اتصلت احجز صيانة ال 60 الاف للياريس !! قالي هتكلف 2600 !! ؟؟

**Ahmod** · 30-05-2013 05:50 PM

السلام عليكم ورحمة الله وبركاته

طبعا انا عربيتي من اول ماجبتها ماوديتهاش التوكيل الا في صيانة ال 1000 !!!

وكنت مكبر دماغي من موضوع الصيانات لحد في صيانة ال 40 الاف غيرتلها شوية حجات كدة وشكرا

بعد كدة قلت بقى اوديها التوكيل عشان الواحد يطمن برضوا ولو ان العربية كل اللى محتاجاه تغيير زيت وتربيط عفشة !! اللهم يمكن العفشة فيها حاجة بس مش مظبوطة غير كدة الحمد لله تمام

اتصلت عشان احجز اديته بيانات العربية

وبعد كدة قلتله التكلفة تقريبا هتبقى كام لصيانة ال 60 الاف !! قالي في حدود 2400-2600

قلتله ياااه ليه كتيير اوي كدة !! ؟ قالي يافندم العربية مش متسجلة عندنا وماعملتش صيانة قبل كدة واحنا هنعملها صيانة شاملة

هنغير زيت الفتيس والماتور والبوجهيات والسيور والفلاتر عموما

قلتله طيب تمام بس حضرتك انا اغلب الحجات دي لسه مغيرها !! ؟ سواء زيت الفتيس او السيور والفلاتر وكمان مش عايز اغير زيت الماتور عشان مش بحط موبيل 1 فهل ينفع اجيب معايا زيت من برة ؟ قالي لا يافندم ماينفعش اي حاجة تركب الا لو شاريها مننا

حضرتك هتشرفنا والمهندس هيفحص العربية ويشوف الازم تغييره !! ؟

فدلوقتي طبعا المبلغ اللى هو بيتكلم فيه ده كتيير اوي 2600 !!! واغلبية الحجات انا مغيرها عند ال 40 الاف

انا قلت هتبقى اخرها هتكلف 1000 جنيه ولا حاجة

فانتو ايه رايكم ؟؟ اروح التوكيل واقولهم على الحجات اللى انا لسه مغيرها ؟ ولا ممكن يحور ويقولك لا لازم تتغير ويدخلني في قصص وادفعلي مبلغ محترم على الفاضي ؟؟

**Ahmod** · 30-05-2013 06:09 PM

المشاركة الأصلية كتبت بواسطة zangry

روح شوف كده النظام وقولهم على الحاجات اللى لسه مغيرها وغير الحاجات اللى عايزها مظنش هيقولوا لأ !

اصل انا كدة اغلبية الحجات هقولهم عليها لا !! ؟ انا حاسس انهم هيقولو طب انت جاي ليه

**S O P H O S** · 19-06-2013 07:59 PM

شايف ان لا داعي بصراحة
خصوصا ان فصيانة ال 40 الف غيرت حاجات كتيرة
وحتي من قبل عمرها ما يخلــص ..

**Land_Cruiser** · 19-06-2013 10:12 PM

لو العربيه ماشيه مع حضرتك كويس و مفيهاش مشاكل و حضرتك مش متابع الصيانات مع الوكيل منذ البدايه يبقي مفيش داعي للتوكيل علشان هيقولك لازم أغير حاجات كتير لأني مش متأكد من حالتها فلو العربيه مفيهاش مشاكل يبقي شوف حضرتك ايه اللي بيتعمل في الصيانه من الكتالوج و هات قطع غيار اصليه لانك حتي لو دفعت ال ١٦٠٠ جنيه مش هتحس بأي فرق و لو لاقدر الله حصلت مشكله و لا حاجه محتاجه التوكيل ابقي وقتها روحلهم و ادفع الفلوس بس علي الاقل هيبقوا مدفوعين ساعتها لعلاج مشكله مش في صيانه دوريه خاصه و أني فهمت حسب كلامك انك مغير حاجات كتير و ده التوكيل مش هيعترف به في الاغلب

**Dr/ P.K.Sh** · 19-06-2013 10:28 PM

روح مركز خدمه معتمد و ماتروحش التوكيل

**janagabr** · 20-06-2013 01:12 AM

٢٦٠٠ جنية في مصر عشان صيانة ٤٠ الفيا باشا توت علي كبوتوا
تعالي عندي تحت البيت وانا اتشقلبلك تحت العربية وأعملك اللي انت عايزة والغدا كمان عليا
توكيل ايه وضمان اية ومهندس استقبال اية واشتغالات اي انت ظبط كل حاجة بمزاجك
انت تؤمر وهما ينفذوا
هو مين اللي اللي بيدفع لمين
خلص يا باشا واديني رنة
تحب اكلملك ماوتسي سونج