بسم الله الرحمن الرحيم
السلام عليكم ورحمه الله وبركاته
مواضيع كتير وكلام اكتر عن العربيات الكورى وارتفاع اسعارها واللى يقارنها باليابانى والاوربى
الكلام اللى هقوله دا قبل ارتفاع سعر الدولار
الهيواندى كان عندها الالنترا والنيو اكسنت الشكل القديم
الكيا كان عندها السيراتو والريو الشكل القديم
الالنترا مساوية للسيراتو والاكسنت للريو
شركة الهيواندى نزلت الاكسنت ار بى ورفعت سعرها وخلتها قريب للسيراتو
ورفعت الالنترا وخلتها فئة تانية كل دا لمجرد الشكل وبس والناس كلها بقت تشترى اكست ار بى والالنترا لجمال شكلها
الكيا بعدها بسنة حاولت تعدل فى شكل الريو وعملت منها هاتش باك بس محققتش نجاح
بس الاكيد انهم فهموا كويس اوى ان دى بلد اكتر حاجة بتفرق معاها الشكل مش الامكانيات لان نفس العربية كان بيقولك ب 90 بس بشكل قديم انت مشتراتهاش غيرلك شكلها وقالك ب 120 جريت عليها
يبقى لما الكيا تغير اشكال كل عربياتها وترفعلك السعر تخلى اعلى فئة فى السيراتو توصل 198 الف جنية مقاربة لسعر السيفيك والسكودا الاوربى واليابانى عموما
والناس تروح تشتريها يبقى دا غباء من مين؟؟؟؟
والناس اللى بتقارن الاوربى واليابانى مع الكورى ياعم متصلى على النبى فى قلبك
انا ركبت لانسر 99 كريستالة احترمتها عن كيا سيراتو 2010 فى راحتها والقعدة فيها
كمان سنتين نلاقى الكورى بقى فى سعر البى ام والاودى وتدخل الناس تقولك اصل الكورى بقى كويس
مفيش وجة مقارنة من الاساس
اصحاب العقل فى نعمة مع الاحترام لباقى الاراء
والله يا باشا انت قلت اللي نفسي اقولو
المفضلات