الموضوع: مشكله كبيره فى الفتيس

السلام عليكم
معلش بقى لو هطول عليكو بس الموضوع ده معكنن عليه جدا
نخش فى الموضوع على طول
انا معايا فيكترا 2002 1600cc من فتره كده حوالى شهر كنت ماشى فى الدائرى وكنت مستعجل فكنت مشعل ال sport وبجرى وانا قليل لما بجرى واحرق عليها كده شويه المهم الطريق وقف كانت حته زحمه الى هى فوق النيل هى عاده بتبقى زحمه فوقفت وبعد كده العربيات اتدت تتحرك تانى فجيت امشى لقيت العربيه مبتسحبش صوت الموتوربيعلى اوى والار بى ام يبقى على 3.5 والعربيه ماشيه ببطىء شديد ومبتنقلش وادوس على زرار ال sport مبينورش فى التابلوه والزرار التانى الى جنبه بتاع العزم ده نفس النظام مبينورش مفيش اى استجابه لاى حاجه فكان معايا واحد صاحبى قالى اطفى العربيه وشغلها تانى من منطلق اى حاجه بايظه اعمل ريستارت ده مبدأ طبعا معظم الناس ماشيه بيه اطفى وشغل تبقى زى الفل وفعلا ده الى حصل طفيت ودورت تانى المشكله اتحلت والزراير اشتغلت وبقت تنور فى التابلوه ورجعت تمشى تمام اكن مفيش حاجه حصلت وانا فرحت وقلت اكيد كانت تهييسه وراحت لحالها مكملتش كتير وانا على الدائرى برضه لسه منزلتش منه اتكررت تانى نفس الحركه اكتر من مره وكل مره اطفى وادور تظبط وتانى يوم وانا رايح الشغل نفس النظام المهم قعدت كده يومين وبعدين رحت لصابر شرحتله المشكله قالى نكشف عليها بالجهاز وفى واحد عنده جه كشف عليها بالجهاز قالى انو مطلع ان النقلات مش مظبوطه بس كده وقال لصابر نفس الكلام وقالى عادة الفتيس مبيتصلحش وغالبا هتشترى فتيس طبعا كلمة تشترى فتيس دى كأبتنى وبعدين قالى صابر احنا هنكشف على حاجه حاجه نشوف الزيت الاول والحساسات ونشوف ايه المشكله كلمت انا صاحب العربيه الى قبلى هو كان عنده مشكله زيها اما كانت معاه العربيه هو عضو هنا فىالمنتدى راجل حترم جدا فقالى انها حصلت معاه وراح لواحد قالو يغير الفتيس وبعدين راح لصابر قالو زى مقالى كده ولقى فى حساس الفتيس الخارجى بايظ واشتراه وركبه والمشكله اتحلت فقلت انا لصابر الموضوع ده ان انت غيرتلها حساس قبل كده المهم بص على الزيت اول حاجه لقاه ناقص جدا هى بتاخد 4 كيلو هو لقى فيها نص كيلو فحطلى زيت جديد وقالى الحساسات سليمه مع انو مبصش عليها بس قالى هو كده المشكله كانت زيت ولو اتكررت تانى بعد الزيت الجديد يبقى هتغير الفتيس كلو ومشيتمن عندو وبدعى انها متتكررش تانى وفعلا متكررتش تانى فى نفس اليوم لكن تانى يوم اتكررت تانى نفس الحركه فانا حسيت انو بيريح دماغو لانو قالى هيكشف على حاجه حاجه ومعملش كده هو بص على الزيت بس فكلمت صاحب العربيه الى قبلى تانى واجع دماغو انا اتصالات بس الحمدلله هو محترم ومتقبل فقالى احسن حاجه انك تروح اوتو ماستر ده مركز صيانه معتمد وكويس يحددلك العيب منين ورحت اوتوماستر وكشفو عليها قالولى ان خرطوم الزيت الى واصل من الردياتير للفتيس مشقق وبينقط وممكن يعمل الحركه دى الى بتحصل معايا ولازم نغيره وبعدين لو اتكرت نكشف تانى هتكون دوره الفتيس مظبوطه وهنعرف العيب من ايه وو متكررتش يبق دى كانت المشكله وخلاص كده بس لقيت الخرطوم عندهم غالى كان ب 520 جنيه وتركيبه 200 جنيه ومشيت على كده ورحت الحرفيين باليل اشتريت خرطومين هو فيه اتنين من الردياتير للفتيس انا جبت الاتنين وكان اختيار صح لان التانى السليم او اما مسكته لقيتو اتشق هو كمان ب 300 جنيه وركبتهم ب 50 جنيه والمشكله اتحلت ومحصلتش تانى لحد النهرده حصلت نفس المشكله وانا رايح الشغل فركنت عند الشركه و وانا مروح بصيت على زيت الفيس لقيتو فى النص بالظبت فقلت ازوددو شويه زودتو وجيت اقيس تانى معرفتش اشوف كويس عشان كنت لسه حاطط الزيت فالمقياس فيه حته فيها زيت وحته لا ومشيت على كده وبعدين قلقت تانى لاحسن اكون زودتو ياده عن اللزوم مش عارف ده كده يبقى خطر ولا ايه وحصلت معايا نفس المشطله تانى وانا مروح وكانو قالولى لو عملت معاك كده امشى مانوال متمشيش اوتوماتيك عشان الفتيس ميتحرقش ورجعت الطريق كلو مانول لحد البيت .
دلوقتى انا مش عارف اعمل ايه اروح اوتو ماستر تانى يكشفو تانى بعد اما ركبت الخرطوم ولا اشترى حساس خارجى من نفسى كده واخلى حد يركبو ولا اعمل ايه مع العلم ان صابر خد منى 50 جنيه كشف بالجهاز و 50 جنيه مصنعيه والزيت ب 160 جنيه وكشف اوتو مستر ب 100 جنيه والخراطيم بتركيبها ب 350 جنيه وانا خايف افضل اصرف على الفتيس قد تمنو وبعدين يقولولى اغيره ومش عاوز اروح لصابر عشان هو عاوز يريح دماغو ويغير الفتيس.
لحوظه: فى اوتو مستر قالولى ان الجهاز مش مسجل اى كلتش فغالبا مش هيحتاج يتفك هو انا مش عارف يعنى ايه كلتش بس من الواضح ان الجهاز مش مسجل اى كلتش دى كده حاجه حلوه يعنى.
اسف على الاطاله وشكرا لسعة صدركم وياريت لو حد يفيدنى وانا مش عارف اصلا ينفع امشى بالعربيه كده كام يوم لحد اول الشهر ولا غلط.
وشكرا...........