شكل تابلوه النيو اكسنت بتاعي مختلف ليييييه حد يفهمني ارجوكم !!!

انا في حاجه هتجنني قوي انا اشتريت عربيه نيو اكسنت مستعملله اوتوماتيك وهيه موديل 2011 ومكتوب في الرخصه بتاعتها موديل 2011 بس في حاجه غريبه برضه تاريخ تحرير الرخصه يوم 28 اكتوبر 2010 يعني اعتقد هيه من اوائل دفعه 2011 المهم انا عندي شكل التابلوه كالاتي علي اليمين عداد السرعه وعلي الشمال عداد الار بي ام وجواه مؤشر للحراره وجمب عداد السرعه مؤشر البنزين فيه واحد صاحبي بقي معاه برضه نيو اكسنت برضه 2011 اوتوماتيك والرخصه بتاعته طالعه في يونيو 2011 التابلوه عنده مختلف تماما اولا معندوش مؤشر للحراره هيه لمبه بتنور بس لو العربيه سخنت ومؤشر البنزين عنده في النص بين مؤشر السرعه والار بي ام واضائه التابلوه بيضاء انا عندي لونه مصفر شويه مع العلم ان انوار التكيف لونها ازرق عندي وعنده يعني اضواء التكييف في التابلوه مفهاش اختلاف نفسي اعرف ليه شكل التابلوه عنده غير عندي هل انا عربيتي مش موديل 2011 وهيه موديل 2010 بس اتعملت علي انها 2011 مع العلم اني شوفت عربيات نيو اكسنت موديل 2010 وبرضه مفهاش مؤشر للحرارة فيها لمبه بس بردو زي التابلوه الي عند صاحبي يعني مش الي عندي ولا ايه هتجنن مع العلم ان الشكل المنتشر اللي هوه بتاع صاحبي اللي هوه مؤشر البنزين في النص بين عداد السرعه والار بي ام ياريت الي عنده اي معلومه يفيدني بيها لاني مش فاهم حاجه ازاي عربيتين نفس الموديل والتبلوه يكون شكله مختلف كده ويا تري انهي الشكل الافضل للي يعرف الشكلين وشافهم قبل كده مستني من اي عضو يفيدني بسبب الاختلاف ده بالرغم من انها نفس الموديل وشكرا ليكم جدااااا
وعشان يبقي الموضوع واضح دي صورة لشكل التابلوه الي عندي بس طبعا عداد السرعه بالكيلو متر مش بالاميال زي الي في الصورة
http://img16.imageshack.us/img16/2497/accentse00128.jpg

ودي صورة لشكل التابلوه الي عند صاحبي وده الشكل المنتشر في كل موديلات النيو اكسنت اصلا
http://img593.imageshack.us/img593/6...8dfb8b0f9c.jpg

ياريت يا جماعه حد يفيدني باي حاجه ولو حتي توقع لسبب الاختلاف ده ايه ايه بقي العدادت الي عندي دي ده كان شكل نزل فتره ولا كان شكل قديم ولا ايه بالظبط ياريت اي رد من الاعضاء ممكن يفيدني

اولا هو فين مؤشر الحراره في الصوره رقم 2
لو مفيش يبقي ده كده مش طبيعي

اعتقد ممكن تكون عربيتك خليجى

اعتقد والله اعلم ان عربيتك مش مواصفات مصرية لان عداد السرعة ظاهر فيه السرعة بالميل زي كل العربية اللي بتيجي مستعملة من برة...على العموم شكل العدادات عندك احلى

ياباشا عربيتك دية مواصفات اوروبية لانهم اللى بيتعاملوا بالميل , لكن سواء الخليج او احنا بنتعامل بالكيلو متر

ومؤشر الحرارة عند صاحبك لمبة مافيش عداد , لاقدر الله لو حرارة المحرك ارتفعت هتنور احمر , وهنا لازم يقف فورا

ممكن يكون صاحب العربية غير العدادات لأي سبب .. مؤشر اتكسر .. ملف اتحرق .. باغة العدادات اتكسرت.

و جاب واحده استيراد .. و كانت مختلفة شويه.

اعتقد ان العداد حصل فية مشكلة باظ مثلا او حصله اى حاجة علشان كدة غيره بواحد استيراد
او الحاجة التانية ان هو غيره بعداد كليو متر قليل علشان يعرف يبعها

اقتباس:

---

المشاركة الأصلية كتبت بواسطة kar!m

ممكن يكون صاحب العربية غير العدادات لأي سبب .. مؤشر اتكسر .. ملف اتحرق .. باغة العدادات اتكسرت.

و جاب واحده استيراد .. و كانت مختلفة شويه.

