ممكن ده يبقى حل لمشاكل ال dsg ??!!!

**Karim Ibiza** · 02-06-2013 08:31 PM

المشاركة الأصلية كتبت بواسطة Moratoz

بس لما. كيل ينزل عربيه معينه في بلد يبقي المفروض انها تلبي احتياجات الناس ئل عايشه في البلد دي وأنها تناسب ظروف التشغيل الموجودة في البلد دي وأكيد الشركة الام مش هتخاطر بسمعتها كلها علشان وكيل فبالتالي الشركة الام شايه انها والتكنولوجيا المستخدمه تلبي وتناسب ظروف التشغيل يعني كان في مشكله في فتيس ألاوكتافيا a5 وراجعه فعلا لسوء الاستخدام من عدم تغير الزيت علي ٦٠٠٠٠ ك والناس ئل غيرت الزيت في مودعة لم تشتكي من شيئ وكله تمام بس لو حضرتك لاحظت ان في مشاركات لأخوة الفتيس تم تغيرة علي ٢٠٠٠٠ ك و١٥٠٠٠ ك في التوكيل ببلاش وهذا اكبر اعتراف بعيوب هذا الفتيس لأنه لو كان سوء استخدام لو كنا وقفنا علي دمغنا مكنش هي غير ببلاش في التوكيل

عندك حق

وده اللى هو كان بيحاول يطوروا عن طريق سوفت وير جديد للفتيس بس للأسف بعد ما كام مالك للعربية اتعوروا جامد

والدليل اننا مبقناش نسمع عن مشاكل للفتيس ده فى مصر فى الموديلات الجديدة زى الأول

انا كل هدفى من الكلام اننا مش عايزين نحكم على جيل تكنولوجيا جديد بالأعدام لمجرد انه حصل منه مشاكل فى البداية وكويس ان الشركة بتتدارك الموضوع وبتحاول تنقذ ما يمكن انقاذه

التكنولوجيا دى قبل ما توصلنا خدت منهم سنييييين عشان يطلعوها للعالم بالشكل ده, نقوم احنا الشعب الفريد من نوعه نثبتلهم ان كل اللى انتوا بتعملوه ده اى هتش فى اى اتجاه

شعب رهييييييب

**Moratoz** · 02-06-2013 09:25 PM

المشاركة الأصلية كتبت بواسطة karim ibiza

عندك حق

وده اللى هو كان بيحاول يطوروا عن طريق سوفت وير جديد للفتيس بس للأسف بعد ما كام مالك للعربية اتعوروا جامد :zb_sor1[1]:

والدليل اننا مبقناش نسمع عن مشاكل للفتيس ده فى مصر فى الموديلات الجديدة زى الأول

انا كل هدفى من الكلام اننا مش عايزين نحكم على جيل تكنولوجيا جديد بالأعدام لمجرد انه حصل منه مشاكل فى البداية وكويس ان الشركة بتتدارك الموضوع وبتحاول تنقذ ما يمكن انقاذه

التكنولوجيا دى قبل ما توصلنا خدت منهم سنييييين عشان يطلعوها للعالم بالشكل ده, نقوم احنا الشعب الفريد من نوعه نثبتلهم ان كل اللى انتوا بتعملوه ده اى هتش فى اى اتجاه

شعب رهييييييب

الغريب بقي ان في ناس عايشه في كوكب تاني خالص اليوم كنت راكب مع صديق ولقيته راكب باسات ٢٠١٣ فسألته مش خائف من الفتيس قالي ليه هوا فيه ايه قولتلوا علي مشاكله وان ناس كتير غيرته في التوكيل قالي كويس آدام التوكيل بتغيرة في الضمان خلاص ايه المشكله وعقبال ما الضمان يخلص أكيد هيكونوا حلو المشكله بصراحه قمت ساكت فكل واحد ليه فكرة ومحدش غلطان ما دام هوا عارف نتيجه اختيارة

**YahiaAshraf** · 02-06-2013 10:51 PM

ببساطة شديده يا جماعه بخصوص الفتيس الdsg
احنا العيب الاول فينا دلوقتى الواحد فاكر ان معاه اوتوماتيك يعنى مش هيعمل حاجه و ده طبعا غلط

دلوقتى انت بتبقى عامل على ال d وماشى وفاجئه قابلك اشارة المفروض بتقف و تعمل الفتيس من d لل n ولكن للاسف الناس بتسيبه على d طبعا ده مع مرور الوقت القصير بيبوظ الفتيس فى مده قصيرة جدا قد لا تتجاوز ال 2000 كم

**dozo** · 03-06-2013 05:30 PM

المشاركة الأصلية كتبت بواسطة mr_hide

هوا في الحقيقة الطريقة الصحيحة لاستخدام اي فتيس اوتو مش شرط ال dsg انك لما تقف تجيب n لانه بيقلل عمر الفتيس فعلا و ده ال recommendation من ساعة ما اخترعوا حاجة اسمها فتيس اوتوماتيك بس عندنا بقا محدش بيهتم بالنقطة دي فالناس اتعودت بس في اوروبا و الدول المتقدمة هما متعودين

يا سيدى الفاضل :-
و اشمعنى الفتيس ده دون الباقى اللى بيفهيص بدرى بدرى ؟؟؟؟؟؟؟؟؟؟؟؟
اكيد مش ده السبب المباشر ... ممكن يكون سبب بس على المدى الطويل قوى ... مش 10000 و 15000 كم .

