الموضوع: تجربتي في صيانة الألف كيلو مع أوتو ايجبت......خطأ فني وإدارة رائعة للأزمة

انا كده كده قفلت من اوتو ايجبت للاسف , العمال في التراوة و المهندسين مبيستلموش منهم و شغل سلق بيض عالي

المشاركة الأصلية كتبت بواسطة cheetos_892005

انا كده كده قفلت من اوتو ايجبت للاسف , العمال في التراوة و المهندسين مبيستلموش منهم و شغل سلق بيض عالي

أنا فعلا اللي لفت انتباهي ان المهندس اللي سلمني العربية اول يوم كان واضح انه مراجعش علي الشغل اللي حصل في العربية والدليل اللي حصلي في الزيت وكمان اكتشافي النهاردة ان مشكلة الترصيص زي مهي وشكلي هروح لأي مكان ارصص فيه وأمري الي الله

المشاركة الأصلية كتبت بواسطة karim_monir

مش بدافع عنهم لانها غلطة كبيرة فعلا ولازم يكون في مراجعه ورا الصنايعي
عايز اقولك ان في احد مراكز صيانة بي ام بعد ما غيرت التيل الخلفي ربطو عجلة خلفية بمسمارين بس من خمسة
وانا كل ما امشي احس العربية عايمة مني وبترقص ومجرد ما جبت بسرعه 60 كم حسيت العربية ضايعه هديت ووقفت وعشان ارجع كان مسافة كبيرة عشان الف
وعشان عربيتي ران فلات ومفيهاش حتي مفتاح صواميل للعجل اضطريت ارجعلهم
بس عايز اقولك لما مدير المكان شاف المووضوع نزل عقوبة مباشرة قدامي بخصم 3 ايام عمل للعامل واللي بيراجع وراه
عدم ربط فردة كاوتش يعني روح بني ادام تروح هو واللي هايخدة في وشه عربيات وبشر :-(

اصلها يا باشا مش هتفرق من بي ام من مرسيدس من رينو من سكودا من شفروليه من ميتسوبيشي من نيسان .....دول التوكيلات اللي اتعاملت معاها من خلال عربياتنا او قرايبي او اصحابي

الكل زفت و الكل شغل هواه ...مفيش احتراف ولا ضمير و نسبة الكدب و التحوير و اجبارك انك موهوم مش فاهم خارقة للطبيعة.

صاحبي شغال في منصور شيفروليه و راح اوبل ....مقدرش اقول عاللي بيحكهولي عشان فيها رفده.