الموضوع: إستفسار يا استاذ عصام غنايم بخصوص تغيير مياة الردياتير

المشاركة الأصلية كتبت بواسطة عادل سلامة

فانا اول ما جبتها لقيت المياة ف القربة مياة حنفية وطبعا نصحوني اغير المياة واحط مياة خضرة
وانا عملت بالنصيحة ورحت لميكانيكي و فرغ المياة اللي ف القربة وفكها ونضفها من الصدا اللي كان ماليها ( نضفها بجاز وبعدين غسلها بمياة) ومعرفش ده صح ولا غلط :d
المهم انه قالي هات العلبة الامريكي دي الصغيرة و غيرلي مياة القربة فقط
حط العلبة وزودها بمياة م الحنفية

وعليكم السلام أولاً.
ثانياً الميكانيكي دا أستغفر الله العظيم يارب اللي عمله دا من أغبي ما يكون وقلة ضمير لا توصف.

الرادياتير بيكون فيه مياة تبريد العربية وفيه المواسير اللي بتبرد المية,, والقربة المفروض بيتسحب منها لو المية قلت, ولو زادت بتروح فيه.
ولو الدورة مغلقة كويس ومفهاش هوا المية مش هتقل من الرادياتير ولا القربة.

ولو كان عندك صدأ زي ما بتقول عشان العربية كان فيها مية حنفية, فادا شي طبيعي لأن مياه الحنفية فيها معادن بنسب عالة وأملاح بتكون صدأ وبتغلي بمعدل أعلي من المية الخضراء أو الحمراء.

طيب دلوقتي الغباء اللي عمله الأفندي انو غير مية الاربة فقط ونضف الأربة بس,
وحط مية جديدة فيها. طيب وبالنسبة للرادياتير دا أيه ظروفة ؟! مالوش نصيب يعني من الحلو..
طيب بعد ما نضفنا الأربة وحطينا مية فيها, مش فيه مية حنفية قديمة لسه مالية الرداياتير وكلها صدأ وأملاح ومعادن.. وهيتخلطو ببعض,, يعني ولا أكننا عملنا حاجة صح ؟؟
واضح أن الأفندي كان مستعجل أو كان مكسل يشتغل,

المفروض ان الرادياتير يتفك الطبة بتاعته من تحت, ويتفضي كل المية اللي فيه,
وتطبعا القربة تتفضي معاه, بعدين تحط خرطوم مية في أول الرادياتير من فوق وتسيب المية تنضفة والأفضل طالما كان فيه صدأ تحط منظف رادياتير بعدين هتقفل الليلة دي كلها وتحط مية حمرا بلاش خضرا عشان الخضراء للرادياتيرات القديمة النحاس مش الالمونيوم زي اللي عندك,
وأبعد عن الجراكن المجهولة أم 20 جنيه اللي صنع في مصر او السعودية.
هات يا أما مية بريستون يا موبيل الحمراء.

والأفضل أنك تغسل الرادياتير في بنزينة بدورة المية المغلقة بحوالي 20 جنية تقريباً

أخر حاجة أنصحك تقرأ المواضيع دي تاخد فكرة عاملة عن اللي مفروض يحصل قبل ما تروح تظبط عربيتك, ومتتعاملش مع الميكانيكي دا تاني أبداً, دا لو كان يصح أنو يطلق عليه لقب ميكانيكي وحظر الناس منه.. لأنه مينفعش يتأمن علي عربية حد يعمل شغل فيها بالمنظر دا أو بأي طريقة تانية.
تحياتي..

http://www.nilemotors.net/Nile/328901-1400.html

http://www.nilemotors.net/Nile/328203-gelgel2004.html

http://www.nilemotors.net/Nile/217131-a.html

http://www.nilemotors.net/Nile/31822...post3874626995

والفيديو دا أوضح فيديو فيه طريقة تصريف المية القديمة وملي الجديدة,
وكمان هوا هيغير الترموستات من اول الدقيقة 2:50 مش تبعنا دي,
بس كل اللي قبلها دا تنضيف الرادياتير كويس ومن أول الدقيقة 5:30 بيرجع كل حاجة زي ما كانت وبيعبي المية الجديدة وبيسحب الهواء من دايرة التبيرد..
Coolant and Thermostat Change - YouTube

تحياتي ليك, وأبقي عرفنا عملت ايه.

