نظرة للسوق..اخيرا جيه الوقت لظهور الاوروبي بقوة..ورجوع الكورى بقفاااااااه :)

**hossam_elwani** · 31-05-2013 08:03 PM

المشاركة الأصلية كتبت بواسطة tarekhassan88

انا هشترى صينى لدعم اقتصادهم ضد اقتصاد امريكا و لانهم حلفاء للرئيس بشار الاسد ضد الخونه المدعومين من امريكا و الصهاينه

هيا وصلت لكده ؟؟؟؟؟؟؟

**eleanor** · 31-05-2013 08:29 PM

ياعنى لو انت عيان والعلاج بتاعك صنع امريكا ومافيش بديل تموت ولا تجيبه
ومتقولش دى حاجه ودى حاجه انا لما باجى اشترى عربيه بدور على الحاجه اللى تناسبنى وكل واحد واحتياجاته
فلو تحتياجاتك فى اى بلد كويسه هاتها ولو مش موجوده هات من البلاد التانيه
وبعدين لو انت معاك شركه وبتصدر وبلدك فيها كل العبر والناس الى بتصدرلها وقفوا شغل معاك علشان بلدك ساعتها مش هاتيجى وتقول انا ايه ذنبى
طالما انت كويس خلاص مش مشكلتك انك كويس فى بلد فاسده وهى دى مشكلتهم يعنى مالهمش ذنب دى شركات ومصانع مش جيش وحكومه
واحترامى للجميع

**Habd** · 31-05-2013 08:51 PM

تقرير اميك بيقول ان الكورى مبيعاته تراجعت الشهر الماضى الربع :)
برضه لسه بنقول الناس مابتفهمش و السوق دماغه غلط
الناس فاهمة كويس قوى و فاهمة مصلحتها و طول ما الكورى او اى ماركة تانية بيقدم مميزات الناس هاتقبل عليه
مجرد ما راحت المميزات دى مبيعاته قلت :)
معادلة بسيطة و سهلة

**Al-Farooq** · 31-05-2013 08:57 PM

المشاركة الأصلية كتبت بواسطة gsoleiman

طب حضرتك بالنسبة للعمال والمهندسين والموظفين إلي في توكيلات سيتروين وبيجو ورينو ياكلو عيش منين؟

الكلام عن التاريخ لا يفيد أفضل نركز في الحاضر والأهم المستقبل عشان احنا بقينا "أمة ضحكت من جهلها الأمم"

اه على فكرة اليابان حليف كبير لأمريكا....بيع الكامري بقى

لما الناس تشتري عربيات تانية اللي شغالين في التوكيلات دي هيشتغلوا في توكيلات غيرها
والحمدلله ان المسلمين فيهم دوله زي ماليزيا ، وامه الاسلام حاجة والعرب حاجة - العرب فيهم اقل من ثمن المسلمين - فلو العرب متخلفين دة مش معناه تخلف كل المسلمين

والاخ اللي ذكر مثال الدواء ، لو في بديل هشتريه ، مفيش هاخد الامريكي طبعا و اتعالج هناك كمان ودة حكم المضطر
الموضوع كله بيتعلق بوجود البديل المكافئ او الاحسن منه مفيش خلاص ييبقي مضطرين

بالنسبة ان اليابان حليف امريكا ، لا دة مش اليابان بس دة كل العالم بيقول كدة تقريبا بما فيهم مصر ماعدا كام دوله ، وبالمناسبة امريكا مقيدة اليابان بخصوص التسليح
بخصوص الكامري مش في مصر وفي دوله مفيهاش توكيل لماركة بروتون ، وبما ان النقاش يطول
وشكلي بتكلم في الشرق والاخوة بتتكلم في الغرب و مفيش حتي نقطة توافق ، فالخلاصة انا بشجع الماليزي والياباني والكوري عن الاوروبي.
وشكرا.

