الموضوع: الحمد لله جيت سوزوكى فان زيرو وعندى كام سؤال

المشاركة الأصلية كتبت بواسطة Amr Axel

الف مبروك ربنا يديك خيرها و يكفيك شرها

و تسلم ايديك ع التقرير :)

بخصوص الاسئلة

ممكن حضرتك تأمن و ممكن المعرض يأمن بس المعرض بينه و بين شركة التأمين بيكون بيزنس شوية

بخصوص الزيت العربية جديدة بالاضافة ان موتورها مش بدائي زي الماروتي هقولك تحطلها معدني لكن التخليقي هو الافضل منها محافظة ع الموتور و في نفس الوقت عمره اطول من المعدني

سواء شل الترا او فيسكو 5000 و فيسكو 5000 هو ارخص من شل بس هو اسمه كده مش معناها بيقعد 5000
فيسكو منزله 3 فيسكو 2000 معدني و فيسكو 3000 و فيسكو 5000 تخليقي ده غير المخصص للعربيات الغاز و سعره بيكون ارخص و تشتريه من محطات كارجاس و يكون متغلف من برة و الغطا متبرشم و فيه تحتيه فويل برشام تحت الغطا برده
و للعلم مفيش حاجة اسمها زيت 5000 و زيت 10000 فيه معدني و نص تخليقي و تخليقي
المعدني ممكن ميكملش معاك 4000 و ممكن يوصل 6000 اما التخليقي بيكون اطول من ده قد يصل لـ12 الف بس كل بيعتمد ع طريقة القيادة و الجو و حالته الموتور فلازم المتابعة الدائمة للزيت
اما فلتر الزيت خليك في الياباني زي تويوتا او زيوركس و تغيره مع كل تغييير و برده مفيش حاجة اسمها فلتر 5000 و فلتر 10000 اللي بيقال عليه 5000 و تلاقيه سعره 15 ج ده خاامته اقل و انت نصيبك ممكن ميكملش معاك و اللي بيقولوا عليه 10000 ده خاماته أفضل و سعره بيكون 25 ج

بخصوص الضمان معرفش ايه نظامهم دلوقتي مع تغييير الزيت بس في اول صيانة لو زيت تخليقي تعمل حسابك في 350 - 400 ج و تسألهم الأول التكلفة و ايه اللي هيتعمل عشان ساعات فيه ناس بتروح بيضاف ليهم حاجات هما مش عايزنها زي غسيل موتور 40 او 50 ج او مصروفات اخري متعرفش بتاعت ايه

انا عن نفسي مروحتوش من بعد اول صيانة بتاعت الـ1000 و عامة يفضل تروح اول صيانة عشان لو فيه حاجة ملاحظها لو مش فارق معاك الضمان و العربية كويسة خلاص توكل ع الله برة

و ان شاء الله هننتظر تقرير عن اللي هتعمله :)

و اي استفسار اتفضل

ياباشا يسعدنى ويشرفنى جدا ردك على موضوعى وشكرأ جدا جدا على مساعدتك والله يبارك فيك وانا بأمانه فى دماغى انزل تقرير كامل مصور عن الفان من الالف للياء علشان ملهاش تقارير تقريبا وقريب جدا انشاء الله هنزل تقرير يعجبك
طيب ايه رأي حضرتك فى شل الاصفر انا داخل دماغى من ايام ماكنت بحطه لل 128 بس مش عارف ينفع ولا لا
ومعلش يعنى ايه معدنى وتخليقى واعرفه منين ؟؟
وشكرا جدا لحضرتك ولكل اللى رد

وكنت عايز اعرف برده لو هغير زيت فى التوكيل انا اللى بختار نوعه وينفع اجيبه من بره ولا التوكيل بيجبرنى على نوع معين ؟

المشاركة الأصلية كتبت بواسطة Amr Axel

يا باشا احنا اللي يشرفنا و يسعدنا انضمامك لينا و ان شاء الله نشوفك في مقابلات القسم

هكلمك الأول ع الزيت و بعدين اقولك رأيي في الشل
الزيت المعدني هو زيت مستخلص من مواد بترولية و دايما بيكون تقيل بس عمره قصير سواء بالوقت او بعدد الكيلومترات يعني تقدر تقول انه بيفقد خواصه اسرع و دايما هتلاقي لزوجته 20w50 او 15w50
اما الزيت التخليقي فده زيت مصنع بالكامل و بمواصفات و تكنولوجيا معينة و بالتالي بيكون خفيف و يستحمل درجات الحرارة العالية و الظروف القاسية ده غير ان ادائه أفضل من المعدني طبعا و بالتالي عمره اطول في الموتور و دايما هتلاقي لزوجته هنا 5w30 او 5w40 و الرقم الاصغر ده لزوجته في درجات الحرارة المنخفضة و الرقم الاكبر لزوجته في درجات الحرارة العالية

اما النصف تخليقي ده معدني بمواصفات الي حدا ما تخليقي ع حد علمي بيكون 20 % زيت تخليقي و الباقي معدني و هتلاقي لزوجته 10w40

بخصوص الشل الاصفر طبعا مفيش كلام عليه كويس و انا بستخدمه لكن للعلم ده معدني مش تخليقي عايز تستخدمه ده شئ يرجع ليك لكن الافضل التخليقي في جميع الحالات

بخصوص التوكيل بتقولهم عايز زيت ايه و هم بيستخدموا موبيل اما من ناحية تجيب زيت من برة و هم يحطوه مش عارف يوافقوا و لا لأ بس فيه ناس معانا هنا سألوا و قالوا ينفع فممكن تسألهم

ميرسى جدا للمتابعه يا فندم
يعنى اقدر اطلب نوع الزيت اللى انا عايز احطه وهما مش هيعترضو صح كده
هو مكتوب فى الكتلوج يفضل زيت
20w50

ويسلام لو حد يقولى تكلفه الترخيص فى حدود كام من طفايه ومثلث وضريبه وتأمين وصندوق الاسعافات وشويه الرفايع تبقو خدمتونى اوى

شكرأ جدا جدا ليكم

انهارده كنت فى المرور وبعد ما فحصت ودفعت الضريبه والتأمين والطفايه وامر استلام اللوحات اتصدمت
نزل قرار ان اللى يرخص فان لازم يكون معاه ايصال كهرباء مدفوع بأسمه على نفس العنوان والغاز والتليفون وعقد الشقه مينفعش اعدت اتحايل على الظابط علشان يمشهالى بوصل الغاز مرضيش :( عملت التماس وطلعت بيه على العقيد رئيس وحدات المرور العقيد نبيل محمد واعدت اتحايل عليه يختملى الالتماس مرضيش والعربيه مركونه والقسط هيعد عليا والمعرض عايز باقى فلوسه من البنك والشركه اللى العربيه كانت هتنزل فيها قالتلى قدامك اسبوع لو منزلتش هنجيب حد :((((((((((((((((((((((
ونفسيتى زى الزفت ومخنوق لدرجه الموت
حد عنده حل لان تغيير العداد والاستعلام ولحد مايجيلى اول ايصال فيها شهرين تلاته :((