دليل التعامل مع المرور - تجارب واقعية

**أشرف فتحى** · 08-03-2009 11:31 PM

المشاركة الأصلية كتبت بواسطة Khalid_Mostafa

مهما بيعتمدوا علي ان الواحد عايز يخلص من اليوم ده بأي طريقه وبيدفع عشان يخلص وفي وسط الزحمه ينصبوا علي الناس

يا أخى فعلا الواحد بيبقى عامل زى الغرقان وعايز يمشى من المكان الخنيق ده بأى شكل ده غير انك بتبقى واقف طابور بقالك ربع ساعه وعميان مش شايف قصادك

**ابوهاشم** · 09-03-2009 01:05 AM

ياريت ياجماعه كل واحد يكتب تجربته يضيف نوع سيارته والموديل
وكام سىسى وهو دفع كام بالظبط لتعم الفايده علينا جميعا

**eslam_wega** · 09-03-2009 04:28 AM

اوحش مرور على كوكب الارض هو مرور الويلى

**tabeb** · 09-03-2009 07:09 AM

موضوع هايل احييكم عليه_ليا استفسار عندنا عربية 131 باسم والدي الله يرحمه كان مجددها 3 سنين قبل ما يتوفي_حاليا الورثة هما انا ووالدتي وصية علي اخواتي الاتنين_ايه هي اجراءات التجديد والرخصة هتطلع باسم مين؟ العربية تبع مرور فيصل

**heshamhasib** · 24-03-2009 01:05 AM

بجد فكره جميله واكيد هتكون مفيده لجميع الاعضاء
انا عربيتي هيونداي النترا موديل 2006 1600 سي سي
اولا مرور بين السرايات
رسوم نقل ملكيه السياره ودي بتدفع في الشهر العقاري داخل المرور دفعت 1220 جنيه
الضريبه 693 جنيه ل 3 سنوات يعني السنه 231 جنيه
التامين 214 جنيه ل 3 سنوات يعني السنه تقريبا ب 70 جنيه
ثانيا كملت اجراءاتي في مرور فيصل
رسوم الرقم المؤقت نظرا لعدم وجود ارقام جديده ( 60 ) جنيه
بتشتري اللوح المعدنيه من خارج المرور ب 35 جنيه
مهم جدا انك تكون مصور بطاقتك الشخصيه ورخصه العربيه اكتر من صوره لانك كل شويه هتحتاجهم
روح علي المرور بدري وحضر معاك شوال مليان بكلمه حاضر وطيب ونعمين وخلي عندك صبر وطول بال
ارجو اني اكون افادتكم

**ehab4367** · 26-03-2009 06:35 PM

امشى قانونى وسليم,,,,,,,,,,,,,,,,,,,

**Drift_Lover** · 26-03-2009 06:46 PM

طيب هل حد اتعامل مع مرور الدقي.

**heshamhasib** · 26-03-2009 11:24 PM

مرور الدقي هو مرور بين السرايات

**mabdelaziz** · 26-03-2009 11:49 PM

موضوع جميل جداً وأحيى صاحب الموضوع عليه.
أنا عندى سؤال نفسى أعرف إجابته من ساعة لما اشتريت العربية.
رخصة العربية تبع مرور المنتزة وأنا إقامتى تبع مرور العجمى.
اشتريت العربية بتوكيل, تاريخ انتهاء رخصة العربية أكتوبر 2009, بس تاريخ الفحص اللى مكتوب فى الرخصة هو 2010, عاوز أعرف إيه الفرق بين تجديد الرخصة وبين الفحص, وهل أعمل إجراءات نقل الملكية مع تجديد الرخصة ولا مع الفحص ولا حيبقوا الاتنين مع بعض؟
وإجراءات نقل الملكية حتبقى فى مرور المنتزة ولا مرور العجمى اللى إقامتى تبعه؟

ياريت أعرف إجابة الأسئلة دى لأنها محيرانى فعلاً

**heshamhasib** · 27-03-2009 12:38 AM

1- ممكن تجدد الرخصه في مرور المنتزه وتمشي بالتوكيل اللي معاك بس الرخصه هتكون باسم صاحبها القديم .
2- لو حبيت ترخص باسمك في مرور العجمي تبع محل اقامتك في البطاقه دا بيحتاج انك تروح الشهر العقاري الاول اللي تبع مرورك وتعمل نقل ملكيه للسياره باسمك بس خد بالك هنا بتدفع تقييم السياره حسب ما الشهر العقاري بيقيمها يعني انا دفعت لعربيتي النترا موديل 2006 مبلغ 1220 جنيه دا نقل ملكيه .
3- الفحص بتاعك عادي هيكون في 2010 ومالوش دعوه بتجديد الرخصه
اتمني اني اكون قدرت اجاوب ولو بنسبه صغيره علي سؤالك وبالتوفيق

الموضوع: دليل التعامل مع المرور - تجارب واقعية

LinkBack

أدوات الموضوع

عرض

-

-

-

-

-

المواضيع المتشابهه

(دليل الخدمات الشرطية للمواطنين) - ( دليل حقوق المواطن وواجباته عند التعامل مع أجهز

(دليل الخدمات الشرطية للمواطنين) - ( دليل حقوق المواطن وواجباته عند التعامل مع أجهز

من ضمن مقترحات حل أزمة المرور عرض تجارب الدول المزدحمة

مأساتي مع المرور .....قصة حقيقية واقعية

سؤال لمحترفي التعامل مع المرور

الكلمات الدلالية لهذا الموضوع

المفضلات

المفضلات

ضوابط المشاركة