الموضوع: الحمد لله .. استلمت الاليزيه وتقرير اولي

ممكن برده عموما مش مهم والف مبروك للي استلم وهي عربيه جميله بجد وان شاء الله يبقى نعمل تقرير بعداول صيانه

ألف مبروك يا ابو احميد
شكرا للسيد العضو

الف مبروك

الف مبروك يا باشا ..

عقبالك يحوده
عربيه جميله بجد

ارجو الافادة من اللي اشتري الاليزيه او بيجو 301
1-فيها ايمبليزر في المفتاح مانع السرقة
2-فيه ماكينات رفع زجاج بالريموت
3-فيها انذار

ربنا يباركلك فيها ويكفيك شرها ويجعلها بالخير عليك بأذن الله
انا بأذن الله خلاص استقريت على الايليزية الفئة الاكسكلوسيف بعد معاناه بينها وبين البيجو
وفيها مكنة رفع زجاج ؟ وانذار ؟
بس عندي حبة استفسارات واتمني تجاوبني عليها ومش حشتري غير لما ترد علية بأذن الله يعني ذنبي فى رقبتك بقى هههههههه
لما بتشغل التكييف السحب بيتأثر ولا لا ؟ واية اخبار العزل بتاع صوت الماتور ؟
المفتاح بتاعها شفرة ولا عادي ؟؟
المرايات بتتقفل كهربا ولا عادية ؟ يعني اقصد بتتني ولا لازم بتقفلها بأيدك ؟
مقاس الجنط كام ؟ وهل فيها abs ولا اية النظام
وفعلا الازاز فيمية ولا ابيض ؟
والسؤال الاهم بقى العربية لما بتحمل معاك 4 بتحك فى المطبات ؟؟
وربنا يسترها معاك ومعلش حتعبك معاية

المشاركة الأصلية كتبت بواسطة hexll

ربنا يباركلك فيها ويكفيك شرها ويجعلها بالخير عليك بأذن الله

الله يكرمك يا باشا .. اللهم امين

انا بأذن الله خلاص استقريت على الايليزية الفئة الاكسكلوسيف بعد معاناه بينها وبين البيجو

على البركة وربنا يكرمك ويباركلك فيها

وفيها مكنة رفع زجاج ؟ وانذار ؟

لا لا ده ولا ده .. بس فيها سنتر والشنطة بتتفتح من ريموت العربية

بس عندي حبة استفسارات واتمني تجاوبني عليها ومش حشتري غير لما ترد علية بأذن الله يعني ذنبي فى رقبتك بقى هههههههه
لما بتشغل التكييف السحب بيتأثر ولا لا ؟ واية اخبار العزل بتاع صوت الماتور ؟
المفتاح بتاعها شفرة ولا عادي ؟؟

الله المستعان .. للامانة مرات قليلة جدا حسيت ان التكييف بيأثر على السحب .. بس ساعات بقول يمكن عشان دي اول مرة اسوق اوتوماتيك ولسة رجلي مش مظبطة .. بس انا كاتبها عندي ملاحظة عشان اقولهم عليها في اول صيانة ان شاء الله .. التكييف بالمناسبة ممتاز.

المرايات بتتقفل كهربا ولا عادية ؟ يعني اقصد بتتني ولا لازم بتقفلها بأيدك ؟
مقاس الجنط كام ؟ وهل فيها abs ولا اية النظام
وفعلا الازاز فيمية ولا ابيض ؟

المرايات مش folded المرايات عادة .. الجنط مقاسه 15 .. وطبعا abs .. الزجاج ابيض

والسؤال الاهم بقى العربية لما بتحمل معاك 4 بتحك فى المطبات ؟؟
وربنا يسترها معاك ومعلش حتعبك معاية

مرة واحدة حكت مني بس ساعتها كنت محمل 3 كبار ورا .. بس عموما العربية ماتقدرش تقول عليها واطية.

انا تحت امرك في اي استفسار