الموضوع: نظرة للسوق..اخيرا جيه الوقت لظهور الاوروبي بقوة..ورجوع الكورى بقفاااااااه :)

المشاركة الأصلية كتبت بواسطة Habd

كلام حضرتك صحيح بس كلام حضرتك دا نفس الكلام المذكور ف التقرير السيارات الكورية مازالت الاعلى مبيعا
لكن انخفضت حصتها للربع مقارنة بالسابق
مقابل زيادة مبيعات انواع اخرى غير كورية

المشاركة الأصلية كتبت بواسطة Land_Cruiser

اعتقد التقرير بتاع الاميك اللي في الخبر ده متفق مع التحليلات بتاعتنا عن ان الاوروبي مبيعاته زادت 18% بينما الكوري مبيعاته انخفضت حوالي 24% . طبعا مفهوم ان عدد السيارات الكوري المباعه اكتر لكن نخللي بالنا ان النسب دي مقارنه لكل ماركه بالنسبه للسنه الماضيه بتاعتها مش مع الاخرين و ده بسبب القفز في شرائح الاسعار و تغير سياستها اللي هي كانت إنتاج موديلات للجميع الي استهداف شرائح معينه أعلي . بالنسبه لمصر و الظروف الحاليه الموضوع ده يعتبر مغامره كبيره لانها بتترك المكسب المضمون اللي كان في جيبها و داخله تنافس مع منافسين شرسين. واضح ان الشركات الكوري بتحب المغامره و اللعب مع الكبار فقد فعلتها سامسونج و استطاعت السيطره علي الموبايلات و التليفزيونات و ده يدل علي انهم عندهم التكنولوجيا و الاراده ولكن لو أخدنا بالنا في سبيل ده هي بلعت السوق بكثره موديلاتها و التكنولوجيا و بالأسعار كمان فمحدش بقي عارف ينافسها أما في مجال السيارات فلا شركات الكوري ركزت علي الشرائح العاليه فقط و تركت احتياجات الشريحه المتوسطه الكبيره العدد و من هنا كان طبيعي ان مبيعاتها تقل لان السعر و المنافسين زادوا في نفس الوقت و دي مخاطره عاليه

المصدر : اليوم السابع
[url=http://www1.youm7.com/News.asp?NewsID=1094474&SecID=24]

فعلا معظم العربيات الكورى مبيعاتها إنخفضت , ماعدا عربيات شيفروليه زادت , الافيو واللانوس والاوبترا , ومعاهم الكيا ريو والبيكانتو


فى اليابانى العربيتين اللى زادوا بنسبه عاليه جدا هما اللانسر والكورولا , باقى اليابانى تقريبا زى ما هو او قل او زاد بنسبة بسيطه جدا


فى الاوروبى الاسترا السنه دى عامله شغل كويس ودى ماكنتش موجوده السنه اللى فاتت فى الوقت دا , باقى الاوروبى تقريبا زى ماهو او قل او زاد بنسبة بسيطه جدا


دا ترتيب المبيعات فى اول 4 شهور من 2012 السنه اللى فاتت للمقارنة


فيرنا 6951 ( السنه دى إنخفضت مبيعاتها حوالى 13 % )


النترا 3548 ( السنه دى إنخفضت مبيعاتها حوالى 51 % )


لانوس 2731( السنه دى زادت مبيعاتها حوالى 23 % )


أكسنت 2702 ( السنه دى إنخفضت مبيعاتها حوالى 70 % )


أفيو 2343 ( السنه دى زادت مبيعاتها حوالى 27 % )


كارينز 1788( السنه دى إنخفضت مبيعاتها حوالى 43 % )


لوجان 1626 ( السنه دى إنخفضت مبيعاتها حوالى 4 % )


لانسر 1401 ( السنه دى زادت مبيعاتها حوالى 104 % )


سيراتو 1367 ( السنه دى إنخفضت مبيعاتها حوالى 18 % )


سبورتاج 1260 ( السنه دى إنخفضت مبيعاتها حوالى 27 % )


اوكتافيا 1236 ( السنه دى إنخفضت مبيعاتها حوالى 57 % )


كورولا 1126 ( السنه دى زادت مبيعاتها حوالى 94 % )


اوبترا 994 ( السنه دى زادت مبيعتها حوالى 55 % )


ريو 518 ( السنه دى زادت مبيعاتها حوالى 96 % )


بيكانتو 495 ( السنه دى مبيعاتها زادت حوالى 138 % )


وعموما نستنى أخر السنه تكون الرؤيه اتضحت أكتر , حتى يبقى الموديلات الجديده زى ال 301 وال Elysee خدوا فرصتهم