---

+11111111

يا جماعه انا كاتب ان العداد عندي بالكيلو متر مش بالاميال زي الي في الصورة انا منزل الصورة دي من علي النت وملقتش غيرها لكن انا عندي بالكيلو متر عادي طيب لو انا عربيتي خليجي اتاكد ازاي من الموضوع ده !!! عشان موضوع انه غير عدادت التابلوه دي صعبه شويه ياريت حد يفيدني ولو اتصلت بخدمه عملاء هيونداي هيفيدوني بحاجه ولا في الضياااع

العربيه شكلها مش تبع غبور و شكل صاحبها الاصلى كان شاريها من بره مصر يعنى مواصفات مختلفه

بص على القايم بتاع باب السائق لو لاقيت استيكر المواصفات "مطابق لدول الخليج والمملكة العربية السعودية" يبقى عربيتك خليجي.

بص من الاخر هتلاقى رقم تعريف المركبة اللى هو ال vin code على قايم السواق تكتبه و بعدين تتدخل على الموقع ده و هو هيجيبلك كل المعلومات عنها و تاريج الصنع و نوعها و موديلها كمان

Hyundai VIN decoder - check VIN numbers for free

هيا عربيتك فيها abs و airbags ؟؟

لو فيها تبقى مواصفات اوروبية او امريكية

لو مفيهاش تبقى مغيرة عداد

عداداتك شكلها شيك جدا ماشاء الله

العربيه ببساطه مغيره عدادت ومش خليجى علشان شفت الاكسنت فى السعودية و هى هى بتاعتنا ,,,, وياريت لو تصور العربيه و التابلوه كامل علشان لو التابلوه مختلف يبقى العربيه مغيره تابلوه يا بااشا بس ممكن معلش اسألك سؤال بسيط هى عربيتك لونها فضى و شكلها من ورا فيها ضهر الاكسنت الاسبور زى ده ولا العادى ؟؟؟
و الطاره فيها ايرباج ولا لا !! قولى وانا هقولك الخلاصه

http://images.noticiasautomotivas.co...ransform-2.JPG

بصراحة كده احسن انت عدادك افضل

اسمحوا لي ان اتابع الموضوع لاحتمال شرائي عربه مماثلة

شكرا لكل اللي ردوا وشكرا لمهاب انا يا مهاب عربيتي لونها فضي اه وضهرها زي الاكسنت العادي مش الاسبور انا عارف ان الاسبور بيكون الشكمان بتاعها مستطيل زي اللي في الصورة كده انا عندي الشكمان عادي مدور والطاره مفهاش ايرباج ومعتقدش انها فيها abs ياريت يا باشا تقولي الخلاصه بقي زي ما وعدتني وشكرا لايمن برضه بس هوه فين قايم السواق ده بالظبط يا باشا معلش وعموما انا هصور العداد بتاعي والتابلوه بالكامل وهرفع الصور في الموضوع واعتقد فعلا انها مش خليجي لانها من ورا ملزوق اسم معرض عربيات اسمه اباظه يعني مجابه من مصر بس لو هيه فعلا مغيره عدادت دي حاجه وحشه وتقلل من تمن العربيه مع العلم ان العربيه حالتها كويسه جدا الصراحه وكانها كسر زيرو والعداد كان عامل 55 الف وانا جايبها علي 77 الف وهوه مفيش احتمال تاني غير انها تكون مغيره عدادات يعني مفيش احتمال تاني انها تكون نازله بالعدادات دي ياريت تطمنوني لاني بجد بدأت اقلق قوي من موضوع مغيره عدادت دي وانا هصورها وارفع الصور في اقرب وقت

قايم السواق لما تفتح باب السواق على حرف الباب الداخلى فى التلت الاخير من الباب هتلاقى زى لوحة معدنية فيها رقم مكون من 17 رقم تقريبا هو ده رقم ال vin code بتاع العربية

عموما وارد جدا ان لوحه العدادات الأصليه حصل فيها مشكله و اضطر صاحبها يغيرها طالما العربيه حضرتك كشفت عليها كويس و مطمن لها يبقي متشغلش بالك علي الفاضي .
و بالمناسبه شكل عداداتك احلي ( ده احتمال برده انه شاف اللوحه دي شكلها احلي فقام مغيرها بلصليه تعديل بسيط يعني )

اقتباس:

