الموضوع: صدق او لاتصدق ... سعر تيل الفرامل الدودج رام ارخص من سعرهم فى البروتون سا

المشاركة الأصلية كتبت بواسطة gexo

على فكره حضرتك فهمتني غلط خاالص انا مش زعلان ولا متضايق ول احاجه..والعربيات اذواق يا باشا وبعدين اي حد بيشتري اي عربيه لازم يكون عارف عيوبها ومميزاتها من قبل ما يفكر فيها حتى...دي وجهة نظري...وبعدين حضرتك الدودج الرام دي جرب مثلا يحصل فيها مشكلة اكبر من تيل الفرامل وشوف هيدفع كام...وانا بعتذر لحضرتك لو فكرت ان كلامي فيه اساءه او نرفزه عليك او على اي حد

ولا يهمك كلنا اخوات :) وربنا يباركلك ف عربيتك

المشاركة الأصلية كتبت بواسطة al-farooq

ولما قولتها ايه اللى حصل ؟!! مبروك قسم بروتون حقق لك حلمك!!

الحمدلله احنا ملاكها ومش بنلعنها ومش كارهين عشيتنا بسببها ولا حاجة ، بالعكس احنا حاسين بالنعمة اللى احنا فيها الحمدلله ، وربنا يخليلك العربية اللى معاك اللى محبباك فى عيشتك!!




حد قالك ان قطع غيار بروتون عند البقال ولا عند الخضري زي عربيات تانية ؟!!
إحنا قبل ما نشتري عربيتنا عارفين قصة ان التوكيل سئ ، بس العربية نفسها احسن من عربيات خردة ماشية على اربع عجلات فى السوق ، ولو موضوع قطع الغيار هو الفيصل معانا كان زمان الواحد اشتري صني ولا دايو يمشي بيها حاله زي ما باقي الناس بتفكر
وعلى العموم العربية لها بدائل خارج الضمان ارخص بكثير من التوكيل عز العرب.

بالمناسبة نظام الفرامل عندنا بوش ، و التيل الاصلي بوش عندي ب 1500 تقريبا بالمناسبة ، لو اشتريته الضمان هيكون 60 الف او 3 سنين على الطنابير ، عندي بدائل بوش بس صناعة مختلفة ب 350 تقريبا وبضمان مركز معتمد ، ، وفى اتيال تانية فى التوكيل ثمنها اقل من كدة بكثير بس غير بوش و بيخلي الضمان 10 آلالف كيلو بس على الطنابير ، وفى بدائل لما الواحد يخرج من الضمان مع فيات يبقي ثمن التيل من 100- 150 تقريبا .

وبالمناسبة تيل الساجا بيقعد 40 الف كيلو لو نوع القيادة هادي غير رياضي ، معرفش تيل الدودج بيتغير على كام ، بس ممكن الدوج فى فترة ال40 الف بتاعه الساجا دي تغير التيل مرتين لو علي كل 20 الف ، المهم سعر تيل الدودج على نفس فترة استخدام الساجا ممكن يكون ضعف او ثلاث اضعاف - دة مش شرط على العموم لأن دة بيعتمد على نوع التيل اللى بيستخدموه مع دودج رام ولكن جدلا - السعر المذكور اعلاه فى الموضوع.

واتمتع بعربيتك فهي من ماركات غير ملعونة مثل بروتون وبالهناء والشفاء.

ياباشا لا خضرى ولا حاجه...ولو فكرت شويه هتلاقى ان قطع غيار عربيتك لما تبقى عند خضرى يبقى كويس وتبقى ميزه طبعا....انا بكلمك فى نقطه انك لما تبص على قطع غيار الصنى مثلا..عمرك ماهتلاقى تيل ب1500 مثلا...النقطه اللى عايز اوصلها لحضرتك ان دة عيب توكيل مش عيب فى عربيتك يا فندم :)..يعنى عربيه زى الساجا بالفئه السعريه دى...ليه اسعار قطع غيارها توصل لكده ؟؟؟؟ ... دى الفكره

المشاركة الأصلية كتبت بواسطة mido_soliman

-11111111111111111111111111111111111

ههههههههههههههه اية يباشا مالك اية اللى حصل للحرقة دى !!!!!
لا دة البروتون عاملة عمايلها مع ناس كتير اوى كدة لية هههههههههه
لية حسستنى وحسست القسم كلة انك بايت فى عزالعرب من المشاكل وانك معاك بروتون ومغلباك الغلب دة كلة ؟
حد قالك ان ملاكها زعلانين منها او ندمانين لا سمح الله ؟
طب حد جة اشتكالك وقالك والنبى خدلنا بتارنا من الشركة دى :)
انت بتعمم لية طيب على بروتون كلها ؟ هوة كل البروتون مزعلك حتى الويرا ؟؟؟ طب دى حتى ميتسوبيشى وحاجة اخر الاجة :)
طالما الناس القديمة فى القسم واللى حافظة العربية وقطع غيارها وكل بدايلها متكلموش يبقى الموضوع مش مهم خالص لان اذا كان صاحب الموضوع ميعرفش بدايل التيل فدى مش مشكلتنا بس مش معنى كدة ان كل ملاك بروتون بيشتروا التيل الاصلى اللى بمليون جنية دة :) وحتى لو فى ناس بتشترية فعادى بياخد بية ضمان طنابير لحد 100 الف كيلو يعنى بردة مش بيدفع فلوس فى تيل بس لو حسبتها الطنابير لوحدها ب 1700 جنية الاصلية يعنى الراجل دافع 1500 جنية فى تيل المانى اصلى بوش وطنابير ماليزى اصلى اية المشكلة فى كدة مش عارف ؟؟؟؟
ولو مش حتشترى الاصلى عندك البدايل لا حصر لها ومن اول 120 جنية الهالتكس الصينى لحد 350 جنية البوش الايطالى
دة انا بتكلم على التيل بس على فكرة مقلتش حاجة تانية ولا بدايل تانية :)
اية اللى حصل لدة كلة يخليك تدخل وشايل فى قلبك وساكت ونفسك تطلعها والكلام اللى يحسسنا بلا منطقية اصلا على اعتبار ان العربية مش معاك من الاساس :(
لقد جانبك الصواب فى تعليقك بصراحة وبالنسبالى شخصيا مش مقبول ان تعليق زى دة يتقال فى القسم عندنا بدون سبب اصلا وبالطريقة الفجة دى
كنت ناوى اعمل تقرير مشاركة سيئة لانك سبيت شركة محترمة ومسلمة وبتصنع وبتنتج واى مصرى يتمنى نبقى ربعها فى اللى وصلتلة بس اثرت انك تطلب بنفسك من الادارة تحذف مشاركتك احتراما لاعضاء القسم وملاك سيارات الشركة المحترمة والمجتهدة دى

بص يا ميدو...انت باين عليك الغضب والنرفزه وابتدى الاسلوب يبقى مش كويس وابتدى يدخل ف حوار (حد قالك..ايه الى حرقك... وانت مالك..وشايل ف قلبك) وحجات كده

عموما يافندم اسعار قطع الغيار 100 100 ومفيش اى مشاكل من اى نوع...ولا ليا اصحاب معاهم بروتون ولا اعرف اى حاجه ف اى حاجه

تحياتى