السفر الي شرم الشيخ

**sheriffayed** · 06-06-2013 12:17 PM

يا ريت لو حد سافر شرم الشيخ يقولي ايه اخبار الطريق لاني مسافر بالاولاد
يعني الطريق امان و لا في قلق .. و يا ريت اللي يعرف الطريق يقولي امشي ازاي
و ايه افضل معاد للسفر و اماكن البنزينات و الاستراحات .. لاني بفضل اني اسافر بالسياره و ربنا يسترها ان شاء الله :)

مع الشكر مقدما لكل اللي هيرد علي الموضوع

**aboamina** · 06-06-2013 03:27 PM

ان شاء الله الطريق أمان انا على طول رايح جاي عليه وما ومابشوفش مشاكل لأنه متأمن كويس الى حد ما المهم تسافر بالنهار...بتاخد طريق السويس وبعد كمين السويس هتلاقي يوتيرن وعليه يافطة المتجه الى النفق هتلف وتدخل يمين وتفضل ماشي على طول لغاية نفق احمد حمدي هتعديه وبعدها هتفضل ماشي على طوووووول لغاية ما توصل شرم على خير ان شاء الله..من القاهرة لشرم 500ك بالظبط والطريق مليان بنزينات وكافتريات وانصحك تعمل زيي وكل ما تقابل بنزينة فول عربيتك عشان ازمات اللي بتيجي فجأة. رحلة موفقة ولو عزت حاجة وانت في شرم انا تحت امرك

**Mohatfhd** · 10-06-2013 05:48 PM

المشاركة الأصلية كتبت بواسطة aboamina

ان شاء الله الطريق أمان انا على طول رايح جاي عليه وما ومابشوفش مشاكل لأنه متأمن كويس الى حد ما المهم تسافر بالنهار...بتاخد طريق السويس وبعد كمين السويس هتلاقي يوتيرن وعليه يافطة المتجه الى النفق هتلف وتدخل يمين وتفضل ماشي على طول لغاية نفق احمد حمدي هتعديه وبعدها هتفضل ماشي على طوووووول لغاية ما توصل شرم على خير ان شاء الله..من القاهرة لشرم 500ك بالظبط والطريق مليان بنزينات وكافتريات وانصحك تعمل زيي وكل ما تقابل بنزينة فول عربيتك عشان ازمات اللي بتيجي فجأة. رحلة موفقة ولو عزت حاجة وانت في شرم انا تحت امرك

كلام صح 100 100 انا لسه كنت مسافر اخر مايو وانصحك انك تريح في قريه اسمها (لاهيسيندا) تقريبا في اخر راس سدر نضيفه واسعارها تمام