الموضوع: تجربتي مع السفر برا بالسيارة

السلام عليكم. انا حبيت اطرح الموضوع دة لان واحد من الاعضاء كان بيسال علي السفر برا من بلد لبلد بالسيارة وانا وعدتة اني هارد علية لما ارجع مصر. طبعا في البداية انا عملت تاشيرة دخول للسعودية من السفارة السعودية. وبعد كدة عملت تربتيك للسيارة من احد نوادي السيارات الدولية هنا في قطر. شيكت علي العربية وظبطها قبل السفر. طلعت علي السعودية وما ادراك من تعب السفر في السعودية. انا مشيت مسافة 2500 كم داخل السعودية لما طلع عيني. اقل مسافة من بلد للتانية هي 500 كم. المهم وصلت العقبة وهناك القرف والعذاب كلة. الواحد ممكن يبيت لة في الميناء يومين او 3 ايام حتي ياتي اللنش او العبارة اللي هاتنقلنا لنويبع. المهم الحمد لله ركبت العبارة الساعة 2 بالليل ووصلت ميناء نويبع الساعة 8 صباحا وعلي ما نزلنا من العبارة كانت الساعة بقت 10 صباحا. دخلنا علي التفتيش والذي منة. الحمد لله ما كنش معايا اي اجهزة عشان الجمرك المقرف. اللي قرفني وحرق دمي بقي هو اجراءات استخراج رخصة تسيير للعربية ونمر الجمرك. طلع عيني من مكتب لمكتب وكل مكتب واقف علية طوابير بشر جاية من برة. دفعت 500 جنية تريبتك وكمان 500 جنية تامين لوحات ( علي اية مش عارف) وشوية فكة من 10 جنية ل 20 جنية لانهاء الاجراءات. قرف قرف قرف الدنيا والاخرة. الحمد لله في العودة كانت الامور سهلة وربنا يسر لان كان معايا واحد ظابط في الميناء خلصلي كل حاجة وركبني علي اللنش. والحمد لله وصلت قطر بالسلامة واسف علي الاطالة..

وفلى سكه محدش بيفكر فيها خالص ياريت تقولى ليه الخط الملاحى جده -السويس طبعا المشوار جوه السعوديه لجده هيبقى اقصر بكتير من الذهاب

ياختصـــــــــار لان حضرتك هتشوف الويل كفايه بهدله العباره من جده الى السويس يومين فى البحـــــــر وتبقى سعادتك حاجز كبينه درجه اولى لك وحاجز للعربيه تطلع بعربيتك العباره متلقيش حته تقعد فيها تضطر يومين على السطح او فى المطعم او فى كبينه ارف فى ارف

وهتنزل السويس هتندم انك دخلت مصر برضوه بسبب الجمرك السخيف وتفتيش وفحص متفجرات ومسخره والناس جايه هلكانه من التعب مفيش اى تقدير


حمد لله على السلامه يا استاذ ميدووووووووو كنت فى مصر او فى قطر