الموضوع: الحمد لله اخترت الصني بس السؤال اتو ايجيبت ولا السبع

شوف مين حيوفرهالك فى أقرب موعد لأنى أرف أن عليها وايتينج ليست طويل شوية أنا إشتريت من السبع اللى فى ش النزهه مصر الجديدة بس كانت صنى 2008 وجابهالى تانى يوم علطول بس ماكانش فيه قوائم حجز ولا يحزنون وأوضاع البلد كانت مستقرة وماكانش فيه أوفر برايس عند المعارض التانية

على فكرة السبع واوتو إيجيبت موزعين معتمدين يعنى المفروض بيبيعوا بالسعر الأصلى مش بياخدو أوفر برايس عشان كده عندهم قوائم حجز أما سمير ريان أو الطارق أو المصرية أو أى معارض تانية بياخدو أوفر برايس ويجيبوهالك علطول إنت وراحتك وبعدين الموزع المعتمد عنده مراكز خدمة معتمدة من المصنع نفسه والسبه بيدى دفتر إيصالات صيانة قيمته ألف جنيه عشان لما تعمل الصيانة عنده يعملك كل مرة خصم 50جنيه وشوية هدايا كده عالماشى وإنت بتشترى العربية من عندهم أهم حاجة شوف موعد الإستلام وربنا يوفقك

كانت ب 110000 ايام ماكانت ب 107000 الرسمى وكانت عند معارض تانيه 112000 فى شهر 2 اللى فات