مشكلة في التكيف واستهلاك البنزين نيسان صني الجديدة

**islam hossam** · 31-05-2013 10:12 PM

السلام عليكم

انا لسة مشتري نيسان صني الشكل الجديد من شهر ونص عاملة 2000 كم وعندي سؤالين
اولا
حاسس ان التكيف ضعيف شوية الصبح لما بشغل التكيف علي 3 الجو بيكون متلطف وباليل مش بيكون سائع اوي انا شايف ان عربية زيرو لازم تكون تكيفها تلاجة وكمان دي عربية ياباني انا لما كنت بعمل صيانة الالف قولت للمهندس ان التكيف ضعيف قلي دة ناقص شحن واتشحن 350 جرام و حسيت ان التكيف زي ماهو هل التكيف بتاع الصني الجديدة مش قوي ولا في مشكلة العربية لونها اسود دة بيفرق ناس بتقولي ان تكيف الزيرو المفروض يكون تلاجة

ثانيا

استهلاك البنزين مع التكيف 11 لتر / 100 كم دة طبيعي ولا
ياريت حد يرد عليا ضروري علشان انا مضايق من الموضع دة انا لسة عضو جديد في القسم ولحضرتكم الشكر

**beshomilan** · 31-05-2013 11:14 PM

استنى شويه لصيانه ال 5 الاف وشوف الوضع ايه لان 2000 كيلو ده لسه فى فترة التليين
وخللى بالك اللون الاسود فى الجو ده بيخللى العربيه نار وخصوصا كمان لو بتركنها فشمس
مبروك للعربيه وربنا يفرحك بيها ويحفظك

**the_air_devil** · 31-05-2013 11:24 PM

التكييف كدة مش طبيعي وطالما كانت زيرو يبقى المفروض ماينقصش ولا مللي ... واضح ان فيه تسريب من مكان ما خفي

من ناحية استهلاك البنزين حضرتك ممكن تدور على موضوعات هنا كتير مكتوب فيها كيفية حساب استهلاك البنزين الفعلي , تحسبه بالورقة والقلم وتعد الكيلومترات من ساعة ما مونت وترجع تمون بعد ماتخلص وتشوف مشيت كام كيلو على استهلاكك الفعلي , معدل استهلاك كومبيوتر العربية بيكون متوسط كذا استهلاك لكذا نمط قيادة خلال آخر خمس دقايق ومش بيكون دقيق ومش مقياس

تحياتي

**borio1704** · 01-06-2013 12:03 AM

المشاركة الأصلية كتبت بواسطة islam hossam

السلام عليكم

انا لسة مشتري نيسان صني الشكل الجديد من شهر ونص عاملة 2000 كم وعندي سؤالين
اولا
حاسس ان التكيف ضعيف شوية الصبح لما بشغل التكيف علي 3 الجو بيكون متلطف وباليل مش بيكون سائع اوي انا شايف ان عربية زيرو لازم تكون تكيفها تلاجة وكمان دي عربية ياباني انا لما كنت بعمل صيانة الالف قولت للمهندس ان التكيف ضعيف قلي دة ناقص شحن واتشحن 350 جرام و حسيت ان التكيف زي ماهو هل التكيف بتاع الصني الجديدة مش قوي ولا في مشكلة العربية لونها اسود دة بيفرق ناس بتقولي ان تكيف الزيرو المفروض يكون تلاجة

ثانيا

استهلاك البنزين مع التكيف 11 لتر / 100 كم دة طبيعي ولا
ياريت حد يرد عليا ضروري علشان انا مضايق من الموضع دة انا لسة عضو جديد في القسم ولحضرتكم الشكر

فيه ناس بتقول إن التكييف بيبقى كويس بعد 5000 كيلو... بس أنا مش معاهم بصراحة

إنما أنا شاكك إن حضرتك تكون ظابط التكييف بطريقة ما تخليش التكييف يديلك أعلى كفاءة

لو التكييف عندك مانيوال زي اللي في الصورة دي:

أهم حاجة تتأكد من إن الزرار اللي تحت اللي مرسوم عليه صورة العربية مظبوط على وضع إعادة التدوير (يعني السهم يكون داخل العربية .. مش جاي من برا)

لو التكييف تتش زي اللي في الصورة... اتأكد إن الزرار بتاع نفس الوضع شغال.. زي الصورة

كمان... مهم جدا إنك تتأكد من إن الهوا طالع من الهوايات الأمامية كلها... مش من مكان تاني أسفل التابلوه أو من الزجاج الأمامي...

أظبط وضع خروج الهوا على الوضعية اللي فيها السهم العلوي فقط... زي الصور اللي فوق

وطبعا... قبل ده كله... لازم تبقى ظابط درجة الحرارة على أقصى برودة

ده غير إن فيه بعض خطوات بنعملها في بداية تشغيل التكييف علشان تخلي التكييف يبرد بسرعة:

1- افتح كل شبابيك السيارة
2- شغل التكييف على أعلى سرعة للمروحة
3- خلي الشبابيك مفتوحة لمدة 2-3 دقايق أو لحد ما كل الحرارة المحبوسة في السيارة تخرج
4- اقفل الشبابيك واظبط التكييف زي ما انت عايز

لو بعد كل ده لسه عندك مشاكل... لازم تروح التوكيل وتشوف إيه المشكلة هناك

...

**د.محمدعبدالعال** · 01-06-2013 01:43 AM

تكييف العربية تلاجة يا جماعة طالما ماكنتش راكن في الشمس .. وبالليل لما بشغله على 1 بسقع ...اظبط التكييف زي ما الأستاذ أحمد البرعي قال لحضرتك كده بالظبط .. وإلا تروح تكشف على الفريون تاني في التوكيل .. وياريت كل حد بيقول ان التكييف مش قوي يروح التوكيل يظبطه لأن ده حقنا

**islam hossam** · 01-06-2013 02:16 AM

متشكر جدا لحضرتكم هظبط التكيف وهروح التوكيل يكشفو علي الفريون

**gold_777** · 03-06-2013 03:26 AM

السلام عليكم
انا عندى نفس الموضوع والعربيه لونها برونزي
لما سالت صديق قالى ان الفريون اللى بينزل فى السياره بيبقى كده لو عاوزه اسقع اشحنه فريون تلاجأت يبقى تلاجه سكت وقبلت الوضع
اما بالنسبه للبنزين الشرطه عملت معايا 10 او 12 ك .م
ربنا بسلم