السلام عليكم ورحمه الله وبركاته

انا عندي مشكلتين هيجنينوني ده طبعا غير المشكله الاساسيه وهي عشقي الغير محدود لعربيتي والسواقه .

انا عربيتي كرولا 97 مسقط عليها مكنه 4age 20V blacktop automatic بصراحه مكنه ممتازه جدا مع الرغم اني مهمل جدا جدا

المهم المشكله الاول والكبيره انا عندي حاجه في العربيه ومش عارف هيه ايه كل ما اجي اعدي سرعه ال 190 كم بتخلي العربيه تهدي اجباري اول مره افتكرت المكنه حصلها حاجه بس هي السرعه بس الي بتنزل اهدي انا كمان وبعدين اول ما اشد تاني تطير زي الفل لقيت الموضوع متكرر كتير جدا اول ما اوصل السرعه دي وبعد كده سالت عرفت ان في حاجه بتبقى في العربيات اليباني بتعمل حد للسرعه ولما رحت لمركز الصيانه الي ركبت فيه الماتور قالي وهو بيحاول يموه لخاجه انها راكب فيها جهاز بيعمل كده ويتشال ب 1200 ج طبعا سيبتني منوا وحبيت اسال الاول هو الكلام ده بجد ولازم ادفع ده كلو ولا ايه حل الموضوع ده يا ريت الافده في المشكله دي

وانما المشكله التانيه هي ان العربيه بتفصل لما اشغل التكيف في السلانسيه ولما اهدي جامد وانا ماشي انما طول ما انا واخد سرعه شغال زي الفل بصراحه مكسل اوديها مركز الصيانه وكمان مشغول بالامتحانات وديتها لبتاع التكيف قالي وديها للكهربائي والكهربائي وداني المكانيكي والمكانيكي قالي ارجع للكهربائي طبعا رجعت البيت نمت ونفظت

ياريت اصحاب الخبره يفيدوني واسف على التطويل وجزاكم الله كل خير والسلام عليكم ورحمه الله وبركاته