الموضوع: بأمانه ودون تحيز .. اشتري ستروين ax ولا لا ؟

المشاركة الأصلية كتبت بواسطة Mohab.Nabil

على فكرة الكلام طريقته مش كويسة ابدا !!

يعنى ايه مش بنحب نظهر عيوبها الفعلية للناس و بعد ما لقيت نصائح حقيقية يعنى احنا بنكدب و بنلبسك ولا ايه ؟

اولا احنا الحمد لله هنا فى القسم كلنا اخوات و محدش فينا ابدا بيفتى او بيلبس حد و محدش بيتكلم الا عن تجربة و اللى بيقول كلام هو مجربوش بنفسه بيقول فى اول كلامه ان دا كلام سمعه مش كلام متأكد منه

عندك مثلا انا المنسق بس معرفش اوى عن الـ ax مدخلتش الموضوع و قولتك هات ستروين ديه احسن عربية فى مصر لأ مردتش و استنيت الناس اللى فعلا جربوا العربية و كتر خيرهم و قالولك المفيد كله ..


عامة ديه مش مشكلنتا احنا ان السوق المصرى معظم اللى بيركبوا عربيات اصلا مش فاهمين فيها حاجة و كلهم بيحبوا يقلدوا و خلاص .. و اصلا و لا تفرق معانا ان اى حد يركب ستروين او لا لأنك زى ما قلت و لا لينا نسبة فى المصنع و لا لينا اى مصلحة .. احنا بننصح لوجه الله و مينفعش ابدا كل شوية عضو يدخل يدينا كلمتين و احنا اصلا بنفيد الناس !

و فى الاخر يا باشا ليك عقل و ليك دماغ تقدر توزن بيها الامور و تشوف انهى عربية احسنلك

و بحب اشكر كل الاعضاء اللى ردوا عليك على خدمتهم للناس و على سعة صدرهم

مبدئيا انا اسف علي طريقه الكلام ان كانت تهجميه في بدايه الموضوع
وانا مبنكرش اد ايه انتوا ناس محترمين وبتفيدوا بجد وانا عامل موضوع من فتره بشكر كل المنتدي فيه بكل اقسامه http://www.nilemotors.net/Nile/361786-a.html
وزي منتا قولت كل واحد ليه دماغ وعقل يفكر فيه للى يناسبه .. شكرا ليكم واسف مره تانيه

المشاركة الأصلية كتبت بواسطة amir_nabil

مساء الفل عليكم قدامي عربية سيتروين zx موديل 1997 علي 26000 بالنسبة للتكييف قالي انها واقفة علي الكباس دي هتبقي اول عربية ليا عاوز اعرف ايه الأجراءات للي المفروض اعملها اول ما اشتريها و هل السعر ده كويس عليها و ما احسن ميكانيكي و قطع غيار علي العلم اني في شبرا و ما تكلفة تركيب الكباس و اسف علي الأطالة

رديت عليك فى الموضوع الاصلى بتاعك