اللى بيدور علي كارينز مش حيبص ل 116 ولا 318اقتباس:
المشاركة الأصلية كتبت بواسطة i_am_legend
اللى بيدور علي كارينز مش حيبص ل 116 ولا 318اقتباس:
المشاركة الأصلية كتبت بواسطة i_am_legend
كلامك صح
أيوه أيوه :plusone1: بالضبط كده أشهدى!
كل حاجة ليها زبونها.. واللى بيركب ألمانى بردو مش هيبص على كورى؟!!
بس دول مش الغالبية العظمى من المشترى المصرى: اللى هو بيركب 1.6 من 100-150 ألف
(أو كان 100-150)!
بص كده على أسعار العربيات اللى كانت "شعبى" فـ الـ5 سنين اللى فاتوا:
- سيراتو بقت 180-190-200
- إلانترا من 160/150 لحد 190 تقريبا
- أوكتافيا من 240 لـ290 ألف
- جيتا عدت الـ250 (اللى كانت mk5 بـ 170)
- كورولا 180 وسيفيك 200+
- كارينز أهو بتقولوا 220 و 230
ووو أمثلة كتييييييييييير!
يبقى تفتكروا اللى كان بيشترى فـ الفئة دى -هيركب أيـــــــه؟؟
فـ رأيى:
انه هيروح للأوروبى (المعقول فـ سعره) فعلا..
أو اليابانى اللى مكانش لاقى حظه (السوبارو والشارك والمازدا) مثلا؟!!
ليـــــــه لأ؟؟
هى فرصة لتوكيلات الأوروبى بصراحة - هيستغلوها ولا مش هيعرفوا؟؟!!!
الله أعلم؟!!
لا تقصد مرحبا بالتكاتك مرحابا بالتاكسي و الميكروباصات مرحبا بالقعده في البيت ما هو الناس ايه اصلا يركبها كوري و هي معاها تمن الاوروبي :) ياباشا الناس مــــــــفـــــــــــلـــ ـــــــــســــــــــــه و مش معني ان الكوري غلي ان الناس هتجيب اوروبي لا غالبا هما كده هيضطروا الي المستعمل او الجديد الارخص يعني هو عارف ان البيكانتوا متستاهلش ١٠٠ الف مثلا بس يضطر يشتريها كسر زيرو او موديل قبلها بسنتين مثلا علشان فلوسه .
الاسعار عليت بس فروقات الاسعار بين معظم العربيات الكورى والاوروبى فى فئات الهاى لاين تقريبا زى ما هى
بس شوف مستوى التجهيزات من جوا بتاعت موديلات كيا الجديدة واللى بيقنع نفسه ان العربيات اللى نازلة دلوقتى هى هى اللى كانت بـ 135 وبـ 150 يبقى بيضحك على نفسه او مركبهمش اصلا
وحضرتك عاجبك الـفتيس الـxtronic ؟ انا بصراحة معجبنيش نهائياً وحسيت ان عايز ادي العربية زقه من ورا علشان تمشي !!!!!!!!!!!!
http://www.nilemotors.net/Nile/347511-xtronic-cvt.html
يمكن يفيدك اكتر فوق الرابط - وادعوك لتجربته بنفسك
_________________________________________________
وفتيس DSG سكودا و فولكس !!!!!!!!!! قول لي رأيك برضة وانا مش هتكلم ابحث في جوجل مش اكتر يا فندم
ولو حسبت لك هعد معاك كتير في الاوروبي يعني الناس اكيد مش مجانين علشان يسيبوه لو كان فيه الخير - المهم عربية تعجبك انت بغض النظر عن هيا ايه
_________________________________________________
النهارده البيجو 301 غليت 35 الف جنية يعني متخفش الاسعار كلها هتزيد في الطريق
:Zb_sor1[1]:
طبعا اسعار مبالغ فيها جدا بتاعه الكوري و قفزات في السعر رهيبة في فتره قصيره قد او بالفعل افقدته اهم ميزه عنده و هي السعر المنافس ففي السنوات الماضيه كان الكوري الاختيار المناسب لشريحه كبيره مش قادره علي سعر الياباني و لا الاوروبي و كمان الانتشار و تعدد الموديلات إدي الي توافر قطع الغيار و ارتفاع سعر اعاده البيع نتيجه الاقبال عليها و الشكل الخارجي و الكماليات لعبت دور كبير في جذب الناس لها لكن لو نظرنا الان هنلاقي الكوري دخل علي سعر الأوروبي و الياباني مع ان نقاط الامان لسه محتاجه شغل كتير منهم والكلام ده علي الموديلات اللي بتنزلنا في مصر لان المواصفات بره مختلفه و كمان اغلبيه الموديلات العاليه من الكوري ما بتنزلش مصر علشان الجمارك و خلافه . توقعاتي للمرحله القادمه الاقبال علي المستعمل و علي الصيني بالنسبه للشريحه الكبيره اللي كانت بتشتري الكوري اللي في الرينج بتاع ٩٠ الف و ١٣٠ الف او ممكن الاوروبي ان وجد في الرينج ده أما الحيره فهتكون من نصيب الناس اللي ممكن تشتري في رينج السعر اللي بعد ١٨٠ الف مثلا لان الاختيارات فيه زادت كتير بعد دخول الكوري فيها وان كانت الاغلبيه هتفكر في الاوروبي ساعتها علي اساس انها طالما هتدفع مبلغ كبير يبقي تجيب الحاجه اللي نفسها فيها بالمره فممكن ما يبقاش الاقبال علي الكوري زي الاول وده قد يعيد الاوروبي الي المنافسه مره أخري واللي كان بعيد عنها بسبب سعره المرتفع أما الشريحه بتاعه الكوري القديم يا أما هتروح للمستعمل او للصيني لان مفيش ارخص منه
العربيتين الاوروبى اللى ممكن يبقى ليهم نصيب فى المبيعات هما ال C Elysee وال 301 , دا فى حالة ان اسعارهم ماعليتش عن كدا هما كمان !! لانهم دلوقتى بيبتدوا فى رنج 120 للاوتوماتيك يعنى بتمن ريو واكسنت وصنى , فاكيد اى حد ماكنش فى دماغه سيتروين و بيجو لازم هايفكر فيهم بالاسعار دى
لكن اى عربيه اوروبى او يابانى ماهى موجوده من الاول بقالها سنين :) ايه الجديد يعنى :) هو الفلوونس والاسترا والفوكس والامبريزا والسيفيك لسه طالعين امبارح !! وزى ما الكورى غلى هما كمان غليوا يعنى معملناش حاجه
كلام صح .بس عندنا كل ما الحاجه تغلى يزيد اقبال الناس عليها
ويقولو طالما غليت تبقى كويسه
انا من اسبوع سمعت ان 40 واحد حجز الكارينز الهاى لاين بحوالى 220000 عند اباظه الغردقه !!
ده فرع واحد فى مدينه تعدادها صغير ,شوف بقى بقية الفروع و بقية المحافظات
......أحنا كده