**2CODE** · 31-05-2013 09:21 PM

المشاركة الأصلية كتبت بواسطة Habd

تقرير اميك بيقول ان الكورى مبيعاته تراجعت الشهر الماضى الربع :)
برضه لسه بنقول الناس مابتفهمش و السوق دماغه غلط
الناس فاهمة كويس قوى و فاهمة مصلحتها و طول ما الكورى او اى ماركة تانية بيقدم مميزات الناس هاتقبل عليه
مجرد ما راحت المميزات دى مبيعاته قلت :)
معادلة بسيطة و سهلة

والله ؟
Kia Corporate News | Kia Motors Global Official Site

دي بيانات شهر ابريل يعني الشهر اللي فات يا فندم شوف تاريخ الاعلان 2013-04-09

اظن حتى بدون ما تفتح الرابط عنوان المقالة بيبين تقدم المبيعات 2.7% وده رقم كبير اوي اوي يا فندم
Kia Motors global sales up 2.7% through first quarter of 2013

متحاولش تقنع نفسك بمعلومات غلط - الكوري دلوقتي بينافس الاوروبي وبحاول يتخطاه

وشوف التقارير قدامك وبيانات الشركة ولعلمك انا بكلمك عن "كيا" بس دي مبيعات "كيا" اللي ارتفعت 2.7% الشهر اللي فات بحسب تقارير الشركة

يعني لسه مبيعات هيونداي ياترى ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

ثم ان صحيح ايه رأيك في حجم مبيعات كيا في اوروبا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ ليه الاوروبيين نفسهم بيشتروا كيا ؟؟؟؟؟؟؟؟؟؟؟؟؟؟ شوف الصوره وشوف حجم البيع في اوروبا هتلاقيها مصنفة تاني اكتر مبيعات في اوروبا

العربيات الكوري دلوقتي غير زماااااااااااااااااااان الدنيا اتطورت عندهم فعلاً تطور هائل

**ahmedazabreno** · 31-05-2013 09:25 PM

اليابانى ممتاز جدا زى الهوندا و المازدا و الديهاتسو وغيرها احسن من الكورى بكتير واسعارها الى حدا ما كويسة
انما البيكانتو ب 100 الف دى عملة زى علبة الكبريت و الكارنز ب 224 لية ان شاء الله بطير

**Habd** · 31-05-2013 09:35 PM

المشاركة الأصلية كتبت بواسطة 2CODE

والله ؟
Kia Corporate News | Kia Motors Global Official Site

دي بيانات شهر ابريل يعني الشهر اللي فات يا فندم شوف تاريخ الاعلان 2013-04-09

اظن حتى بدون ما تفتح الرابط عنوان المقالة بيبين تقدم المبيعات 2.7% وده رقم كبير اوي اوي يا فندم
Kia Motors global sales up 2.7% through first quarter of 2013

متحاولش تقنع نفسك بمعلومات غلط - الكوري دلوقتي بينافس الاوروبي وبحاول يتخطاه

وشوف التقارير قدامك وبيانات الشركة ولعلمك انا بكلمك عن "كيا" بس دي مبيعات "كيا" اللي ارتفعت 2.7% الشهر اللي فات بحسب تقارير الشركة

يعني لسه مبيعات هيونداي ياترى ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟

ثم ان صحيح ايه رأيك في حجم مبيعات كيا في اوروبا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟ ليه الاوروبيين نفسهم بيشتروا كيا ؟؟؟؟؟؟؟؟؟؟؟؟؟؟ شوف الصوره وشوف حجم البيع في اوروبا هتلاقيها مصنفة تاني اكتر مبيعات في اوروبا

العربيات الكوري دلوقتي غير زماااااااااااااااااااان الدنيا اتطورت عندهم فعلاً تطور هائل

انا باتكلم عن السوق المصرى

http://www1.youm7.com/News.asp?NewsID=1088694&SecID=297

الأميك: تراجع مبيعات السيارات الكورية يقابلها زيادة للسيارات اليابانية

الأربعاء، 29 مايو 2013

**Habd** · 31-05-2013 09:37 PM

و انا معايا كورى زى ما هو واضح و عارف كويس قوى قوى بعد 140 الف كم ايه مميزاته و عيوبه و مابتاثرش باى كلام هنا او هنا بس الحقيقة برضه ان استهبال الاسعار سواء ف قطع الغيار او الجديد مش ف صالح الكورى نهائى

**horas3000** · 31-05-2013 10:05 PM

المشاركة الأصلية كتبت بواسطة al-farooq

احب اوضح لحضرتك ان اغلب الاختراعات اساسها العرب والمسلمين فى النهاية
كفاية ان موضوع ال 0 و ال 1 اختراع اسلامي ، فالكلمتين اللى حضرتك كتبتهم بردو الفضل يرجع لثقافتك الاسلامية او العربية اياً ما كان ، ومن غيره ولا كان في برامج ولا كمبيوترات ولا غيرها. واسس علمية كثيره الفضل فيها يرجع للحضارة الاسلامية والعربية على العموم.