**mr_hide** · 04-06-2013 01:28 PM

المشاركة الأصلية كتبت بواسطة dozo

يا سيدى الفاضل :-
و اشمعنى الفتيس ده دون الباقى اللى بيفهيص بدرى بدرى ؟؟؟؟؟؟؟؟؟؟؟؟
اكيد مش ده السبب المباشر ... ممكن يكون سبب بس على المدى الطويل قوى ... مش 10000 و 15000 كم .

يا باشا ما انا عرف و الله و انا مش بدافع عن الفتيس

و اشمعنى الفتيس ده بالذات عشان طريقة بناءة غير الفتيس الاوتو العادي

هوا مش زي فتيس الاوتو العادي . هوا عبارة عن اتنين فتيس راكبين مع بعض Dual Clutch

**Moratoz** · 04-06-2013 03:55 PM

ماشي هقولك وا حاجه تانيه لما ركبت الباسات الجديدة كان فيها زرار جانب الفتيس لما تدوس عليه لما تيجي في اي إشارة وبعد التوقف مش محتاج تدوس فرامل فحتي لو شلت رجلك من الفرامل العربيه مش هتمشي وأول لمل تحط رجلك علي البنزين العربيه تمشي عادي
يعني ئل انا عاوز أقوله ان العربيه من وجه نظري مصممه انها في الإشارات والتوقفات مغيرش النقله من d الي n

**SYD** · 04-06-2013 04:38 PM

اعتقد الناس فاهمة الفتيس غلط وبالتالي بتعامله غلط - يقوم الفتيس عامل معاها الغلط
وفي الأخر بنجيب الغلط علي الفتيس - مع ان الشركة ماغلطتش لما عملته

شوية ارقام واحصائيات
- فولكس اول شركة تعمل ناقل حركة مزدوج القابض (2 Clutch او 2 اسطوانة دبرياج)
- اول عربية نزلت dsg كانت جولف 4 سنة 2003
- خد احسن ناقل حركة في سنتين ورا بعض (بس مش فاكر 2005 و2006 ولا 2006 و2007)
- نزل 6 غيار في الجيل الأول Wet و 7 غيار في الجيل الثاني Dry

نتكلم شوية عن الفتيس
اولا الفتيس مش اوتوماتيك ؟؟؟!!!
الفتيس مانيوال بتحكم الكتروني في الدبرياج
فكرة 2 اسطوانة او dual clutch عشان في الفترة بين النقلة والتانية تكون الأسطوانة التانية جاهزة بالغيار سواء للأعلي او للأسفل بحيث تقلل جداً الوقت الضايع بين النقلات وبالتالي الفتيس بينقل بالنقلة والأتنين خلال اجزاء من الثانية ودة في الأخر بيعلي الأداء وبيزود الشعور بالراحة
يعني لو شفت منحني الأداء بالفتيس DSG هتلاقي مفيش اي انقطاع للتسارع بسبب ان وقت التغيير قل لأقصي درجة ممكنة
يعني الفتيس اسرع في الغيارات من اي اوتو ومن اي مانيوال

بالمنطق السابق + انه من غير تزييت للميكاترونيك (بياخد 1.7 لتر زيت فقط لا غير)
يبقي في ج م ع لازم الفتيس يبوظ (بعد الشر) لو مشيك كله عتبة وفيصل واشارات
لكن لو مشيك طوالي والفتيس مستريح في الغيارات - ان شاء الله عمره ما هيعطل
هتقولي طب ما كل دول العالم زحمة علي رأسهم انجلترا
هقولك بس النظام بيخلي الزحمة مش زي عندنا - تقف في اشارة وتمشي علي طول احسن من ان الشارع يبقي ماشي بالكدب الأشارة خضرا بس الشارع لا منه ماشي ولا منه واقف
ودة كفيل انه يقتل الفتيس

المشكلة مشكلة استخدام وليس عيوب صناعة
الفتيس قبل ما يبدأو في التصنيع متجرب لمسافة 2 مليون كم
يعني بحساباتنا كدة - يعيش معاك 20 سنة مستريح جداً

والله المستعان
،
،