الموضوع: صدمه من المرور لتجديد الرخصه حسبى الله ونعم الوكيل

ياباشا انا مش بهاجمه بس حبيت يعني اوضح الواقع الي احنا عيشينه بس بنحاول ننساه

و تحياتي و انا اسف علي كلامي لو زعل صاحب المشاركه احنا هنا كلنا اخوات

الحمدلله اليوم النهارده كان صعب جدا واحد صحبى كان عارف واحد فى المرور ايوه ياباشا متقلش انته محاتج تجديد ايوه طيب 200 جنيه شاى ماشى طبعا دفعت 500 جنيه عشان يدخل يخلص كل حاجه تامين وكله واخلص من الحوار
شويه لقيته جاى ايه يابرنس قال العربيه مفحصتش من 2010 ازاى ياعم قال الدوسيه مفيش غير فحص واحد من 2010 طيب ايه المطلوب قال لازم تعدى على الضابط طيب انا جايلك ليه يرد انته مقولتش انها مفحصتش من 2010 قولتله ازاى وام الرخصه دى بتعمل ايه قال دى غلطه قال متخفش دخل العربيه خلى الضابط يشوفها ياعم ازاى المهم الضابط بص كده شيل الفاميه ده وشيل الكلام ده والكاربون طبعا انا سمعت كده روحت للمعلم اللى اخد الفلوس هات باقى الفلوس طبعا كان دفع 300 جنيه اوراق وتامين المهم قولت هعمل محاوله مع الضابط
دخلت جوه حضرت انا مش ممانع ان اشيل الفاميه بس حضرتك الكاربون ده عشان اشيله البويه هتتشال وحضرتك انا مليش زنب فى التاخير البنك هو السبب وانا معايه ورقه من البنك وانا عشمان فى كرم حضرتك قال خلاص شيل الكلمه اللى على الزجاج وروح عيد كتابه اللوحه طبعا الساعه دخلت على 2 طيب حضرتك الوقت قال انا موجود لحد الساعة 3 المهم دخلت تانى حضرتك شلت الكتابه قال روح جيب شنطه اسعافات روحت والحمد لله اشر على الورق حسن حظى ان الضابط ده شباب وكان هو يوم واحد بس اللى موجود فى ياعنى لو كان الضابط الاقديم موجود انسى الكاربون لازم يتشال وده من المهندس اللى بياخد البصمه الحمدلله انا رايح بكره عشان اسلم الورق
نسيت حاجه كمان المعلم اللى قابلته قال هات 400 جنيه واسلم الرخصة بكره لايعم متشكرين الورق خلص خلاص وبحمد ربنا انه ولا رشوه ولايحزنون بس بصراحه الضابط طلع كويس جدا
كده تكلفة تجديد الرخصه 500 جنيه
85 جنيه شنطه اسعافات
110 جنيه تامين
270 نموذج امر توريد الضرائب وارسوم
20جنيه شاى للعسكرى اللى اخد البصمة

المشاركة الأصلية كتبت بواسطة M I D O

الحمد لله عدت علي خير ومن غير رشوة الف مبروك وربنا يهنيك بالعربية بس الكاربون دة بيتعمل فين لاني بفكر اعملة لما اشتري العربية وياريت تقلي الام 11 عاملة معاك اية وبالنسبة لضيق الكنبة الخلفية عادي ولا ضيقة اوي ومعلش يا باشا هتعبك معايا اصلي بفكر جامد في الام 11

الله يبارك فيك عقبال عربيتك ياميدو بالنسبه للكربون اى حد بتاع فاميه انا كنت عملت الكبوت والسقف والشنطه وتفيم 4 فانوس وكتابه كمبيوتر 300 جنيه عند واحد صاحبى بس مش عارف بره التكلفه كام
بالنسبه ضيق الكنبه مفيش الكلام ده خالص مش لازم ترجع كورسى السواق ورا خالص خليه وسط
بالنسبه للعربيه بسم الله ماشاء الله ممتازه انا كنت بعت العربيه بعد استعمال 8 شهور لظروف ورجعت ليه تانى بعد سنتين مش عاوز اقولك كنت ندمان قد ايه ان بعت العربيه دى وكنت لما اشوفها مع جارى اللى اشتراها منى كنت بكون حزين المهم روحت عشان اجيب مستعمل جربت الاتى فرنا--افيو--لانوس--سيات ابيزا 2002
كل دول ثبات فى الضياع وسحب تعبان جدا
لحد ما جارى شوفته ايه اخبارك تمام مش ناوى تبيع كفايه سنتين حلوين قال انا مسافر وفعلا محتاج ابيع والحمد لله رجعت تانى وفاضل حاولى 20 شهر ربنا يسدد عن الجميع
انته صلى صلاة استخاره
وفى حاجه كمان كنت محتار زيك كده فى البدايه وكنت رايح المعرض عشان اشوف افيو او اكسنت صاحب المعرض بعتنى وقال فى عربيه جميله اسبرانزا m11 طبعا انا كنت فاكر 516 قولت لا شكلها وحش صاحب المعرض قال ده لسه مانزلتش السوق خالص وفعلا روحت معرض ابو الفتوح
لقيت العربيه لونها نبيتى المهم صاحبى كان معايه فضلت اكتر من ساعة ابعد بعيد واشوف العربيه شكلها تحفه وتصميم ممتاز ودخلت العربيه بسم الله ماشاء الله تصميم عدادات رياضى لون العداد احمر صاحبى قال بلاش صينى وقال انته جاى تاخد افيو قولتله لا هيه دى يابنى بلاش صينى هيه دى
شوفت النصيب كان رايح على ايه والحمد لله العربيه كويسه ولو حابب تجرب وتشوف العربيه معنديش مانع ياميدو شرفنى فى اى وقت

الفففف مبورك مش قلتلك بالدعاء انتا كنت تعدي علي طول لو شايل الفاميه هههههههه بس انتا داخل عليه بعوجان ههههه