفرق لان اعطالها معدومة ولو حصل يبقى مش مفروض لا انتا و لا الميكانيكي حتى

**MoToRiZeR** · 22-08-2008 04:39 PM

ولاااااااااااااااااا الدموع
يعني ممكن تقول بغير السي دي من الكاسيت اما ازهق منه

**mazen86** · 22-08-2008 07:20 PM

اخري ابص علي المية والزيت

وبعرف شوية كهربا بس مش اوي كمان انا اعرف العيب بس معرفش اصلحه

**mohamed ibiza** · 22-08-2008 07:26 PM

الكلام ده في الابيزا مش ال 280
1-زيت موتور بالفلتر
2-فك و تركيب موبينا بالمشط و الاسبراتير و تغيير شاكوش اسبراتير
3-فك و تركيب العمة و تنضيف الكربراتير و ظبط اوتوماتيك التسخين و اعلي و اوطي العربية
4-تغيير فوانيس و لمبات ادام و ورا
5-فك و تركيب الوش الامامي بالكامل
6-تغيير تيل فرامل امامي
7-تغيير بوجيهات و فلاتر(زيت-بنزين-هواء)غسل الموتور بالجاز
8-تغيير بلي عجل امامي و خلفي
9-تغيير بيض و جلب مقصات

**dr_3eshoo** · 22-08-2008 10:14 PM

و الله انا افهم اه امد ايدي لا
و سعات كنت بتفوق على الميكانيكي في تشخيص الاعراض و الاسباب
و اصحابي لما بيبقى فيه مشكله بيندهولي اقف على ايد الميكانيكي انما امد ايدي ده مستحيل انه يحصل في يوم من الايام لعده اسباب
اولا انا من النوع القلوق جدا يعني مش بحب امد ايدي في حته انا مش شايفها
ثانيا بخاف جدا من اي شئ متحرك دانا بخاف افتح الكبوت و العربيه دايره حتى لو بزود ميه ابطل العربيه افتح الكبوت ادور العربيه تاني و ازودها
بس مع زالك الميكانيكيه بيكرهوني و بيكره اليوم الي عربيتي بتعوز حاجه لاني ببقى قاعد على قلبهم و انزل تحت العربيه و اقوله فك دي لا قرط على دي غير دي ماتتغباش و تعمل دي بطلع بوزهم
على فكره زمانتكم بتقولوا الواد ده مريض نفسي :_)

**AHMEDCAR** · 23-08-2008 12:40 AM

فك ماتور بالكامل ل 128 حته حته

**د-احمد عبد اللطيف** · 23-08-2008 12:53 AM

بفضل الله قمت بالتالي في سياراتي وسيارات اصدقاء
دينامو
مازدا 626 2000
تيل فرامل
تويوتا كامري
تويوتا سيينا
دودج جراند كارافان
مساعدين
تويوتا كامري

تغيير زيت جيربوكس
تويوتا كامري
مازدا 626

تغيير ايرباج (وساده هوائيه) بعد حوادث وقانا الله واياكم شرها
نيسان التيما
متسوبيشي ميراج
تركيب اكصدام
سوبارو امبريزا
متسوبيشي ميراج

تغيير حساس سرعة
دودج جراند كارافان
نيسان سني
طبعا تركيب كاسيت و انوار واصلاح كشافات و تركيب ماكينات زجاج و خلافه
اصل انا غاوي عربيات

مشاهدة نتائج الإستطلاع: هل تستطيع اصلاح اعطال سيارتك بنفسك ؟؟

الموضوع: ما هو اقصى شىء تستطيع اصلاحه فى سيارتك ؟؟( تجربة واقعية )

LinkBack

أدوات الموضوع

عرض

-

-

-

-

-

المواضيع المتشابهه

ماذا تفعل اذا صدمتك سيارة اخرى اثناء قيادة سيارتك ( تجربة واقعية )

وجبة السوش و لا غزاء للمفلسين - تجربة واقعية

امسك .... حررررررررامي ( تجربة واقعية ... للعبرة والتعلم )

ماذا تفعل اذا ركنت سيارتك بمكان و اقفلت عليك سيارة اخرى ( تجربة واقعية )

الكلمات الدلالية لهذا الموضوع

المفضلات

المفضلات

ضوابط المشاركة