مفيش مشاكل اننا نتعلم من غيرنا ، والحضارات فى العلوم بتكمل بعض ، الفكرة ان لما يبقي عندنا بدائل من دول صديقة فعلا ومتاحة ليا افضلها عن غيرها ، يبقي المبدأ اللى انا ماشي بيه وغيري كثير على فكرة ، مخلينا راضين عن الفكر اللى عايشين بيه ولو 0.1% عن غيرنا.

لما نتكلم كدة مش معناه اننا بعمم علشان تقولي هما اللى اخترعوا العربية والصين اخترعت البتنجان!! ، العربية لو ليها اساس دة ممكن يرجع للفراعنة كمان اللى عملوا العجلات الحربية اللى من غيرها مكنش هيبقي في فكره العجل اصلا!! ، مش معني انهم عملوا العربية وهما اصحاب الفكرة فتبقي حرام ومش هشتريها من الاساس وهنركب الناقة بدلها ، ومش معني انهم اخترعوا الموبايل يبقي هستخدم الحمام الزاجل ، كدة لامؤخذة خلط الحابل بالنابل و تخلف ، العلم لا يكال بالباذنجان ، العلم حاجة واللى بتكلم فيه انا وغيري حاجة تانية خالص ، احنا ادينا لهم علم واتعلموا منا ، والعربي زمان كان لغة العلماء و لغة الناس المثقفة ، واحنا هناخد منهم العلم بمزاجهم او من غير مزاجهم ، فالعربية ولا التكنولوجيا او اى حاجة بتخدم الانسان مش حرام ، الحرام اننا ادفع فى منتج بمزاجي "ومش مضطر له" لدولة بتحاربني ، وفى دولة بتديني نفس المنتج بكفائة عالية بردو وبسعر اقل او اكثر حاجة بسيطة وهي فى نفس صفي او على الاقل مش بتعاديني!

كدة معناه اننا مبندفعش فاتورة قتلنا ومحاربتنا وقتل اخوتنا فى اى مكان ، او على الاقل الفاتورة قلت ، بدل ما ادعم بألف ، ادفع اقل و فى الضروريات اللى ملهاش بدائل غير من عندهم.

ياريت تكون وصلت الفكرة.

حضرتك انا شايف ان ردك ده مبرر هايل اني اشتري اللي انا عايزه بغض النظر عن منشاه
مش احنا بقي مهد العلم و الحضاره و الاختراعات
يبقي انا كده بشتري مجهود و علم اجدادنا و مفيش اي مشاكل و لا ايه
و عادي بقي تجيب اي عربية من اي دوله مهي فيها تكنولوجيا برضه

و ايه سر البتنجان
واضح انك مش بتحبه مع انه جميل

-

الموضوع: نظرة للسوق..اخيرا جيه الوقت لظهور الاوروبي بقوة..ورجوع الكورى بقفاااااااه :)

LinkBack

أدوات الموضوع

عرض

-

-

-

-

المواضيع المتشابهه

بيجو 508 المخصصه للسوق الصينى

الحقيقة الكاملة لظهور سيارات كيا معدلة فى معرض sema .بالصور و الفيديو.5 نجوم .

هي ليه العربيات الاوروبي سعرها مش بينزل ؟؟؟؟؟؟؟؟؟؟؟؟؟؟؟

اخيرا ! جيلي ec7 تحصل 4 نجوم حقيقية في اختبار التصادم الاوروبي ! و تتجه الى الuk !

اخيرا اخيرا اخيرا ..... جبت الصب البايونير ( كلاكيت تانى مره )

الكلمات الدلالية لهذا الموضوع

المفضلات

المفضلات

ضوابط المشاركة