الموضوع: صوت ونة مجنني في الأوكتافيا

المشاركة الأصلية كتبت بواسطة yousseframsis

هل حاسس أن الصوت من الموتور ولا من العفشه
لو من الموتور وخصوصا بدا من الغيار التالت والرابع من غير شد اعتقد ده ممكن يكون بليه شداد سير الدينامو ولا تأثير لها على الأداء ويتم تغيرها كل ٦٠٠٠٠ كيلو

مبروك لصاحب الموضوع حل المشكلة - واسمحولي أستكمل مع التعليق الي فوق ده
معايا لوجان اوتوماتيك - وحسيت بعد فترة بصوت النحرة ده

صوت بيظهر فعلا على التالت والرابع - ويوضح اكتر لما ارفع رجلي من على البنزين ويبقى الماتور بيلف لوحده من سرعة العربية

والأغرب ان على أي سرعة - مجرد ما أجيب الفتيس n على المور - الصوت يختفي - يعني لازم أكون معشق وفوق 60 يعني تالت ورابع - قولتلهم عليها في صيانة 10 وللاسف رد ستاندرد - تربيطات وخلصناها - والصوت لا يزال في جيبي .. !!!

المشاركة الأصلية كتبت بواسطة karim ibiza

طيب لو انت واقف على الـ n ودوست بنزين بنفس مقدار الدوسة وانت ماشى لما الصوت بيطلع, هل فيه صوت؟؟

لو فيه صوت يبقى فعلا بلية شداد
لو مفيش صوت يبقى اكشف على زيت الفتيس

مممم انت قلقتني - لا الصوت بصراحة مش ببقى سامعه اطلاقا طالما مش معشق

حتى كنت دائما أشير انه لا من السرعة ولا من ضغطة البنزين ولفات الماتور - سرعة مع تعشيق اسمه الصوت - واسمعه اكتر لما العجل يبقى هو الي بيلف الماتور لما ارفع رجلي من على البنزين

المشاركة الأصلية كتبت بواسطة karim ibiza

ده صوت ونة زى صوت العربيات اللادا والميكروباصات وده ناتج عن احتكاك التروس ببعضعها بدون ما يكون فيه زيت لتبريدهم وتسهيل حركتهم
اكشف على زيت الفتيس

ان شاء الله بسيطة

الله ينور عليك - فعلا نفس ونة صوت ميكروباصات التويوتا لما ييجي يقرص جنبي - ربنا يسهل هاروحلهم الاحد اشوف ايه الحكاية - وشاكر جدا لمتابعة حضرتك

كشفت على الزيت في التوكيل - قالولي زيت الفيتس مش بيتكشف عليه في اللوجان - بيتغير بس ....؟؟؟

لكن هم كشفوا على العربية من تحت ومافيش تسريب زيت من جهة الفتيس - فماتقلققش ...؟؟

الكلام ده غريب - بس إيه العمل كده