تقرير مبدئى لبيجو 301 بعد إستلامى

**saint2011** · 27-05-2013 03:36 PM

ألف مبرووووووك يا باشا ربنا يباركلك فيها ويديك خيرها ويكفيك شرها وياريت تدبحلها أو تطلع حاجة لله شكرا لله على فضله عليك وفى أنتظار تقرير تفصيلى عن السيارة

**mohjarr** · 27-05-2013 03:39 PM

المشاركة الأصلية كتبت بواسطة horas3000

اسف مشاركة مكرره
و مبروك مره تانيه

و بعد اذنك خلصتها علي كام
و في عندهم تاني و لا خلصت

خلصت على 138.000 و للأسف الدفعة نفذت بالكامل و يوجد حجوزات ل 42 عربية ده إللى ذكره لى مندوب المعرض بعد رغبه إثنين من أقربائى فى شرائها.

**mohjarr** · 27-05-2013 03:43 PM

المشاركة الأصلية كتبت بواسطة aboamina

الف مبروك .... حابب اسألك عن العزل يعني صوت الموتور مسموع قوي زي ما في ناس بتقول ولا طبيعي؟

صوت الموتور ليس عالياً لهذه الدرجة و معظم الناس التى تكلمت عن الموتور جربت السيارة داخل معارض و السيارة بارده . و على فكرة بعد تغيير الزيت لأول مرة سيهدى أكثر من ذلك. الصوت الذى لاحظتة عالى هو عند تشغيل التكييف على ماكس حتى تصل لدرجة الحرارة المطلوبة و هو ليس مزعج داخل السيارة و لكنه مسموع من الخارج.

**horas3000** · 27-05-2013 03:44 PM

المشاركة الأصلية كتبت بواسطة mohjarr

خلصت على 138.000 و للأسف الدفعة نفذت بالكامل و يوجد حجوزات ل 42 عربية ده إللى ذكره لى مندوب المعرض بعد رغبه إثنين من أقربائى فى شرائها.

شكرا يا زعيم
و كما توقعت
الضغط عليها شديد و سعرها هيعلي

**mohjarr** · 27-05-2013 03:50 PM

المشاركة الأصلية كتبت بواسطة mamado405

ربنا يعطيك خيرعا و يكفيك شرها.فى انتظار تقرير مفصل من حضرتك لان الفتى فى العربيه دى للركب وياريتهم اشتروها او جربوها.مليون مبروك مره تانيه

مجرد رأى...الفتى فى العربية دى جاى من أن سعر العربية أكثر من رائع بالنسبة لإمكانياتها مما سيضر الكثير من الماركات المغالى فى ثمنها و إذا أثبت أيا من توكيل بيجو و سيتروين أحقيتهم بثقة الناس ستتغير الكثير من الأسعار الموجودة هذه الأيام من كورى و يابانى و حتى صينى.

**mohjarr** · 27-05-2013 03:53 PM

المشاركة الأصلية كتبت بواسطة mezolove1984

ياريت ياجماعه نعمل رابطه لملاك 301

يا ريت إعتبرنى معاك بس نشوف الأول عددنا كام فى المنتدى.

**mohjarr** · 27-05-2013 03:57 PM

المشاركة الأصلية كتبت بواسطة esam_ayad

ألف مبروك يا باشا
وياريت تقولنا علي الأسعار بتاعت العربيه دي كام لكل الفئات ان أمكن

على ما أتذكر :
الفئة الأولى 107.000 مانوال
الفئة الثانية 123.000 أول فئة أتوماتيك
الفئة الثالثة 134.900 هاى لاين
طبعاً دى الأسعار الرسمية و ماحدش بيبيع بيها دلوقتى لو لقيتها عند أى حد. لما حاولت أحجز عند التوكيل أول لما شاهدت السيارة بالجرنال ذكر لى أن أول دفعه ستكون فى أول شهر 8 و ثانى دفعة أخر شهر 9