استفسار حول أجراءات تغيير لون السيارة

**abueldhab ibiz** · 07-06-2013 06:19 PM

يا جدعان أنا رحت أسمكر العربية وأرشها لقيت الراجل بيقولى هترشها نفس اللون؟ ف قلتله أكيد انا ماعيش فلوس أدفع عشان أثبت ع الرخصه قالى انت مش عندك فحص؟ قلتله اه قالى طيب مش هتدفع حاجه .. أنا أفتكرته بيهزر ف الأول عشان كانت أول مره أسمع الكلام ده بصراحه .. المهم لقيته بيتكلم بجد وبيقولى طالما عندك فحص الظابط مالوش دعوه انت هتقوله خد الرخصة القديمة اللى مكتوب فيها رصاصى ميتالك وأفحص وجدد واكتبلى فيها اللون الجديد اللى المفروض انا هختاره ف أنا قلتله أبدأ بس فيها وهشوف الحوار ده أتأكد منه وأقولك .. هل فى الكلام ده ؟ يعنى انا رخصتى مكتوب فيها رصاصى ميتالك لما أجى أفحص عشان أجدد الظابط هيشوف الرخصه ويشوف العربيه يلاقيها أبيض مثلا أو أوسود ف دى هيبقى فيها مشكلة صح؟ ولا السمكرى هو اللى صح؟؟؟ أفيدونى أثابكم الله

**أحمد جودة** · 07-06-2013 07:27 PM

لا اعتقد بتقدم طلب فى المرور بتغببر اللون ودة بيبقي سهل مش صعب

متابع ,,,,,,,,,,,,

**hossamalsadik** · 07-06-2013 11:07 PM

أنا منش هتكلم عن موضوع تغير اللون فى المرور وهوا سهل مفيش مشكله
هتكلم عن تغيير اللون أصلا ليه مترشهاش نفس لون الدواخل ( لون الفبريكه )
مع شوية تغيرات خارجيه بسطه حسب زوق حضرتك وهتحسسك أنك راكب حاجه جديده

**adelghanem** · 09-06-2013 03:01 AM

بس انت ليه عايز تغير اللون؟

**abueldhab ibiz** · 09-06-2013 10:18 PM

أنا كنت هعملها أسود عشان كمان هفيم أسود سوبر دارك ف قلت هتبقى أشيك بس واحد صحبى قالى ان الدواخل وقوايم الببان لون واللى بره لون تانى هيبقى شكلها بيض وف نفس الوقت طبعا ماينفعش ارش الدواخل عشان لو حبيت ابيعها ده هينزل من تمنها جامد ف انا هسيبها زى ماهى وخلاص ... الف شكر يا شباب ع الأهتمام :)