ايه الفرق بين D و Ds فى الفتيس اللى ستبترونك فى البيجو 301

**zooma2009** · 28-05-2013 03:44 PM

المشاركة الأصلية كتبت بواسطة mezolove1984

شكرا ياشباب على الردود

طب هو ممكن انقل من D الى Ds وانا ماشى ولا قبل ما اطلع بالعربيه احدد انا عايز اسوق على انهى واحد

يا باشا اللي اعرفه ان ال 301 فيها زرار اسمه s اللي هوا سبورت درايف ... يعني مش نقله هوا زرار ... ياريت توضحلنا هيا فيها نقله كمان اسمها ds???

**mezolove1984** · 28-05-2013 04:02 PM

هو زرار فعلا ومكتوب عليه S وفيه زرار تانى Snow drive انا كان قصدى انى ادوس على زرار Ds وانا ماشى ولا لازم قبل ماتحرك بالعربيه

**zooma2009** · 28-05-2013 04:25 PM

المشاركة الأصلية كتبت بواسطة mezolove1984

هو زرار فعلا ومكتوب عليه s وفيه زرار تانى snow drive انا كان قصدى انى ادوس على زرار ds وانا ماشى ولا لازم قبل ماتحرك بالعربيه

لأ عادي ممكن تدوسه في اي وقت وربنا يباركلك فيها .... هوا صوت الموتور فعلا عالي ؟؟؟

**freedom_2010** · 28-05-2013 07:35 PM

الف مبروك

**Moh.El Saady** · 28-05-2013 07:43 PM

المشاركة الأصلية كتبت بواسطة mezolove1984

هو زرار فعلا ومكتوب عليه S وفيه زرار تانى Snow drive انا كان قصدى انى ادوس على زرار Ds وانا ماشى ولا لازم قبل ماتحرك بالعربيه

اعتقد ان ال DS هنا مقصود بيها ال Over Drive وممكن طبعا تنقل عليه وانت ماشي عادي والمفروض انك بستخدمه لو اتزنقت على الطريق وحابب تعدي من عربية تانية بسرعة ولا حاجة

**Unendlich** · 28-05-2013 09:18 PM

هو طبعا الأسهل لك إنك تشوفها في الكتالوج تفاديا للفتي (اللي احنا كمصريين مش مشهورين بيه إطلاقا )
و ده من كتالوج ال 308 شارحلك كل زرار بيعمل إيه
و انقل بينهم عادي و أنت ماشي
أهم حاجة متعكسش اتجاه الحركة, يعني متبقاش العربية بترجع لورا مثلا تقوم جايب D من غير ما توقفها (هو الكلام يبان بديهي لكن بشوف الخطأ ده كتير بالذات من صنف السواقين عشان مش بيبقى قلبه على العربية)

**Ahmed Amin** · 29-05-2013 07:44 PM

المشاركة الأصلية كتبت بواسطة Moh.El Saady

اعتقد ان ال DS هنا مقصود بيها ال Over Drive وممكن طبعا تنقل عليه وانت ماشي عادي والمفروض انك بستخدمه لو اتزنقت على الطريق وحابب تعدي من عربية تانية بسرعة ولا حاجة

البيجو مفهاش نظام أوفر درايف Over Drive زي الياباني.
ولا فتيس اوتوماتيك بزرار.
العربية بتنزل بفتيس أوتوماتيك تيب-ترونيك سيستم بورش.
بتضغط علي الفرامل لو العربية عال باركنج P عشان تحرك العصاية ومفيش زرار فيها.
وممكن تبطلها وتشيل منها المفتاح عاطي وهيا عال N. علي عكس بعض العربيات الياباني لازم تحطها عال P.
وكل حركات العصاية من R N D والعكس D N R بدون زرار. ضغطة فرامل بس. وممكن متضغطش بس يفضل تضغط.!

وفي ال D ممكن تختار نظام المانيوال ليه حارة جانبية لوحدها عال شمال عشان تتحكم في نقل الغيارات. اللي بورش مسمياه Tip-Tronic

وأخر حاجة ان فيه نظامين للمشي علي ال D. غير وضع السواقة العادي.
النظام الأول ال Sport لو ضغط علي زرار ال S بيأخر وقت النقلات والعربية بتنقل علي RPM عالي عشان تديك أداء وسحب أعلي.
والنظام التاني وضع الجليد لو ضغطت علي زرار النجمة * بيعمل Skip للغيار الأول ويتجاهلة تماماً أكنه مش موجود. وبيبدأ من الغيار التاني ثم التالت وهكذا. ولما بتهدي وتقف تاني بينزل لحد التاني برضه, ومبياخدش الأول أبداً زي الوضع الطبيعي.

عشان الغيار الاول عزمة عالي لو طلعت بيه علي ارض زلقة او حتي اسفلت عليه شوية رمل او حتي ناشف. العربية هتفرك عال أرض Wheels Spin. زي ما بيحصل في اي عربية تطلع بيها عال أول وتدوس بنزين جامد
وفي اوروبا وعال مية او الجليد دا هيخلي العربية تفقد تماسكها بالارض وتروح يمين او شمال.
ولما بتيجي تدوس فرامل وانت علي الرابع بيعمل معاك Engine Break تسقيط غيارات علي كل الغيارات التانزلية عشان يساعد العربية علي التماسك اكتر في حالة الجليد عن الضغط علي زوادة الفرامل لوحدها. علي عكس الوضع العادي D بيعتمد علي الفرامل بس.

**Ahmed Amin** · 29-05-2013 07:45 PM

المشاركة الأصلية كتبت بواسطة mezolove1984

هو زرار فعلا ومكتوب عليه s وفيه زرار تانى snow drive انا كان قصدى انى ادوس على زرار ds وانا ماشى ولا لازم قبل ماتحرك بالعربيه

ممكن تختار اي وضع فيهم وانت ماشي او وانت واقف.
وممكن تغير ما بينهم وانا ماشي بالعربية او وانت واقف عادي.
مفيش أي ضرر هيحصل. كلها أنماط سواقة علي حسب ظروفا الطريق.