المياة الحمراء بها اضافات لتزييت طرمبة المية أعلي وافضل من الخضراء. ومصممة للسيارات اللي شغالة برادياتير الومنيوم.
والمية المقطرة لوحدها هيا اللي هتبهدل طرمبة البنزين لان مش هيكون معاها حاجة تزيت الطرمبة.
دا غير ان المية العادية او المقطرة لوحدها بتغلي اسرع من المية الحمراء والخضراء.

المشاركة الأصلية كتبت بواسطة shur3000

قصدك طرمبة المياة وبعدين معلوماتى ان المية خضرا حمرا هى اصلها مية مقطرة + اضافات اللى هى فى الغال (ايثلين جليكول) لمنع التجمد ودة مش بنحتاجة فى مصر

ويادسيدة كل اول صيف ننضف الدورة ونحط مجسن دورة ردياداتير . طالما ان العربية طالتها مية حنفية مفيش حل

أولاً ايوة انا كان قصدي علي طلمبة المياة فعلاً. لانها محور موضوعنا واعتذر عن الخطأ ني اتلخبطت وكتبت البنزين.

ثانيا المية الخضراء والحمراء مش زي بعض ومختلفين كلياً ومهماش مية مية مقطرة. النية المقطرة بتضاف لسائل التبريد بتخفيفه عشان مينفعش تحطه بدون تخفيف علي الأقل بنسبة ٥٠:٥٠. يعني لتر مياه مقطرة قدام لتر ماء تبريد مركز.
ولا يمكن خلط اللونين مع بعض والا هيكونو سائل مثل الجيلي. ! وهيبهدل الدنيا فالبلوك والرادياتير.

المياه الحمراء تحتوي علي تكنولچية OAT Organic Acid Technology. ودي المناسبة للسيارات الجديدة اللي بها رادياتير الومنيوم.
والمياة الخضراء قايمة علي تكنولوچية IAT Inorganic Acids. ودي مناسبة للرادياتيرات القديمة النحاس.

وللمرة التانية الاتنين مختلفين كلياً في الاضافات اللي عليهم. ولا يمكن خلطهم ببعض. علي الرغم من ان الاتنين بهم الايثيلين جليكول + مياه مقطرة لتخفيف التركيز. يعني المية المقطرة مش هيا المية الخضراء والحمراء.

ومياه التبريد كلها تحتوي ايثيلين چليكول وليس في الغالب...
لانه لا يوجد شئ اسمع ماء تبريد بدون ايثيلين چليكول والا مش هيكون سائل تبريد.
لانها هيا المادة الفعالة التي بتمنع الماء من التجمد حتي درجة -٣٣ تحت الصفر, علي عكس الماء العادي بيتجمد عند درجة صفر ٠.
وان كنا مش محتاجين دا في مصر فعلاً. فهيا برضه نفس المادة الفعالة اللي بترفع درجة غليان الماء من ١٠٠ لحد ١٢٠ علي حسب التركيز وبتبرده طول ما فيه ضغط عليه بدل ما يغلي اكتر.! ودا بقي اللي احنأ محتاجينه في مصر والخليج وأي دولة بيشتغل فيها الموتور في اجواء درجة حرارتها عالية او تحت الصفر. والا كانت الشركات حطت لنا مية من الحنفية او مقطرة لو مش مهمة لمصر.!

وعشان مادة الايثيلين چليكول لونها شفاف زي المية المقطرة هيبقي صعب الكشف عن التسريب لوحصل بالرادياتير وعشان كدا بيضاف اليها اللون كصبغة.
وبيكون احمر وبرتقاني قي حالة ال OAT.
وبيبقي اخضر وازرق في حالة ال IAT. فيه كمان الوان تانية زي البينك والاصفر لل OAT & Hoat.
المهم انك تتاكد من نوع التكنولوجيا اللي في المية وتشوف هيا مناسبة لعرببتك ولا لأ قبل ما تحطها.

ومفيش حاجة اسمها ""طالما ان العربية طالتها مية حنفية مفيش ""
دا كلام مش صح وانهزامي, في حاجة اسمها اني انضف دورة المية كويس وافرغها كليا وانفخها بالهواء عشان تتاكد من خروج كل الماء من البلوك واملاها من جديد بماء تبريد محترم ومناسب للعربية.

لو كنت قريت المواضيع الي انا مشارك بيها فوق كنت استفدت بتجارب الاعضاء في تنضيف دورة المياه من الصدأ اللي طالها بسبب ملئه بماء من الحنفيه وعلاجة. قبل ما تقول ""طالما ان العربية طالتها مية حنفية مفيش ""
أنصحك تبقي تقري الموضوع دا.
http://www.nilemotors.net/Nile/328203-gelgel2004.html

تحياتي.