تقرير مبدئى لبيجو 301 بعد إستلامى

**mohjarr** · 30-05-2013 12:16 PM

المشاركة الأصلية كتبت بواسطة waleedelpiloot

هيه باور كهربا ولا زيت زى السيراتو؟؟
السبورت مود زى قوة السيراتو ولا اكتر ولا اقل؟؟

الباور كهرباء و السبورت مود قمت بتجربته مرة واحدة و كان أقوى من السيراتو فعلاً

**mohjarr** · 30-05-2013 12:18 PM

المشاركة الأصلية كتبت بواسطة محمد مطاوع

الف مبروك لحضرتك، ربنا يباركلك فيها.
حضرتك جربت سواقتها على سرعات عالية ?? كان ايه أخبار الثبات ساعتها ?? و ايه مدى تأثير التيكيف على السحب??

لم أتعدى ال 140 و الثبات كان أكثر من ممتاز و لم أجد تأثير يذكر مع التكييف.

**mohjarr** · 30-05-2013 12:30 PM

المشاركة الأصلية كتبت بواسطة horas3000

معلش يا باشا
ممكن اعرف الفرق بين العاديه و الهاي لاين

بالإضافة الى الكاسيت و شاشة عرض البيانات

**zooma2009** · 30-05-2013 12:34 PM

المشاركة الأصلية كتبت بواسطة mohjarr

بالإضافة الى الكاسيت و شاشة عرض البيانات

ايه الاخبار معاك ... يارب تكون مبسوط بالعربيه .... يا تري ايه الاخبار .... مستنين تقريرك المفصل عن العربيه

ومعلش بس طمني علي نعومه العربيه فالطرق المكسره .... زي التويوتا كده ولا ناشفه زي السيراتو؟؟

وشكرررا

**mohjarr** · 30-05-2013 12:48 PM

المشاركة الأصلية كتبت بواسطة bebo382

ممكن اعرف استهلاك البنزين اخباره اييه مع حضرتك ؟

سأقوم بالإجابة عليك فى التفويلة القادمة إن شاء الله

**mohjarr** · 30-05-2013 01:17 PM

المشاركة الأصلية كتبت بواسطة kaboka90

اولا : الف الف مبروك على العربية وربنا يحفظها ليك يارب

ثانيا : العربية انا متابعها من فترة وبصراحة احسن عربية فى الفئة السعرية دى وإن شاء الله ناوى اشترية
بس انا عايز اعرف حبت حاجات عشان انا معايا سيراتو و بصراحة ندمت انى جبت العربية دى ومش عايز اغلط الغلطة دى
تانى كنت عايز اعرف الثبات والثبات لحد كام والعفشة وخصوصا العفشة زى السيراتو كدة ولا فى النقر والمطبات الهواء وهل مريح فى الركوبة ك مجمل و لا ام الباقى كلة كماليات حسب السعر انا عارف وشكرا جدا

أنا كان معايا سيراتو 2011 أعلى فئة أيضاً و بعتها علشان العافشة كانت ناشفة جداً على الرغم من قوة الماتور فى السيراتو عن سيارات أخرى و لكن بعد تجربتى مع البيجو وجدت فارق شاسع فى العفشة عن السيراتو و مع الثبات الموجود و جودة الفرامل تعطيك إحساس بالأمان فى السرعات العالية

**horas3000** · 30-05-2013 01:49 PM

المشاركة الأصلية كتبت بواسطة saint2011

أنا رأيى يا جماعة الناس أللى عايزه العربية تحجزها أفضل وبلاش over price وكمان فرصة تكون العربية مشيت فى شوارعنا وأتجربت ونعرف المميزات والعيوب وبلاش أستعجال ومنديش التجار فرصة تعمل شغل على الناس وأيضا فرصة للتوكيل يرفع الأسعار لما يشوف الناس بتشترى بأوفر برايس عادى

مهو يا زعيم التوكيلات بتستهبل و مدد الحجز طويله و مفيش اي ضمان علي ثبات سعر العربية
يعني بالعقل تدفع over price و تستلم فوري و لا تحجز و بعد شهرين تلاته تدفع نفس المبلغ تقريبا عشان تستلم

المشاركة الأصلية كتبت بواسطة Muahmmad Honda

و معلش اسمحولى ..

الناس معاها فلوس تجرى على العربية و تشتريها و بالحجز و بالخناق !!

دة ولا طابور العيش !! و عمالين يتكلموا عن المرتبات و البطالة و مش عارف ايه !!! يا عم بلا خيبة بلد ماشية عكس بعضها !!

للعلم : انا مش بحسد والله و ربنا يزيدهم و يزيدنا جميعا ان شاء الله .. بس هى الفكرة عن تهافت الناس عليها كدة و اقبالهم و حجزها !! حاجة غريبة جدا

نفس الموضوع فى كيا كارينز .. اقل فئة ب 180 الف ؟! اعلى فئة ب 220 الف ؟! اشترى كارينز مع احترامى لمالكها ب 220 الف !!! هيخلونى اشتم و الادارة تفصلنى والله ..

تحياتى :)

طب و دي غلطة الناس و لا التجار
يعني الواحد يبقي ربنا كارمة و معاه تمن الحاجة و ميروحش يشتريها
و يستني لغايه لما الحاجه تغلي و الفلوس اللي معاه متكفيش
للاسف المنظومة كلها غلط

المشاركة الأصلية كتبت بواسطة mohjarr

بالإضافة الى الكاسيت و شاشة عرض البيانات

تسلم يا باشا و ربنا يبارك لك
انا عرفت كل حاجه لما رحت و اتفرجت عليها في التوكيل

**aboamina** · 30-05-2013 11:53 PM

المشاركة الأصلية كتبت بواسطة mohjarr

أنا كان معايا سيراتو 2011 أعلى فئة أيضاً و بعتها علشان العافشة كانت ناشفة جداً على الرغم من قوة الماتور فى السيراتو عن سيارات أخرى و لكن بعد تجربتى مع البيجو وجدت فارق شاسع فى العفشة عن السيراتو و مع الثبات الموجود و جودة الفرامل تعطيك إحساس بالأمان فى السرعات العالية

طب سؤال لولبي اخير لوسمحت : عزل السيراتو افضل وللا عزل ال301؟
اكيد احنا تعبناك من كتر الاسئلة بس قدرك ان انت اول واحد في المنتدى يستلم وبقيت مرجعنا الوحيد...ربنا يباركلك في العربية ويعينك على كتر اسئلتنا

**mohjarr** · 31-05-2013 01:48 AM

المشاركة الأصلية كتبت بواسطة aboamina

طب سؤال لولبي اخير لوسمحت : عزل السيراتو افضل وللا عزل ال301؟
اكيد احنا تعبناك من كتر الاسئلة بس قدرك ان انت اول واحد في المنتدى يستلم وبقيت مرجعنا الوحيد...ربنا يباركلك في العربية ويعينك على كتر اسئلتنا

بالنسبه لصوت الموتور عزل السيراتو افضل حيث يوجد عازل لغطاء الموتور ولكن صوت الموتور فى البيجو غير عالى ايضا بدون عزل إذا لم تضغط عليه .
بالنسبه للسيراتو كان صوت احتكاك الكاوتش بالأرض عالى و مسموع مع الجنوط ال 17 وفى البيجو غير مسموع مع الجنوط ال 16 والكاوتش الميشلان