---

المشاركة الأصلية كتبت بواسطة amor777

انا في حاجه هتجنني قوي انا اشتريت عربيه نيو اكسنت مستعملله اوتوماتيك وهيه موديل 2011 ومكتوب في الرخصه بتاعتها موديل 2011 بس في حاجه غريبه برضه تاريخ تحرير الرخصه يوم 28 اكتوبر 2010 يعني اعتقد هيه من اوائل دفعه 2011 المهم انا عندي شكل التابلوه كالاتي علي اليمين عداد السرعه وعلي الشمال عداد الار بي ام وجواه مؤشر للحراره وجمب عداد السرعه مؤشر البنزين فيه واحد صاحبي بقي معاه برضه نيو اكسنت برضه 2011 اوتوماتيك والرخصه بتاعته طالعه في يونيو 2011 التابلوه عنده مختلف تماما اولا معندوش مؤشر للحراره هيه لمبه بتنور بس لو العربيه سخنت ومؤشر البنزين عنده في النص بين مؤشر السرعه والار بي ام واضائه التابلوه بيضاء انا عندي لونه مصفر شويه مع العلم ان انوار التكيف لونها ازرق عندي وعنده يعني اضواء التكييف في التابلوه مفهاش اختلاف نفسي اعرف ليه شكل التابلوه عنده غير عندي هل انا عربيتي مش موديل 2011 وهيه موديل 2010 بس اتعملت علي انها 2011 مع العلم اني شوفت عربيات نيو اكسنت موديل 2010 وبرضه مفهاش مؤشر للحرارة فيها لمبه بس بردو زي التابلوه الي عند صاحبي يعني مش الي عندي ولا ايه هتجنن مع العلم ان الشكل المنتشر اللي هوه بتاع صاحبي اللي هوه مؤشر البنزين في النص بين عداد السرعه والار بي ام ياريت الي عنده اي معلومه يفيدني بيها لاني مش فاهم حاجه ازاي عربيتين نفس الموديل والتبلوه يكون شكله مختلف كده ويا تري انهي الشكل الافضل للي يعرف الشكلين وشافهم قبل كده مستني من اي عضو يفيدني بسبب الاختلاف ده بالرغم من انها نفس الموديل وشكرا ليكم جدااااا
وعشان يبقي الموضوع واضح دي صورة لشكل التابلوه الي عندي بس طبعا عداد السرعه بالكيلو متر مش بالاميال زي الي في الصورة
http://img16.imageshack.us/img16/2497/accentse00128.jpg

ودي صورة لشكل التابلوه الي عند صاحبي وده الشكل المنتشر في كل موديلات النيو اكسنت اصلا
http://img593.imageshack.us/img593/6...8dfb8b0f9c.jpg

ياريت يا جماعه حد يفيدني باي حاجه ولو حتي توقع لسبب الاختلاف ده ايه ايه بقي العدادت الي عندي دي ده كان شكل نزل فتره ولا كان شكل قديم ولا ايه بالظبط ياريت اي رد من الاعضاء ممكن يفيدني

---

العربيه شكلها من برا اصلا عيب الرخصه تاكد منها بردو

اقتباس:

---

المشاركة الأصلية كتبت بواسطة omar sarray

العربيه شكلها من برا اصلا عيب الرخصه تاكد منها بردو

---

يا جماعه الموضوع مش مقلق خالص
البدايه
في فيه كبيره اوي من ملاك النيو اكسنت كانت قلقانه من عدم وجود مؤشر حراره وان الاعتماد الكلي علي لمبه الحراره
الناس فكرت ولاقت ان كل الموديلات الاوروبي والكوري نازله بشكل العدادات اللي عندك
دوروا في الاستيرات لقوا فعلا ده موجود ولكن العيب ان لون الاضائه مختلف (اخضر) وسعات العداد بالميل مش كم وطبعا قراءه الفعليه للعربيه مختلفه

لون الاضاءه ملوش حل
العداد لقوا فيه الكم
الارقام في ناس بتعدلها زي العداد الاوريجنال

اذن الميزه انك شغلت لمبه التشيك انجن ( ولو انها كانت ممكن تشتغل في الاوريجنال) وبقيت تتابع مؤشر الحراره باستمرار

الواجب عليه يديك الاوريجنال

اقتباس:

---

المشاركة الأصلية كتبت بواسطة eng_jo

يا جماعه الموضوع مش مقلق خالص
البدايه
في فيه كبيره اوي من ملاك النيو اكسنت كانت قلقانه من عدم وجود مؤشر حراره وان الاعتماد الكلي علي لمبه الحراره
الناس فكرت ولاقت ان كل الموديلات الاوروبي والكوري نازله بشكل العدادات اللي عندك
دوروا في الاستيرات لقوا فعلا ده موجود ولكن العيب ان لون الاضائه مختلف (اخضر) وسعات العداد بالميل مش كم وطبعا قراءه الفعليه للعربيه مختلفه

لون الاضاءه ملوش حل
العداد لقوا فيه الكم
الارقام في ناس بتعدلها زي العداد الاوريجنال

اذن الميزه انك شغلت لمبه التشيك انجن ( ولو انها كانت ممكن تشتغل في الاوريجنال) وبقيت تتابع مؤشر الحراره باستمرار

الواجب عليه يديك الاوريجنال

---

فعلا الاتجاه حاليا لتركيب العداد الاوروبي بتاعها و مشكله الاضائه حاليا شغالين على افكار لايجاد حل لها مع اعضاء الجروب